47
GALA gooi Filisiti nuiti daalɔɠɔma
1 Wɛlɛ keela wooi ʋa GALA goo wo nui Zelemi sɔlɔɔni Ɠɔoɠɔ GALAGI ya, é lo Filisiti nuiti ba. Naa ɠɛɛni aisa Falaɠɔn ʋa laalɛ Gaza wu.
2 «Ɠɔoɠɔ GALAGI wooi ɠaa:
‹Wɛlɛ ziɛiti ta ʋaazu wuzeɠezu lɛkpɛmaʋɛ nu ɠɔʋɛzu ʋele yooi zu,
gaamago nɔ é ɠɛ ga kɔtuɗɛi é ve,
é la zooi ma, é maaɓɔle, ta niiti ti gaaʋɛ,
taaiti ta su nuɓusɛiti.
Nuiti ti ɗa kpeei loo,
ta zooi ɠaa nuɓusɛiti pɛ ti ɗa ɓain.
3 Ta-zoo wolaiti polokagi lugi é ɠulazu zooi ma,
ta ta-ɠɔɔɠɔ wotoloiti gooi, ta ti-ɠɔɠɔ lugiti.
Doun kɛɛɠɛiti ti la ɓalazu ga ti-lointi,
ta loni ná, ti-yeeiti su ɠɛai yɔɔɠɛ.
4 Mazɔlɔɔ ma yee zeelia ga Filisiti nuiti pɛ ma zuwu ɠaaleʋe,
niiti ti ga Tiil ta Sidɔn nuiti ta-ɓɔba nuiti,
naati ti ɓeteʋe ti ʋa,
fulu nu nɔpɛ ge la mɔ ná, nii a la zoo é ɓɔ ti ʋa.
Mazɔlɔɔ Ɠɔoɠɔ GALAGI ɠa anii pɛ koloɠolosu Filisiti nuiti ta-yooi zu,
nii dɔin é vulua Kafatɔɔl ziɛ zaama yooi zu.
5 Gaza nɔungi ɓuyega, gɔlɔɗɛi ʋe,
Asekalɔn ɠaalɛiɗa eɠɛ saa a loo.
Wɔiti wo yɛgai nɛmɛi nii zu,
wa yɛsu ɓɔɠɔ maazaɠazaɠazu eyɛsu yeelɛ?
6 Wa ɠɛɛzu ma: Ee, Ɠɔoɠɔ GALAGI ná-boɠa zɔkpɔi ɠa looɠosu yeelɛ?
Lɔ è ma laɠagi zu, è ɠaalɛi, è maaɠɛ kpɔ.
7 Kɛlɛ toɠa zoo é looɠo ɠale?
Ɠɔoɠɔ GALAGI deveʋɛ ga é li
Asekalɔn ʋele ta kpoloɗɛi laa ʋelei
fai ma ungi ɠana deveai ma ga é kɛ.› »