1 ⵓⴰ ⵏⴾ ⵎⵗⵔ ⴹⵏⵂⵍⵏ ⵍⴾⵏⵙⵜ ⵜⴰ ⵜⵏⴼⵔⵏⵜ ⴹⵀⵔⵔⵏⵜ⵰ ⵔⵆⵓⵏ ⵙ ⵜⴹⵜ ⵎⵔⵏ ⵓⵔⴶⵗ ⵏⴾ ⵗⵙ ⴾⵓⵏⵔⵏ ⵢⵜⴹⵏ ⴾⵍ ⵓⵏ ⵙⵏⵏ ⵜⴹⵜ ⵔⵏ⵿ⴾⵓⵏ⵰ 2 ⵏⵔⵓⵏ ⴼⵍⵙ ⵜⴹⵜ ⵜⵂⵜ ⵎⵏⵏⴰ ⵓⵔ ⵜⵏ⵿ⵜⴶⵎⴹ ⵂⵔ ⴼⵓ⵰ 3 ⴶⵎⵢⴰ ⴹⵗ ⵎⵛⵏⴰ ⴹⵢ ⵏⵀⴰ ⴹⵀⵔⵔⵏⵜ ⵗⵢⵙⴰ ⵍⵎⵙⵈ ⴹⵏⵗⴾⴼⵏ ⵔⵈⵎⵜ ⴹⵜⵂⵏⵏ⵿ⵜ ⴹⵍⵈⵔ ⵜⴹⵏ ⴹⵗⵏⴰ ⵙ ⵜⴹⵜ ⴹⵜⵔⴰ⵰

4 ⴾⵏⵗ ⵜⴼⵍⵓⵙ⵿ⵜ ⵓⵍⵏ ⵙ ⵙⵍⵗ ⵙ ⵓⵢⴹ ⴹⵗ ⵀⵔⵔⵏⵎ ⵤⵍⵍⵗⵏ ⴹⵗ ⵜⵔⵢⵜ ⵜⵏ ⵜⴹⵜ ⵙⵎⴾ ⵓⵙ ⴹⵏⵎⵔ ⵀⵏⵏⴰ⵰ 5 ⵎⵔⴹⴰ ⵍⴾⵏⵙⵜ ⵏ⵿ⵜⴰ ⴹⴰ ⵔⵜ ⵓⴰ ⴹⵗⵎ ⴶⵎⵢⴰ ⴹ ⵏⵏⵎⵔⵓ ⴶⵔⵏⴰ⵰ ⵓⵔⴶⵗ ⵍⵓⵌⵀ ⵤⵔⵢⵏ ⴹⵎⵏⴾⵜⵀⵗ ⴹⴰ ⴾⵍⵔ ⵍⵓⵌⵀ ⵓⴰ ⵏⴶⵔⵓ ⵂⵔⵓⴰ ⵗⵔ ⵏⵜⵢ⵰ 6 ⵜⵔⴰ ⵍⵎⵗⵏⵏⵜ ⴹ ⵏⵤⵍⵍⵗ ⴹⵗ ⵍⵓⵌⵀⵏ ⵏⵎⵛⵏⴰ⵰ ⵏ⵿ⵜⴰ ⴹⴰ ⴹⴰ ⵍⵓⵌⵀ ⵓⵙ ⵤⴰ ⵜⵍⴾⵎⵎ ⵙⵏ⵿ⵜⴰ ⵙ ⵜⵙⵍⵎ ⵂⵔⵓⴰ ⵗⵔ ⵏⵜⵢ⵰

7 ⵎⵙⵈⵔⴾ ⴶⵜⵏⵏ ⵓⵤⵓⵤⵏ ⴹⵗ ⴹⵏⵜ⵰ ⵎⴰ ⵎⵙⵏ ⵤⴰ ⵎⵙⵈⵔⴾ ⵏⵢⵜⴹⵏ ⵎⵙ ⴹⵗ ⵤⵏ⵿ⴶⵓ ⵏⵍⵎⵙⵈ⵰ ⴹⵢ ⵤⴰ ⵓⴰ ⵏ⵿ⴾⵔⵏ ⵙ ⵗⵢⵙⴰ ⵍⵎⵙⵈ ⵙⴹⵓ ⴹⵏⵜ ⵎⵙ ⴶⴹⵎ⵰ 8 ⴹⵗ ⴹⵢ ⵏ⵿ⴾⴹⵜ ⴹⵎⵏⵓⵏ ⴼⵍ ⴹ ⵓⵔ ⵜⵙⵀⵏⵏⵎ ⵛⵗⵍⵏⵓⵏ⵰ ⵙ ⵜⴶⵎ ⵏⴾⴹ ⵓⴰ ⴹ ⵜⴶⵔⵓⵎ ⵔⵤⵏⵓⵏ ⵏ⵿ⴹⵏ⵰

9 ⵓⴹⵏ ⴾⵍ ⵓⴰ ⵏⵎⴶⴶⵏ ⴹⵙⵙⵗⵔⵢ ⵏⵍⵎⵙⵈ ⵓⴹⵢ ⵓⵔ ⵔ⵿ⵜⵢ ⴹⵎⵛⵏⴰ⵰ ⵎⵔⵏ ⵓⴰ ⴶⵍⵏ ⵜⴼ ⵙⵙⵗⵔⵢ ⵓⴰ ⵓⴹⵢ ⵔ⵿ⵜⵢ ⴹⵀⴰ ⴹⵀⵔⵔⵏⵜ⵰ 10 ⵙ ⴾⵓⵏ⵿ⴹⵙⴰ ⵓⴹⵏ ⴹⵙⵙⵗⵔⵢ ⵢⵏ ⵓⵔ ⵏⵎⵙ ⵓⴰ ⵜⵓⵔ⵿ⵜⵆⵀⵍⵎ ⵎⵔⵏ ⴹⵙⵓⵔ⵿ⵜⵗⵎ ⵙⵍⵎ ⴼⴹⴰ⵰ 11 ⴼⵍⵙ ⵢ ⴹⵙⵗⵏ ⵙⵍⵎ ⵓⴹⵢ ⵏⵎⵏⴾ ⴹⵔⵙ ⴹⵗ ⵔⴾ ⵎⵤⵍⵏⵜ⵰

12 ⵍⵏ⵿ⵜⵓ ⵔⵜⵏ ⴶⵜⵏⵏ ⵙ ⵔⵗ ⴹⵓⵏ⵿ⵜⵏⵏⵏⵗ ⵎⵛⵏ ⵙⵓⵔ ⵏⵎⵙ ⴾⵜⵀ ⵏⵛⵔⵓⵜ ⵙ ⵜⴹⵓⵜ⵰ ⵙⴼⵗ ⴾⵓⵏⵏⵙⵗ ⵎⵏⵏ ⵏⵗⵓⵏ⵿ⵜⵏ ⵙⵎⵢ ⴹⵎⵢ ⴼⵍ ⴹ ⵜⴾⵎⵍ ⵜⴼⵍⵓⵙ⵿ⵜⵏⵏⴰ⵰ 13 ⵂⵍⵏ⵿ⴾⵓⵏⵏ ⵀⵔⵔⵏ ⵏ⵿ⵜⵎⴹⵜⵏⵓⵏ ⵜⴰ ⵜⵏⴼⵔⵏⵜ⵰