इफिसियों को लिखी हुई पौलुस की चिट्ठी
इफिसियों कै लिखी भइ पौलुस की चिट्ठी
परिचय
इफिसियों सहर कै चिट्ठी बहे समय के आस-पास लिखी गई रहै जब ईसु मसीह के पैदा होन के 60 साल बाद कुलुसियन कै चिट्ठी लिखी गई रहै। लेखक खुदकै प्रेरित पौलुस के रूप मैं पहचानथै 1:1। जाधेतर विद्वान जौ बात से सहमत हैं कि पौलुस कै इफिसियों की पत्री मैं कुलुसियन की पत्री की बराबरी मैं मिलन बारे निजी बधाई की कमी होगी। ऐसो लगथै कि पौलुस ही लिखी है। जहे बजह से जाकै देस की निरी कलीसियन मैं फैलान को इरादा करो गौ होगो। पौलुस जहो के बारे मैं बताई है कि जब बौ चिट्ठी और लिखी रहै तौ बौ कैदखाना मैं रहै 3:1,4:1,6:20। पौलुस तीतुस के हाथ चिट्ठी भेजी जब बौ इफिसुस जात रहै6:21-22। इफिसुस सहर आसिया प्रांत को बड़ो सहर और रोमी राजधानी रहै, इफिसुस अपने मंदिर के ताहीं जानो जात रहै जो ग्रीक देवी आर्टेमिस कै समर्पित रहैप्रेरितो 19:23-31। इफिसुस की कलीसिया एक मजबूत सुरुवात करी रहै, लेकिन बाद मैं कमजोर हुई गई प्रकासितवाक्य 2:1-7। पौलुस जौ चिट्ठी के पहले भाग मैं बताई है कि कैसे परमेस्वर अपने लोगन कै चुनी है और उनकै ईसु मसीह के जरिया उन्हईं के पापन से बचाई है। कलीसिया की बराबरी एक सरीर के संग करी गई है जोको मूड़ मसीह है एक इमारत के समान है जोको कोहने को पथरा मसीह है। किताब के दुसरे हिस्सा मैं पौलुस मसीह जिंदगी जीन के बारे मैं कहथै।
रूपरेखा
1. पौलुस अपनो परिचय दई और इफिसियों को स्वागत करी। 1:1-2
2. फिर बौ मसीह के संग जो कलीसिया के संबंध के बारे मैं बताथै। 1:3–3:21
3. तौ पौलुस लिखी है कि कौन से तरीका से मसीहियन कै जीनो चाहिए। 4:1–6:20
4. आखरी मैं पौलुस कुछ समापन बात की राय देथै। 6:21-24
1
1 ✡1:1 प्रेरितो 18:19-21पौलुस के घाँईं से जो परमेस्वर की मरजी से ईसु मसीह को प्रेरित है, बे पवित्र और ईसु मसीह मैं विस्वासी आदमिन के नाओं जो इफिसुस मैं हैं: जो ईसु मसीह के संग मिलकै अपनी जिंदगी मैं परमेस्वर के जो लोग हैं उनकै लिखी हैं।
2 हमरे परम दऊवा परमेस्वर और प्रभु ईसु मसीह के घाँईं से तुमकै अनुग्रह और सांति मिलथै।
मसीह मैं सबै तरहन की आत्मिक आसीस
3 हमरे प्रभु ईसु मसीह के परमेस्वर और दऊवा को धन्यवाद होबै कि बौ हमकै मसीह मैं स्वर्गिय जघा मैं कि सबै तराहनी की आत्मिक आसीस दई है। 4 जैसे कि बौ हमकै दुनिया बनन से पहलिये से बामै चुन लई कि हम बाके संग एक होन के बजह से पवित्र और निर्दोस होमैं।
5 प्रेम के बजह से और अपनी मरजी से, अच्छे मन से हमैं अपने ताहीं पहलिये से बनाई कि ईसु मसीह के जरिया हम बाके *1:5 गोदी लै भैगोद लै भै बालका होमैं, जहे बाकी खुसी और मरजी रहै। 6 कि बाके बौ दया की महिमा की स्तुति करन के ताहीं, जो बौ हमैं अपने प्रेम मैं आजादी से दई है। 7 ✡1:7 कुलुस्सियों 1:14बामै हमकै बाके खून से छुटकारा, मतलब गल्तियन की माफी, बाके बौ अनुग्रह के धन के तराहनी मिलो है, 8 जोकै बौ पूरे ग्यान और समझ समेत हमरे ऊपर खूबै करी। 9 काहैकि परमेस्वर बहे करी जो बौ खुदकै ही बनाई रहै, और हमकै बौ लुकी भइ बात कै जताई जो बौ पहलिये से मसीह के जरिया पूरो करन को फैसला लई रहै। 10 की समय के पूरो होन को ऐसो बंदोबस्त होबै कि जो कछु स्वर्ग मैं है और जो कछु पृथ्वी मैं है, सबै कुछ बौ मसीह मैं जोड़ै।
11 सबै कुछ परमेस्वर सोचथै बहे होथै; और परमेस्वर अपने खुद के वजह से हमकै मसीह के संग अपने खुद के लोगन के रूप मैं चुनी, जो बात कै बौ सुरुए से ठान लई रहै। 12 फिरौंकी जो-जो मसीह मैं आस लगाए रहैं, परमेस्वर की महिमा कै करथैं।
13 और बहे मैं तुम्हऊँ, परमेस्वर के बालका बन गै जब तुम सच्चो बचन सुने, जो तुमरे उद्धार को सुसमाचार है और जोके ऊपर तुम बिस्वास करे, और परमेस्वर तुमरे जरिया बौ पवित्र आत्मा जो मालिकाना हक को छाप है देन की ठानी, और जहे ताहीं बौ जौ बात को वादा करी रहै। 14 आत्मा जौ कहथै कि हमकै बौ सब मिलैगो जो परमेस्वर अपने लोगन से वादा करी है, और हमकै जौ बिस्वास दिलाथैं कि परमेस्वर बे आदमिन कै पूरी आजादी देगो जो बाके हैं। हम बाकी महिमा की गामैं।
पौलुस की प्रार्थना
15 जौ बजह से, जब से मैं प्रभु ईसु मैं तुमरे बिस्वास और परमेस्वर के सबै पवित्र लोगन के ताहीं तुमरे प्रेम के बारे मैं सुनो हौं, 16 मैं तुमरे ताहीं परमेस्वर कै धन्यवाद देनो नाय छोड़ो हौं। मैं तुमकै अपनी प्रार्थना मैं याद करत रहथौं। 17 और, कि हमरे प्रभु ईसु मसीह को परमेस्वर जो महिमा को परम दऊवा है, तुमकै ऐसी आत्मा देगो जो तुमकै ग्यानी बनाए और परमेस्वर को प्रगट करे ताकी तुम अच्छे तरह से पहचान सकौ। 18 बौ तुम लोगन के मन की आँखिन कै जोती देबै, जोसे तुम जौ देख सकौ कि बाके जरिये बुलाए जान के बजह से तुम लोगन की आसा कितनी महान है और सन्तन के संग तुम लोगन कै जो बिरासत मिली है, बौ कितनी अदभुत और महिमामय है, 19 हम जो बिस्वास रखथै बाकी सक्ति जो हममैं काम कर रइ है बौ कितनी महान है! जौ जो सक्ति जो हममैं काम करथै; बौ बाको महान बल के नाई है। 20 जोकै जरिये बौ मसीह कै मौत से जिंदो करी और बाकै स्वर्गिय जघा मैं अपने दहने और बैठारी।✡1:20 भजन संहिता 110:1 21 हुँआँ मसीह सब स्वर्गिय सासक, अधिकारी, सामर्थ्य और सेठन के ऊपर राज करथै; बाको ऐसो नाओं है बाके पास जौ युग मैं और आनबारी युग मैं अधिकार के सबै खिताब से स्रेस्ठ एक उपाधि है। 22 और सबै कछु बाकी पाँव तरे कर दई;✡1:22 भजन संहिता 8:6; कुलुस्सियों 2:10 और बाकै सबै चीजन ऊपर मूड़ बनाये कै कलीसिया कै दै दई। 23 कलीसिया मसीह की सरीर है, और बहे की भरपूरी है जो सबै मैं सब कछु पूरो करथै।