8
Jisu ngonugv Butvyachoknv
1 Miri 110:1 Ngonugv minggvdvnam mvnwng so gv anyung ngv ngonu svkvnv Butvyachok go doodu, nw nyidomooku tologv Darwkrungnv Dvbv dooging gv lakbik tangvlo doodu. 2 Nw nyi gv laak lokv mvmanam vbvritola Ahtu gv mvkunam jvjvnv tombu gv Darwkyachok kolo Butvyachok gubvrila riria jidu.
3 Butvyachok dvdv ngv Pwknvyarnvnyi svnwngsvmin erinpeelwk yadubv tolwkkunam vdwv, okv vkvlvgabv ngonugv Butvyachok hvka erinpeelwk jirungdubv ogugo doorungre. 4 Nw sichingmooku so rinv guibolo nw nyibu gubv rima rungre, ogulvgavbolo Jius vdwgv Pvbv lo dinchinv amin jinam vdwa erinpeelwk yajinv nyibu vdwv doonyado. 5 Mog 25:40Bunugv nyibubv rila ridungripa rinam mv jvjvbv nyido tolokv rinam am riringrima riala rinam go. Vbvdvdvbv Moses nyika ritoku. Vdwlo nw darwknv Tombu nga mvtv tvvtokudw, Pwknvyarnv ninyia minto, “Moodw tolo nam kaatam kunam ho gv alambv ogumvnwng nga no mvrung tvlaka.” 6 Vbvritola vjak, Jisunyi nyibugv kudungkua nga bunua kaiyanv gubv jipvku, Pwknvyarnv gvla ninyigv nyi vdwgv pingkolo nw gv milv minsu dubv mvpvripv kunam angv alvyanv go hvkv aingbv, ogulvgavbolo so si alvnv oguogu gv lvgabv milv kunamlo minggingdo.
7 Milv lvcho kunam ho mimurnam oguogua kaama bolo, lvnyi nvbv milv nga dinchi madunvpv. 8 Mog 25:40 Vbvritola Pwknvyarnv ninyigv nyi vdwgvlo rimur go paalaku nw vbv minto,
“Ahtu mindu,
ngoogv Israel gv nyi vdwala okv Juda gv nyi vdwa anw bv milv minsudw gv alu vdwv aariku.
9 So gv milv minsu jinam si ngoogv bunugv abuapa vdwa ngoogv laak
lokv gakbwngla Ijipt loka linggv rilo milv kunam ayumbv bv rimare.
Bunu ngoogv bunua lvkobv milv kunam a bunu jwkjwkvrwk nyakuma,
okv vkvlvgabv ngo bunua tvvria kaaria kuma.
10 Ahtu mindu, vjak aarinv alu tolo so gv milv kunam sum ngo Israel gv
nyi vdwgv lvkobv mvreku:
Ngo bunugv mongrumara lo ngoogv pvbv nga lwkre
okv bunugv haapok vdwlo lvklwk re.
Ngo bunugv Pwknvyarnvbv rire,
okv bunu ngoogv nyi bv rireku.
11 ‘Ahtunyi chinlakv’ vla yvvka bunugv ajin vdwa
vmalo namrwk vdwa,
tamsar sego kaamare.
Ogulvgavbolo bunu mvnwngngv nga chinreku
miangyachok lokv naalaila kaiyachok lobv.
12 Ngo bunugv rimur vdwa mvngnga jireku
okv bunugv rigakpanam vdwaka mvngpa kumare.”
13 Anw bv milv kunamgv lvgabv minla, Pwknvyarnv minchola milv kunam anga akuaram motoku; okv ogu oguv akukunv okv ainapin kunvngv baapubv nyeedukunv.