12
Mayramee I'sayne g'elybışilqa gıranın q'ış qadağva
1 Peesaxıle yixhılle yiğna ögil I'sa Bet-Anyeeqa, Vuce hapt'ıynbışde yı'q'neençe üç'ür qı'ına Lazar eyxhene cigeeqa qarayle. 2 Maa'ad I'saynemee otxhuniy hele ıxha. Marteeyid sufranılqa otxhanan haqqa ıxha. Lazarır I'sayka sacigee sufrayne hiqiy-allanbışde yı'q'nee eyxhe. 3 Mayramee mane gahıl sura litralqa ələən, geed gıranın, yugun evanan q'ış alyaat'u, I'sayne g'elybışilqa k'ya'a. Qiyğa məng'ee cene ç'ərbışika Mang'un g'elybı mətta'a. Xavcad q'ışşıne evayn alyaat'a. 4 I'sayne telebabışde sang'vee, Mana merıng'une xılyaqa qelesde Kariotğançena Yahudee eyhen:
5 – Nya'a man q'ış xhebıd vəş (300) dinarıs*Dinar: nuk'rayke hı'iyn pıl. Sa dinar sa yiğısde işis hoole vuxha. massa huvu, kar deşinbışis bit'al hidi'ı?
6 Mang'vee man cuvab kar deşinbışda haa'ava deş eyhe, sixnariy ıxhayke eyhe. Mang'usqa pılnana q'utye quvu vooxhe, mang'veeyid cus ıkkanne karas mançe pıl alyaat'a ıxha.
7 I'see eyhen:
– Mana ı'ğiykar himee'e! Məng'ee man q'ış g'iyniyne yiğıs havacı ıxha. Məxür məng'ee Zı k'eyxhas ixhesın xhinnee qı'ı. 8 Kar deşinbı gırgıne gahbışilycab şoka vuxhes, Zımee gırgıne gahbışil şoka ixhes deş.
9 Gellesde Yahudeeşik'le I'sa maa'ar ıxhay ats'axhxhe. Manbı maqa I'sa g'acesvacar deş, Vucee hapt'ıynbışde yı'q'neençe üç'ür qı'ına Lazar g'aces abı. 10-11 Lazarır-alla gellesde Yahudeeşe hapk'ın, I'says inyam hı'ı. Mançil-alla kaahinaaşin ç'ak'ınbışis Lazar gik'as ıkkiykan.
I'sa İyerusalimeeqa paççah xhinne ikkeç'e
12 Qinne yiğıl bayrameeqa abıyne gellesde insanaaşik'le I'sa İyerusalimeeqa ayresva g'ayxhı. 13 Manbışe xurmayn bıtağbı alyaat'u ts'irbı ha'a, Mang'une ögilqa qığeebaç'e. Manbışe eyhen:
– Hosanna†Hosanna: cühüt'yaaşine mizel «Şi g'attivxhan hee'eva» eyhen vodun. Məxür Allah axtı qa'a ıxha.!
Rəbbine doyuka Qarıyng'us şukur vuxhena!
İzrailyne Paççahıs şukur vuxhena!
14 I'see q'udux t'abal hav'u, çil ilexa. Mane karbışde hək'ee Muq'addasne Otk'unee inəxüd otk'un:
15 «Sionna yiş‡Sionna yiş: man İyerusalimva eyhen vodun. Sion İyerusalim alyaav'una tepa vobna., qimeeqən!
İleeke, yiğna Paççah
sa q'uduxul alixı vor qöö!»§İnəxüd Zakariy peyğambarne kitabee otk'un (9:9).
16 Ts'etta telebabışilqa vuççud hiyxhar deş. Allahee I'sa axtı qı'iyle qiyğa, Mang'une vuk'lelqa qadıynbı, telebabışe yik'el qalya'a. Mançine hək'ee ögilycadniy Muq'addasne Otk'uniybışee otk'un. 17 I'see Lazar nyuq'vneençe qort'ul hapt'ıynbışde yı'q'neençe üç'ür qı'iyne gahıl, Mang'une hiqiy-alla sadıyne milletın mançina gaf haa'a. 18 Milletık'le I'see man əlaamat haguva g'ayxhı ıxha, mançil-allad millet Mang'une ögilqa adayle. 19 Mançil-alla Fariseyaaşe*Fariseyar: Manbı I'sayne gahılin dindarar vuxha. Manbışik'le Allahna Q'aanun yugba vaats'a vuxhal-alla, manbı milletın ç'ak'ınbı vuxha. sana-sang'uk'le eyhen:
– Vuççud yişde xılençe qöö deş. Gırgınbı Mang'uqab qihna əlyhəə!
I'see Vuc qik'asva eyhe
20 Bayramıs İyerusalimqa ı'bəədatısva abıynbışde yı'q'nee Yunanarıb vuxhaynbı. 21 Manbı Galileyayne Bet-Tsayda şahareençe eyxhene Filippne k'anyaqa hapk'ın, miz k'yaa'a:
– Xərna, şak'le I'sa g'aces ıkkan.
22 Filipp arı, Andreyk'le eyhen. Andreyir Filippır hapk'ın, mana gaf I'says haa'a. 23 I'see alidghıniy qele:
– İnsanne Duxayna axtı qexhena gah qabı. 24 Zı şok'le hək'en eyhe, sa suk ç'iyelqa g'a'aypxhı qidevk'eene, vuccab aaxva. Mana qivk'veeme, geed şagav hele. 25 Cuna ı'mı'r vukkanang'vee, mana avaak'an haa'as. İne dyunyel cune ı'mrena hidyaa'ang'veeme, mana gırgıne gahbışis havaces. 26 Şavusiy Zas g'ullux haa'as vukkan, Zaqar qihna qoracen. Zı nyaa ixhee, Yizda nukarır maa'ar ixhes. Şavaayiy Zas g'ullux hav'u, Yizde Dekkeeyib mang'us hı'rmat haa'as.
27 Həşde Yizın yik' ulyoyk'al vod. Hucoo Zasse eyhes əxəyee? Deşxheene, «Dek, Zı ine gahıke g'attixhan he'evane!» eyhes? Zı ine gahınemeecar qarı. 28 Dek, Yiğın do axtı qe'e!
Manke xəənçe ses qayle:
– Yizın do axtı qı'iyn, meedıd axtı qa'asın!
29 Maa'ab ulyobzurne sabaranbışe eyhen:
– Xəybı g'əhətqı'.
Mansanbışed eyhen:
– Mang'uka malaaik yuşan hı'ı.
30 I'see manbışis alidghıniy qele:
– Man ses Yizdemee deş, vuşdemee qadı. 31 İne dyunyeys məhkama alğahasda gah hipxhırna, in dyunye vuk'lek ıkkekkan iblis g'eheşşesda. 32 Zı ooqa qa'amee, Zı gırgınbı Zalqa ts'ıts'a'as.
33 I'see mane cuvabıka Vuc nəxüriy qik'asva eyhe. 34 Milletın Mang'us alidghıniy qele:
– Şak'le Q'aanune g'ayxhiyn, Masixh†Masixh: man cuvab «q'ış qadğuna» eyhen vodun. Avaala İzrailil məxdın ədat ıxha, kaahinaaşine, paççahaaşineyiy peyğambaraaşine vuk'lelqa q'ış qadağva ıxha. Man q'öd'esın I'sayn do Allahee Mana g'əyxı'nava eyhen vod. İzrailybışik'le peyğambaraaşe uvhuynbı ats'a ıxhal-alla, manbışe Masixh qarı cun millet duşmanaaşike g'attixhan hı'ı, dyunyeys xəbvalla hav'uy gozet ha'a ıxha. gırgıne gahbışis axvas. Nya'a Ğu manke «İnsanna Dix ooqa qa'asva» eyhe? İna İnsanna Dix vuşune?
35 Manke I'see manbışik'le eyhen:
– Sık'ınna gahnad Nur şol oğa ixhes. Nur vodnang'a iviykre, miç'axiyvalin şu uvqumaaqacen. Miç'axiyvalee iykarang'uk'le vuc nyaqa ark'ıniy ats'a eyxhen deş. 36 Nur vodnang'a Nurus inyam he'e, şu Nurun dixbı vuxhecenva.
I'see manva uvhuyle qiyğa, mançe ark'ın dyugulexhena.
Geebınbışe I'salqa inyam ha'a deş
37 I'see manbışde ögil manimeen əlaamatbı hagveeyid, manbışe Mang'ulqa inyam ha'a deş. 38 Man karbı, Yeşaya peyğambaree uvhiynbı xhinne, eyxhe:
«Rəbb, şi uvhuynçilqa şavaane inyam hı'ı?
Şavusne Rəbbina guc gyaagu?»‡İnəxüd Yeşaya peyğambarne kitabee otk'un (53:1).
39 Manbışisse inyam ha'as əxə deşdiy, Yeşaya peyğambaree menne cigee inəxüd uvhuva:
40 «Allahee manbışin uleppı bı'rq' qı'ı,
yik'bıd g'ayelqa sak'al hı'ı,
uleppışika g'ımececenva,
yik'bışisıd haymeexhecenva,
Mang'ulqab sivmiyk'alcen manbı yug qee'eva».§İnəxüd Yeşaya peyğambarne kitabee otk'un (6:10).
41 Yeşayayk'le I'sayna axtıvalla g'avcuynçil-alla, man cuvab uvhu Mang'une hək'ee yuşan hı'ı.
42 Ç'ak'ınbışde geebınbışe I'salqa inyam he'eeyid, man manbışe ats'axhya'a deş. Fariseyaaşe co sinagogeençe*sinagoga: Cühüt'yaaşe ı'bəədat ha'an ciga. g'e'eebaşeva, manbı qəvəyq'ən vooxhe. 43 Manbışis Allahee deş, insanaaşe cos q'iymat huvu vukkiykan.
I'sa insanar g'attivxhan haa'as qarı
44 I'see axtıda eyhen:
– Zalqa inyam ha'ang'vee Zalqa deş, Zı G'axuvuyng'ulqa inyam ha'a. 45 Zı g'eceng'uk'le Zı G'axuvuna g'ece. 46 Zalqa inyam ha'ana vuşucar miç'axiyvalee ımaxvacenva, Zı dyunyelqa Nur xhinnee qarı.
47 Şavuk'leyiy Zı uvhuyn g'ayxhı man hidi'ı, Zı mana muhaakima ha'as deş. Zı dyunye muhaakima ha'asva deş, man g'attixhana'asva qarı. 48 Zı əq'əna qı'ına, Yizın cuvab k'ane qıdya'ana sa karan muhaakima ha'as. Manıd Zı uvhuyn cuvab vod. Nekke qiyğiyne yiğıl mana mançin muhaakima ha'as. 49 Zı Zaled-alqa deş uvhu, Zı g'axuvuyne Dekkee hucooyiy eyhesva, nəxüdiy eyhesva Zalqa əmr hav'u. 50 Zak'le ats'an, Mang'una əmr gırgıne gahbışisda ı'mı'r vobna. Mançil-allad Dekkee Zak'le nəxüdiy uvhu, Zı həməxüdıd eyhen.
*12:5 Dinar: nuk'rayke hı'iyn pıl. Sa dinar sa yiğısde işis hoole vuxha.
†12:13 Hosanna: cühüt'yaaşine mizel «Şi g'attivxhan hee'eva» eyhen vodun. Məxür Allah axtı qa'a ıxha.
‡12:15 Sionna yiş: man İyerusalimva eyhen vodun. Sion İyerusalim alyaav'una tepa vobna.
§12:15 İnəxüd Zakariy peyğambarne kitabee otk'un (9:9).
*12:19 Fariseyar: Manbı I'sayne gahılin dindarar vuxha. Manbışik'le Allahna Q'aanun yugba vaats'a vuxhal-alla, manbı milletın ç'ak'ınbı vuxha.
†12:34 Masixh: man cuvab «q'ış qadğuna» eyhen vodun. Avaala İzrailil məxdın ədat ıxha, kaahinaaşine, paççahaaşineyiy peyğambaraaşine vuk'lelqa q'ış qadağva ıxha. Man q'öd'esın I'sayn do Allahee Mana g'əyxı'nava eyhen vod. İzrailybışik'le peyğambaraaşe uvhuynbı ats'a ıxhal-alla, manbışe Masixh qarı cun millet duşmanaaşike g'attixhan hı'ı, dyunyeys xəbvalla hav'uy gozet ha'a ıxha.
‡12:38 İnəxüd Yeşaya peyğambarne kitabee otk'un (53:1).
§12:40 İnəxüd Yeşaya peyğambarne kitabee otk'un (6:10).
*12:42 sinagoga: Cühüt'yaaşe ı'bəədat ha'an ciga.