1 ⴹⵗ ⴹⵢ ⴹⴹ ⵎⵙ ⵙ ⵏⵂⴰ ⵛⵗⵍ ⵓⴰ ⴹⵗ ⵂⴰ ⵎⵛⵏⴰ ⵏⴶⵎⵢ ⴹⵗⵓⵏ ⴹ ⵓⵔ ⵜⵙⵀⵏⵏⵎ ⵔⵈⵎⵜ ⵏⵎⵛⵏⴰ ⵜⴰ ⵜⴶⵔⵓⵎ ⴹⴰ⵰ 2 ⴹ ⵎⵛⵏⴰ ⵎⵏⵜ ⵙ ⵏⴰ «ⵙ ⴹⵓⴹ ⵍⵓⵆ ⵓⴰ ⴹⵗ ⴾⵓⵏ⵿ⵤⴾⴼⴰ ⵔⵈⵎⵜⵏ ⴹ ⵆⵀⵍⴰ ⵛⵓⵜⵔⵓⵏⵓⵏ ⵙ ⴹⵓⴹ ⵍⵓⵆ ⵓⴰ ⴹⵗ ⴾⵓⵏ⵿ⵤⵗⵍⵙⵗ ⴹⵓⵏⵍⵍⵗ⵰» ⵏⵢⵜ ⵤⴰ ⵍⵓⵆ ⵓⴹⵢ ⵓⴹⵓ ⵏ⵿ⵜⴰ ⴹⴰ ⴹⴰ ⴹⵗ ⵤⵍ ⵓⵏ ⵍⵗⵍⵙⵏⵓⵏ⵰

3 ⵓⵔ ⵏⵜⴶⵓ ⵔⵜ ⵓⵍⵢⵏ ⵙ ⵤⵆⵍⵏ ⵜⵙⵏ⵿ⴾⴼ⵿ⵜ ⵢⵓⴹⵏ ⵓⵍⵢⵏ ⴼⵍ ⴹ ⵓⵔ ⵜⵓⵏⵢ ⵍⵂⵏ ⵓⵍⵢⵏ ⴹⵗ ⵛⵗⵍⵏⵏⴰ⵰ 4 ⴾⵍⵔ ⵔⵜ ⴾⵍ ⵓⴰ ⵏⵜⴶⵓ ⵏⵙⴾⵏⵓ ⴹⵗⵙ ⵙ ⵎⵛⵗⵍⵏ ⵏⵎⵛⵏⴰ ⴹⵗ ⵏⵎⵙ ⵙ ⵤⵎⵔⵜ ⵜⴶⵜ ⵜⴰ ⵏⴶⴰ ⵢ ⵜⵙⵙ⵿ⵜ ⴹⵛⵓⵛⴰ ⴹⵜⵎⵗⵜⵔ 5 ⴹⵜⵓⵜ ⴹⴾⵙⵓ⵰ ⵏⵤⵎⵔ ⴹⵗ ⴹⵗ ⵍⵗⵤⵀ ⵓⴰ ⵏⴶⴰ ⴹⵗ ⵜⵏⵌⵔⵓⵢⵏ ⵛⵏ ⴼⵍⵏⴰ ⴶⵏⵏ ⴹⵛⵗⵍ ⵍⵀⵙⵏ ⵓⴰ ⵏⵜⴶⵓ ⴹⵀⴰ ⵏⴶⵔⵓ ⵙⵜⵙ ⴹⴶⵍⴾ⵰ 6 ⵏⵙⴾⵏⵓ ⵜⵛⵜⵏⵏⴰ ⵎⵛⵗⵍⵏ ⵏⵎⵛⵏⴰ ⵙ ⵎⵏ ⵤⴹⴶⵏⵏ ⴹⵎⵙⵏⵜ ⵜⴰ ⵏⴶⵔⵓ ⴹⵜⵤⵢⴹⵔ⵿ⵜ ⵜⴰ ⴹⵏⵜⵂⵜ ⴹⵎⵏ ⵎⵍⵍⵏⵏ⵰ ⵏⵙⴾⵏⵜ ⴹⵗ ⵙ ⵜⴹⵂⵍ⵿ⵜ ⵜⴰ ⴹⵏⵗⴶⴰ ⵏ⵿ⴼⵙ ⵓⴰ ⵤⴹⴶⵏ ⴹⵜⵔⴰ ⵜⴶⵜ ⵙⵓⵍ ⵢⵏ⵿ⴹⴰ ⵜⴰ ⴹⵏⵜⵂⵜ⵰ 7 ⵏⵙⴾⵏⵓ ⵜⵛⵜⵏⵏⴰ ⵎⵛⵗⵍⵏ ⵏⵎⵛⵏⴰ ⵙⵓⵍ ⵎⵙⵏ ⵜⴹⵜ ⵓⴰ ⵏⵎⵍ ⴹⴼⵔⴶⵜ ⵜⴰ ⴹⵏⵗⴾⴼⴰ ⵎⵛⵏⴰ⵰ ⵏⵙⴾⵏⵓ ⵜⵛⵜⵏⵏⴰ ⵎⵛⵗⵍⵏ ⵏⵎⵛⵏⴰ ⵙ ⵜⵤⵍⵢ ⵏⵎⴶⵔ ⵜⵏ ⵜⵆⵜ ⵜⵙ ⵤⴰ ⵏⵎⴶⵔ ⵏⴶⵤ ⵎⵏⵏⴰ⵰ 8 ⴶⵔ ⵤⴰ ⵏⵜⵓⵙⵗⵎⵔ ⵓⵍⴰ ⵏⵜⵓⵍⴾⴰ⵰ ⴶⵔ ⵤⴰ ⵏⵜⵓⵔⵀⴹ ⵓⵍⴰ ⵏⵜⵜⵎⵍ ⵏⴾⵏⵢ ⵜⴹⵜ ⵏⵎⵍ ⴾⴹⵗ ⵙ ⵜⵓⵜⴼ ⵙ ⵙⵈⵔⴾ ⵏⵜⴶ ⵢⵜⴹⵏ⵰ 9 ⵏⵜⵓⵤⴹⵢ ⵓⵍⵏ ⵎⵛⵏ ⵛⵍⵜ ⵏⵙ ⵓⵔ ⵏⵜⵓⵤⴹⵢ⵰ ⵏⵛⴶⴰ ⴹⵗ ⵜⵎⵜⵏ⵿ⵜ ⵎⵛⵏ ⵂⵔⵓⴹⴰ ⵏⴹⵔ⵰ ⵏⵜⵓⴹⵀ ⵎⵛⵏ ⵓⵔ ⵏⵜⵓⵏ⵿ⵗⵓ ⴾⵔⵤ⵰ 10 ⵗⵛⴹⵏ ⵎⵏⵏⴰ ⵎⵛⵏ ⵓⵔ ⴹⵏⵗⴶⴹⵍ ⵓⵏ ⵙ ⴼⵓ ⵏⴼⵍⵓⵙ⵰ ⵓⵔ ⵏⵍⴰ ⵓⵍⴰ ⵎⵛⵏ ⵏⵙⴶⵔⴶⵙ ⵢⵜⴹⵏ ⴶⵜⵏⵏ⵰ ⵓⵔ ⵏⵍⴰ ⵓⵍⴰ ⵏ⵿ⵜⴰ ⵔⵜ ⴾⵍ ⵏⵏⴰ⵰

11 ⵢⴰ ⵛⵆⵗⵏⵏⴰ ⵓⵏ ⴾⵍⴾⵔⵏ⵿ⵜ ⵓⴰ ⵂⵏ ⵎⵏⵏⴰ ⴹⵓⵏ⵿ⵜⵏⵎⵍ ⵙⵓⵍ ⵢⵏ⵿ⴹⴰ ⵎⵔⵏ ⵏⵍⵎⵓⵏ ⵓⵍⵏⵏⴰ⵰ 12 ⵏⴾⵏⵢ ⵓⵔ ⴹⵓⵏⵈⴼⵍ ⵓⵍⵏⵏⴰ ⴾⵓⵏⵢ ⵎⵔⵏ ⵜⵈⴼⵍⵎⵏⴰ ⵓⵏⵓⵏ⵰ 13 ⴹⵓⵏⵏⴰ ⵓⴰ ⵤⵏⵗ ⵢ ⵀⵔⵔⵏⵏ ⵍⵎⵜⵏⴰ ⵓⵍⵏⵓⵏ ⵤⵏ ⵓⴰ ⴹⵓⵏⴶⴰ⵰

14 ⴹ ⵓⵔ ⵜⵜⵙⵗⵎ ⴹⵢⵜⴹⵏ ⵓⵏ ⵓⵔ ⵏⵤⴶⵤⵏ ⵙⵍⵎⵙⵈ⵰ ⵎⵏⵎⴾ ⵙ ⵤⵙⵗ ⵍⵗ ⴹⵛⵔ ⵓⵍⴰ ⵙⵗ ⵏⵔ ⴹⵛⵢⵢ⵰ 15 ⵎⴰ ⵎⵙ ⵔⵜ ⵓⴰ ⴼⵍ ⵤⵏⵎⵏⴾ ⵍⵎⵙⵈ ⴹⵀⵍⵙ⵰ ⵎⴰ ⴹⵔⵓ ⵓⴹⵏ ⵤⴶⵤⵏⵏ ⵙⵍⵎⵙⵈ ⴹⵢⵏ ⵙⵔⵙ ⵓⵔ ⵏⵤⴶⵤⵏ⵰ 16 ⵂⵏ ⵏⵍⵗⵀⴹⴰ ⵏⵎⵛⵏⴰ ⴹⵗ ⵎⴰ ⵜⵎⵙ ⵜⵔⴹⵓⵜ ⵜⴰ ⵤⴶⵓ ⴹⵙⵏⵎⵏ⵰ ⴼⵍⵙ ⵏⴾⵏⵢ ⵎⵙⵏⵏ ⵂⵏ ⵏⵎⵛⵏⴰ ⴹⵢ ⴹⵔⵏ ⴹ ⵎⵛⵏⴰ ⵏⵏ «ⴹ ⵈⵙⵔⴰ ⴹⵗ ⵢⵜⴹⵏⵏ ⴹⵓⴰ ⴹⵔⵙⵏ⵰ ⵆⵍⵗ ⵎⵍⵏⵙⵏ ⵏ⵿ⵜⵏⵢ ⴹⵗ ⵆⵍⵏ ⵜⵎⵜⵢⵏⵏ⵰» 17 ⵓⵏ ⴹⵗ ⴼⵍ ⵏⴰ ⵎⵍⵢ «ⴶⵎⴹⵜⴹⵓ ⵢⵜⴹⵏ ⵓⵏ ⵓⵔ ⵏⵤⴶⵤⵏ ⵜⵎⵤⵢⵎ ⴹⵔⵙⵏ ⴹ ⵓⵔ ⵜⴹⵙⵎ ⵎⴹⵙⵏ ⴹⵢ ⴾⵓⵏⵆⵀⵍⴰ⵰ 18  ⴹⵓⵏⵆⵍⵗ ⵀⴰ ⵜⵆⵍⵎ ⵀⵔⵔⵏⵏ ⴹⵜⵀⵔⵔⵏⵏ ⴹⵢ ⵏⴰ ⵎⵛⵏⴰ ⴹⵢ ⵏⵎⵍⵢ ⵏ⵿ⵜⵔⵏⴰ ⴾⵍ⵰»