तीमुथियुस को लिखी हुई पौलुस की दूसरी चिट्ठी
तीमुथियुस कै लिखी भइ पौलुस की दुसरी चिट्ठी
परिचय
2 तीमुथियुस की किताब प्रेरित पौलुस को अपनो चेला तीमुथियुस कै लिखी दुसरी चिट्ठी है। 2 तीमुथियुस पौलुस की जिंदगी के आखरी मैं लिखी गई रहै। बौ जौ समय रोम देस मैं कैदी रहै1:16। पौलुस को तीमुथियुस के संग सगो रिस्ता रहै और जद्धेतर बाकै लौड़ा के रूप मैं भौत बार संबोधित करथै 2:22,1 तीमुथियुस 2, 1:18। जौ चिट्ठी पौलुस की बे चार चिट्ठिन मैं से है जो कलीसिया के बजाय एक आदमी कै संबोधित करथै। दुसरी तीन चिट्ठी जे हैं: 1 तीमुथियुस, तीतुस और फिलेमोन। बौ समय के पोती जब 2 तीमुथियुस कै लिखो गौ रहै, रोमन साम्राज्य मैं मसीहीयन कै सताओ जात रहै। सायद जहे कारड़ रहै कि पौलुस कैदखाना मैं रहै; और तीमुथियुस कै परेसानी झेलन की खबर देत रहै। 1 तीमुथियुस के हानी, पौलुस तीमुथियुस कै झूठे सिक्छन के बारे मैं तमान चितौनिया दई 1 तीमुथियुस 1:16-18। बौ तीमोथी कै जहो बताथै कि अग्गु मुस्किल समय होगो। 3:1
रूपरेखा
1. पौलुस तीमुथियुस कै नमस्ते करकै सुरुवात करथै और फिरौंकी बाकै बढ़ावा देथै 1:1-18
2. फिर बौ तीमुथियुस कै धीरज धरन की चितौनी दई है। 2:1-13
3. जाके बाद बौ बाकै कुछ सामान्य सूचना देथै। 2:14-26
4. फिरौंकी बौ बाकै भविस्य की घटना और प्रतिसाद देन के सई तरीका के बारे मैं चितौनी देथै। 3:1–4:8
5. पौलुस तीमुथियुस के ताहीं कुछ निजी राय के संग खतम करथै। 4:9-22
1
1 पौलुस के घाँईं से, परमेस्वर की मरजी से मसीह ईसु को एक प्रेरित, जो हमैं दौ गौ है बौ जिंदगी को वादा करन ताहीं भेजो गौ है, जो हमरे झोने ईसु मसीह के संग एक होन के नाते। 2 ✡1:2 प्रेरितो 16:1तीमुथियुस के ताहीं, मेरे प्रिय लौड़ा: मैं परमेस्वर दऊवा और ईसु मसीह हमरो प्रभु तुमकै अनुग्रह, दया और सांति देबै।
धन्यवाद और बढ़ावा
3 मैं परमेस्वर को धन्यवाद देथौं, जिनको मैं साफ मन से सेवा करथौं, जैसी मेरे पुरखा करी रहैं। मैं बाकै धन्यवाद देथौं काहैकि मैं तुमकै हमेसा रात-दिन प्रार्थना मैं समकथौं। 4 मैं तुमरे आँसुअन कै समकत रहाथौं, और मेरी भावना तुमकै देखन ताहीं तरस गई है, ताकी तुमकै देखकै मैं खुसी से भर जामौं। 5 ✡1:5 प्रेरितो 16:1मोकै तेरी बौ इमानदारी बारो बिस्वास समक मैं आथै, जो पहले तेरी नानी लोइस और तेरी अईय्या यूनीके मैं रहै, और मोकै सच मैं पता है कि तहूँ मैं है। 6 जौ बजह से मैं तुमकै समकाथौं, जब मैं तुमरे ऊपर हाथ रखो तौ परमेस्वर तुमकै जो उपहार दई, बाकै जिंदो रखैं। 7 जो आत्मा परमेस्वर हमकै दई है बौ हमकै डरपुकना नाय बनाथै; जाके अलावा, बाकी आत्मा हमकै सक्ति, प्रेम और अपने आपकै काबू मैं रखान की आत्मा दई है।
8 तभई हमरे प्रभु की गभाई से, और मोसे जो बाको कैदी हौं, सरमाबै मत्ती, पर बौ परमेस्वर की सामर्थ्य से सुसमाचार के ताहीं दुख मैं सहभागी हो। 9 बौ हमैं बचाई और हमकै पवित्र बुलाहट से अपने लोगन के रूप मैं बुलाई, ना कि हम जो करे हैं, बाके बजह से, पर अपने उद्देस्य और अनुग्रह के बजह से। बौ हमकै जौ अनुग्रह दई है कि अनंत समय के सुरू होन से पहलिये ईसु मसीह के जरिया भौ है, 10 पर जौ हमरे उद्धारकर्ता, ईसु मसीह के आन से हमैं पता चलो है। बौ मौत की सक्ति कै खतम कर दई है और सुसमाचार के जरिया अनंत जिंदगी कै दिखाई है।
11 ✡1:11 1 तीमुथियुस 2:7परमेस्वर मोकै सुसमाचार सुनान के ताहीं एक प्रेरित और सिक्छक के रूप मैं चुनी है, 12 जौ बजह से कि मैं जे चीजन कै भुगत्थौं, पर मैं अभऊ बिस्वास से भरो हौं, काहैकि मैं जानथौं कि जोके ऊपर मैं भरोसो करो हौं, और मोकै यकीन है कि बौ बहे दिन ले समारे रखान मैं कामयाब है, जो बौ मोकै सौंपीं है। 13 जिन खरी बातन कै तैं मेरे मोहों से सुनो, उनकै दृढ़ता से सच्चे सब्दन कै जोमैं तुमकै सिखाओ, जैसो की ईसु मसीह के संग, हमरो बिस्वास और प्रेम को पालन करन के ताहीं और हमरे संग बने रहेन के ताहीं उदाहरड़ है। 14 पवित्र आत्मा की सक्ति, जो हमरे मैं रहथै, बे अच्छी चीजन कै अपने झोने रख जो तुमकै सौंपीं गई हैं।
15 तुम जानथौ कि फिगेल्स और हर्मोजेनेस समेत आसिया के सबै देस मैं मोकै छोड़ दौ गौ है। 16 प्रभु उनेसिफुरुस के परिवार ऊपर दया करी, काहैकि मोकै निरे बार मेरे जी कै ठंडो करी, और मेरी जंजीरन से लज्जित नाय भौ; 17 पर जब बौ रोम मैं आओ, बौ मोकै ढूँड़नो सुरू कर दई, जबले कि बौ मोकै पाय ना डारी। 18 प्रभु बौ दिन बाकै अपनी दया दिखाबै! और तुम अच्छे तरीका से जानथौ कि बौ इफिसुस मैं मेरे संग कित्तो कुछ सेवा करी।