១៦
សារ សាដាច់ អាហាប់ រ៉ាំងហៃ ប៉ាថេត អ៊ីស្រាអ៊ែល
២៩ ផះ សាណាំ ទី ៣៨ រ៉ាំងវ៉ាង សាដាច់ អេសា រ៉ាំងហៃ ប៉ាថេត យូដា អាហាប់ គន សាដាច់ អំរី ហាវ ប៉្រគ័ សាដាច់ អ៊ីស្រាអ៊ែល។ អ៊ែ រ៉ាំងហៃ ទុញ ២២ សាណាំ ពឹង មឿង សាម៉ារី។ ៣០ សាដាច់ អាហាប់ ប៉្រគ័ យច ពុត ប៉្រ័ះ ប៊កកាតយ័ ក្វា ឡឹង សាដាច់ អន់ទ្រួលៗ ពែ ណាវ្គ។ ៣១ អូ ត្រគ់ ដឹង កា អ៊ែ ប៉្រគ័ សារ យច ពួយ សាដាច់ យេរ៉ូបោម ណោះ អុះ ទឹប អ៊ែ ទី កាម៉ាញ់ សិច យេសិបិល គន អង់កាន់ សាដាច់ អេតបាល ឡាក់ សាដាច់ មឿង ស៊ីដូន ទឹប អ៊ែ សាំប៉័ះ ប៉ានេ ប៉្រ័ះ បាល ដេល ៣២ លូ អ៊ែ ប៉្រគ័ រ៉ោង រ៉ាម៉ះ កា ប៉្រ័ះ បាល ពឹង មឿង សាម៉ារី លូ ប៉្រគ័ អន់ហ្នឹង រ៉ាម៉ះ ប៉្រ័ះ បាល ដេល។ ៣៣ អ៊ែ កា ប៉្រគ័ ហ៊ូប ប៉្រ័ះ អាសេរ៉ា។ អ៊ែ ប៉្រគ័ សារ អូ ដាគ់ ក្វា ឡឹង សាដាច់ អ៊ីស្រាអ៊ែល អន់ទ្រួលៗ សាំ ប៉្រគ័ អន់ ប៉្រ័ះ ប៊កកាតយ័ អឺក ខាក់។
៣៤ ផះ រ៉ាំងវ៉ាង ណោះ វគ័ ហ៊ីអ៊ែល ឡឹង មឿង បេតអ៊ែល ប៉្រគ័ មឿង យេរីខូ ណាវ្គ។ ផះ អ៊ែ ប៉្រគ័ ប៉ាន់ទៀយ មឿង អាប៊ីរ៉ាម គន ឡោងទ្រៀ អ៊ែ កា តោ័។ ផះ អ៊ែ ប៉ោក ចៃគ អំប៉ារ មឿង ណោះ សេគូប គន ស្រុច អ៊ែ កា តោ័ ដេល ត្រគ់ ឡាក់ កា យូស្វេ គន វគ័ នូន រ៉ះ ពួយ ប៉ានឹរ ប៉្រ័ះ ប៊កកាតយ័ ពែ ហង។ *១៦:៣៤ ប៉រ់ ហៃ យូស្វេ ៦:២៦។