1 ⵓⴰ ⵛⵔⵓⵜ ⴹⵏ⵿ⵜⴼⵍⵜ ⵀⵍⵙ ⴹⵙⵍⴼⵏⵙ ⴹⵜⵎⵜⵢ⵰ ⵏⵂⵍⵏ ⵍⴾⵏⵙⵜ ⵜⵏ ⵗⵔⵎ ⵏ⵿ⵜⵙⵍⵏⴾ ⵜⵎⵙⵜ ⵜⵎⵜⵢ ⵜⵔ⵿ⵜⵢⵜ ⴹⵎⵛⵏⴰ ⴹⵢ ⵏⵀⴰ ⴹⵎⵍⵢ ⵗⵢⵙⴰ ⵍⵎⵙⵈ⵰ ⴾⴼⵓⵏ ⵎⵛⵏⴰ ⵔⵈⵎⵜ ⴹⵍⵈⵔ⵰

2 ⴼⵓ ⴹⴰ ⵏⵜⴶⴹⵢ ⵢ ⵎⵛⵏⴰ ⴹⵗ ⵜⵍⵗⵏⵓⵏ ⴾⵜⵏⵓⵏ ⵙⵗⴰ ⴾⵍ ⵓⴰ ⴾⵓⵏ⵿ⴹⵏⴾⵜⴰ ⴹⵗ ⵜⵓⵜⵔⵓⵏⵏⴰ⵰ 3 ⴼⵓ ⴹⴰ ⵏⴾⵜⵓ ⴹⵜ ⵎⵛⵏⴰ ⴹⵢ ⵏⵀⵏⵏⴰ ⵓⴰ ⴹⵔ ⴶⴹⴰ ⵤⵎⵤⵍ ⵓⴰ ⵜⴶⵎ ⵤⴶⵤⵏⵓⵏ ⴹⵎⴾ ⵓⵙ ⵜⵛⵗⵍⵎ ⵙ ⵜⵔⴰ ⵜⴰ ⴾⵓⵏ⵿ⵜⵂⵜ ⴹⵤⵎⵔⵜⵏⵓⵏ ⴹⵗ ⴶⵢ ⵏⵜⵎⴰ ⴹⵗ ⵎⵍⵏⵏⴰ ⵗⵢⵙⴰ ⵍⵎⵙⵈ⵰

4 ⵏⵙⵏ ⵎⴹⵔⵢⵏⵏⴰ ⵙ ⵙⵏⴼⵔⵏ⵿ⴾⵓⵏ ⵎⵛⵏⴰ ⴾⵓⵏⵢ ⵔⴰ ⵢⴹ ⵜⵆⵍⵎ ⵜⵎⵜⵢⵏⵜ⵰ 5 ⴹⵢ ⴹⴰ ⴼⵍⵙ ⵙⵍⵏ ⵏⵍⵏ⵿ⵌⵍ ⵓⵏ ⴹⵓⵏⴶⴰ ⵓⵔ ⴾⵓⵏⵏⵙⵏ ⵎⵙⵏ ⵓⵍ ⵗⵙ ⴾⵍⵔ ⵎⵙⵏ ⵎⵤⵍⵏ ⵏ⵿ⵜⵔⵏⴰ ⴹⵙⴶⵜⴾⵢ ⵤⵓⵔⵏ ⵓⵏ ⵂⴾⵓ ⵏ⵿ⴼⵙ ⵓⴰ ⵤⴹⴶⵏ⵰ ⵜⵙⵏⵎ ⵓⵍⵏ ⵎⵤⵍⵏ ⵓⵏ ⵏⴶⴰ ⴶⵔⵓⵏ ⴼⵍ ⴶⵎⵢ ⵏ⵿ⵜⵏ⵿ⴼⵏⵓⵏ⵰ 6 ⵜⵜⵍⵍⵎⵏⵏⴰ ⵜⵜⵍⵍⵎ ⴹⵗ ⵎⵍⵢ⵰ ⵜⵎⵗⵜⵔⵎ ⵓⵍⵏ ⴶⵙ ⵓⵔ ⴹⵓⵏⴶⴹⵍ ⵓⵏ ⵍⵆⵀⵍⵜ ⵏⵓⵍ ⵏⵎⵛⵏⴰ ⵙ ⵜⴹⵓⵜ ⵜⴰ ⵂⴾⵓ ⵏ⵿ⴼⵙ ⵓⴰ ⵤⴹⴶⵏ⵰ 7 ⵎⴾ ⵓⵏ ⴹⵗ ⵙ ⵜⵆⵍⵎ ⵍⵎⵙⵍ ⵍⵗⵏ ⵢⵍⵎⵙⵈⵜⵏ ⴾⵍ ⵓⵏ ⵂⵏⵏ ⴾⵍ ⵏⵎⵙⴹⵏⵢⴰ ⴹ ⵓⵏ ⴾⵢⴰ⵰ 8 ⵓⵔⴶⵗ ⵎⵙⴹⵏⵢⴰ ⴹⴾⵢⴰ ⵗⵙ ⴹⵗ ⵜⵓⵙⵍⵏ ⴶⵜⵏ ⵏⵓⵍ ⵏⵎⵛⵏⴰ ⵓⵏ ⵗⵔⵓⵏ ⴶⵏⵏ ⴾⵍⵔ ⴹⴶ ⴾⵍ ⵓⵤⵓⵤⵏ ⴹⵗⵙ ⵙⵍⵏ ⵏⵤⴶⵤⵏⵓⵏ ⵙ ⵎⵛⵏⴰ ⵂⵔ ⵙ ⵓⵔ ⵏⴹⵔⵔ ⵙⵙⵗⵍ ⵏⵓⵏ⵰ 9 ⵏ⵿ⵜⴰ ⵓⴹⵏ ⴾⵍ ⵎⵍ ⵎⴾ ⵓⵙ ⴹⵏⵜⵆⵀⵍⵎ ⵙⵗⴰ ⵓⴰ ⴾⵓⵏⵏⵙⴰ ⴹⵎⴾ ⵓⵙ ⵜⴶⵎⴹⵎ ⵀⵜⵓ ⵏⵙⵏⵎⵏ ⵜⵎⵍⵍⵢⵎ ⵙⴰ ⵙⵔ ⵎⵛⵏⴰ ⵢⵜⵜⵗⵀⴹⵎ ⵏ⵿ⵜⴰ ⵎⵙⵏ ⵎⵍⵢ ⴹⵔⵏ ⵜⴹⴰ⵰ 10 ⵜⵆⵍⵎ ⴹⵗ ⵢⴹⴼⵍ ⵀⵔⵔⵏⵜ ⵗⵢⵙⴰ ⵌⵏⵓⵏ ⵙⵏ⵿ⵜⴰ ⴹⵙⵏ⵿ⴾⵔ ⴹⵗ ⵜⵎⵜⵏ⵿ⵜ ⴹⵏⵗⴶⵤ ⴹⵗ ⵍⵂⵎ ⵏⵎⵛⵏⴰ ⵤⵍ ⵍⴾⵎⵏ⵰