Acts
1
Jesus yipapurti kuriyuwu
Ngirramini ngini arlipiyi purinjirringuwi kangi jupunyini 8 Jesus yimi kapi ngarra-mamanta.“Api God nginingatawa pukwiyi wiyi awunuwuriyi kiyi apakirayi nuwa pawa. Nuwa wiyi nguwurtiyarra tiwi ngini ngiya kapi Jurujilimi, kapi Jutiya murrakupuni apingimi, amintiya Jamariya timani. Nuwa wiyi nyimpuriyi ngampi tiwi wurumuwu kapi nyoni timani apingimi. Nuwa wiyi nguwurtiyarra awuta ngini ngiya.”
9 Kiyi God yimarruriyi Jesus kuriyuwu kapi wampaka, ngarra-mamanta pirripakurluwunyi karri yipapurti. Kiyi yirrakunga yipujirra, ngarra-mamanta karluwu pirrapakurluwunyi ngarra. 10 Ninganiwanga pirripakurluwunyi kuriyuwu karri awuta yuwurrara jajingaruwi papi-pirimi ngini wuta turtiyanginari kuluji, pirripirti kapi wuta. 11 Wuta pirimi. “Nuwa jajingaruwi kapi-nuwa Kalaliyi, pilikama nuwa tayiti awungarra ngini ngimpakurluwunyi kuriyuwu kapi yirrakunga? Ngarra God yimarruriyi Jesus kuriyuwu. Nginingaji nuwa nginti-pakurluwunyi ngini yipapurti. Ngarra wiyi awunipakupawurli, awarrawanga nginingaji nginti-pakurluwunyi ngini ngarra yuwuriyi”