Zabur
Q'öble yəq
1 Pisınbışde mı'sləhətıka
yəq idyaak'anna,
bınahnanbışika
gyu'ur oza qidexhena,
matsxar haa'anbışika
gidiy'arna
insan nimeecar baxtivariy!
2 Mang'uname şadvalla saccu
Rəbbine Q'aanunee vobna.
Xəmbına-yiğbına mang'vee
mana qəbəqqə,
mançina haa'a.
3 Mana xhyanbışde
mıglek oozuna,
şagav çine gahıl helena,
çin t'eled hı'ç'diyğənna
yiv xhinnee ixhes.
Mang'vee ha'ane gırgıne karee
barakat vuxhes.
4 Pisın insanarmee
məxbınbı deş vob,
manbı mıtsın alixa'an
balybiy xhinnee vooxhe.
5 Mançil-allab pisınbışisse
məhkamee,
bınahnanbışisseb
qopkuyn insanarnane maclisee
ulyoozaras vəəxəs deş.
6 Nya'a, Rəbbee qopkuynbışda yəq
dişde havaace?!
Pisınbışde yəqqı'nıb
manbı gyapt'as hoot'al.