10
Baasukulu baa Nuha
1 Bani niibo baasukulu baa Nuha, aba batabani̱ be Seemu, Haamu, na Yafeesi̱ baabyaye haanu̱ma ya maasi kutungeela munsi.
Baasukulu baa Yafeesi̱
2 Batabani̱ baa Yafeesi̱ niibo bani:
Gomela, Magogi̱, Madaai, Yavaani̱, Tubbaali̱, Meseeki̱, na Tilaasi.
3 Na batabani̱ baa Gomela niibo bani:
Asekenaji̱, Lifati̱, na Togolama.
4 Batabani̱ baa Yavaani̱ niibo bani:
Eli̱sa, Talasi̱i̱si̱, Ki̱ti̱i̱mu̱, na Dodani̱mu̱.
5 Bani niibo baabaagha baataata baa bantu abaakalagha haa myalo hamui na bi̱i̱kalo bya mu maasi. Baabaghani̱jamu bu̱li̱ katu̱la mu mahanga ghaabo, kusighikila haa mi̱bu̱ghe yabo.
Baasukulu baa Haamu
6 Batabani̱ baa Haamu niibo bani:
Ku̱u̱si̱, Mi̱si̱li̱, Pu̱u̱ti̱, na Kanaani̱.
7 Batabani̱ baa Ku̱u̱si̱ niibo bani:
Sebba, Havila, Sabbuta, Laama, na Sabbuteeka.
Na baana baa Laama niibo bani:
Sebba na Dedaani̱.
8 Ku̱u̱si̱ akaba ali dhee ese Ni̱mu̱loodi̱. Ni̱mu̱loodi̱ oghu akaba ali mulwani̱ wamaani̱. 9 Mukama aamubonagha ali mu̱hi̱i̱ghi̱ wamaani̱, niikiyo kyaleki̱ye baaghila bati, “Nga Ni̱mu̱loodi̱ mu̱hi̱i̱ghi̱ wamaani̱ wa Mukama munsi.” 10 Akadu̱bha kulema bi̱i̱kalo mu Bbabbeeli̱, Eleki̱, Akadi̱, na Kalene mu ehanga lya Bbabbu̱looni̱ya.*10:10 Bbai̱bbu̱li̱ sinji sighambi̱ye Si̱naali̱. 11 Ku̱lu̱gha mu kyalo eki aaghenda mu Asi̱li̱ya, aakwelayo Ni̱neeva, Lehobboti̱-I̱la, Kala, 12 na Leseeni̱, eghi ekaba eli haagati ya Ni̱neeva na kibugha kiinamu̱li̱to Kala.
13 Mi̱si̱li̱ akaba ali taata wa
Balu̱di̱mu̱, Banami̱mu̱, Balehabbi̱mu̱, Banafu̱tu̱hi̱mu̱, 14 Bapasu̱lu̱si̱mu̱, Bakafu̱toli̱mu̱, na Bakasu̱lu̱hi̱mu̱. Kandi mu Bakasu̱lu̱hi̱mu̱ aba niimuwo aalu̱ghi̱ye Bafi̱li̱si̱ti̱.
15 Kanaani̱ akaba ali ese wa
Si̱dooni̱ mu̱li̱ghaaso ghuwe. Kanaani̱ akaba ali dhee taata wa Bahi̱ti̱, 16 Bayebu̱si̱, Bamooli̱, Bagi̱li̱gasi̱, 17 Bahi̱vi̱, Baaleki̱, Basi̱i̱ni̱, 18 Baalivaadi̱, Bajemaali̱, na Bahamaati.
Haanu̱ma, Banakanaani̱ boona beehanjaaga. 19 Mitaano yabo yaatandikila Si̱dooni̱ kughendela kimui Gelaali̱, Gaja, Sodomu, Gomola, Adama, Jebbohi̱mu̱ ku̱hi̱ki̱ya Lasa.
20 Aba niibo baasukulu baa Haamu kusighikila haa bu̱tu̱la bwabo, mi̱bu̱ghe yabo, maka ghaabo, na mahanga ghaabo.
Baasukulu baa Seemu
21 Seemu, mukulu wa Yafeesi̱, niiye akaba ali taata wa baasukulu baa Ebbeli̱ boona.
22 Batabani̱ baa Seemu niibo bani:
Elaamu, Asu̱li̱, Apakisaadi̱, Lu̱di̱, na Alaamu.
23 Batabani̱ baa Alaamu niibo bani:
U̱ji̱, Hu̱li̱, Geteeli̱, na Masi̱.
24 Apakisaadi̱ niiye akaba ali ese wa Seela,
na Seela aabyala Ebbeli̱.
25 Ebbeli̱ aabyala baana babili:
omui baamuluka li̱i̱na Peleegi̱†10:25 Peleegi̱ kikumani̱i̱si̱ya kweghabani̱ja kwa bantu. nanga bwile obu aabyaliluuwemu, bantu bakaba beebaghani̱i̱jemu munsi. Waakabili baamuluka li̱i̱na Yokitaani̱.
26 Yokitaani̱ niiye akaba ali taata wa
Alimodaadi̱, Seleefu, Hajali̱maave, Yeela, 27 Hadolaamu, Ujaali̱, Dikila, 28 Obbali̱, Abbi̱meeli̱, Sebba, 29 Ofi̱li̱, Havila, na Yobbaabbu. Bani boona bakaba bali baana baa Yokitaani̱.
30 Ki̱i̱kalo eki baakalaghamu kikaba kitandikiiye Meesa kughendela kimui Sefala mu kyalo kya bwena ekili bu̱lu̱gha ejooba.
31 Aba niibo batabani̱ baa Seemu kusighikila haa bu̱tu̱la bwabo, mi̱bu̱ghe yabo, nsi syabo, na mahanga ghaabo.
32 Aba niibo batabani̱ baa Nuha kusighikila mu ku̱byaluwa kwa baasukulu mu bantu baabo. Ku̱lu̱gha mu ebo, bantu baakanila kimui munsi haanu̱ma ya kutungeela kwa maasi munsi.