10 Aesaya ⌊Lodón⌋ darrü bóktan okaka imzazilürr king Eiazka wagó, 11 “Imti Lodón, ma ne God ⌊ótókdóla⌋, darrü ⌊wirri tulmil⌋ pupainüm marü tangamtinüm oya bóktan amkoman angunüm, ia tai aumana büdülab bwóbdügab tame, ó ta ia wirri kwitümgab.”

12 A Eiaz ma bóktan yalkomólórr wagó, “Ka wirri tulmilüm koke imtino. Ka Lodón apókóm kokela!”

13 Ene pokodó, Aesaya wató bóktan yalkomólórr wagó, “Da tübarrkrru, king ⌊Deibidün⌋ Müót kolpam! Yabüka ia gaodó kokea pamkolpam genggorraman ngibtanóm? E akó ia Godón, ka ne God ótókdóla, genggorraman ngitanóm kaindakla, yabü ubi babulzane oya darrü klamóm amtinüm? 14 Da taia, ezan bangóndakla amtinüm, Lod sab tüób yabüka okaka simzazile darrü wirri tulmil. Tübarrkrru, pampükü koke ne kola umtulürr, sab bikóm ipüde, da wa sab siman olom esene, da wa sab ngi ngyesile Emanuel.”*Emanuel, oya ngian küp módóga: God minkü asine.