ⵍⵏ⵿ⵌⵍ ⵓⵏ ⵎⵜⴰ
ⵜⵂⵓⵜ ⵏ⵿ⵗⵢⵙⴰ ⴹⵜⵓⵙⵎⵜⴶⵏⵜ ⵢⵛⵗⵍ ⵓⴰ ⵤⴶⵓ
1
ⵍⵌⴹⵏ ⵏ⵿ⵗⵢⵙⴰ ⴹⵜⵂⵓⵜⵏⵜ
ⵍⵌⴹⵏ ⵏ⵿ⵗⵢⵙⴰ ⵍⵎⵙⵈ
ⵏ⵿ⵜⵏⵢ ⴹⴰ ⵙⵎⵓⵏ ⵏⵍⵌⴹⵏ ⵏ⵿ⵗⵢⵙⴰ ⵍⵎⵙⵈ ⵂⵢⴰ ⵏⵏⵀⵢ ⴹⵓⴹ ⴹⵏⵀⵢ ⵀⵔⵂⵎ
ⵀⵔⵂⵎ ⵔⵓ ⵙⵂⵆ⵰
ⵙⵂⵆ ⵔⵓ ⵢⵆⵀ⵰
ⵢⵆⵀ ⵔⵓ ⵢⵂⴹⴰ ⴹⵎⴹⵔⵢⵏⵜ⵰
ⵢⵂⴹⴰ ⵔⵓ ⴼⵔⵙ ⴹⵤⵔⵈ
ⵏⵏⵙⵏ ⵙⵎⵏⵜ ⵜⵎⵔ⵰
ⴼⵔⵙ ⵔⵓ ⵈⵙⵔⵏ⵰
ⵈⵙⵔⵏ ⵔⵓ ⵔⵎ⵰
ⵔⵎ ⵔⵓ ⵗⵎⵏⴹⵀ⵰
ⵗⵎⵏⴹⵀ ⵔⵓ ⵏⵛⵏ⵰
ⵏⵛⵏ ⵔⵓ ⵙⵍⵎⵏⴰ⵰
ⵙⵍⵎⵏⴰ ⵔⵓ ⵀⵈⵤ ⵓⵙ ⵏⵏⵜ ⵔⵂⵀ⵰
ⵀⵈⵤ ⵔⵓ ⵗⵀⵢⴹ ⵓⵙ ⵏⵏⵜ ⵔⵜ⵰
ⵗⵀⵢⴹ ⵔⵓ ⵢⵙⵢ⵰
ⵢⵙⵢ ⵔⵓ ⴹⵓⴹ ⵓⵏ ⵎⵏⴾⵍ⵰
ⴹⵓⴹ ⵔⵓ ⵙⵍⵎⵏ ⵓⵙ ⵏⵏⵜ ⵜⵏ⵿ⵜⵜ ⵏⵔⵢⴰ⵰
ⵙⵍⵎⵏ ⵔⵓ ⵔⵈⵀⵂⵎ⵰
ⵔⵈⵀⵂⵎ ⵔⵓ ⵀⵢⴰ⵰
ⵀⵢⴰ ⵔⵓ ⵤⴰ⵰
ⵤⴰ ⵔⵓ ⵢⵂⵛⴼⵜ⵰
ⵢⵂⵛⴼⵜ ⵔⵓ ⵢⵔⵎ⵰
ⵢⵔⵎ ⵔⵓ ⵗⵤⵢⵙ⵰
ⵗⵤⵢⵙ ⵔⵓ ⵢⵜⵎ⵰
ⵢⵜⵎ ⵔⵓ ⵈⵤ⵰
ⵈⵤ ⵔⵓ ⵈⵤⵆⵢⵙ⵰
10 ⵈⵤⵆⵢⵙ ⵔⵓ ⵎⵏⵛⴰ⵰
ⵎⵏⵛⴰ ⵔⵓ ⵎⵏ⵰
ⵎⵏ ⵔⵓ ⵢⵛⵢⴰ⵰
11 ⵢⵛⵢⴰ ⵔⵓ ⵢⴾⵏⵢⴰ ⴹⵎⴹⵔⵢⵏⵜ⵰
ⵤⵎⵏ ⵓⵏ ⴹⵏ ⵏ⵿ⵜⵏⵢ
ⴰ ⴹⵗ ⵜⵓⵗⵏ ⴾⵍⵙⵔⵢⵍ
ⵎⵓⵢⵏ ⵙⴾⵍ ⵏⵀⵀⵢⵍⵏ
ⵆⵍⵏ ⴹⵗⵙ ⴾⴼⵍⵏ⵰
12 ⴹⴼⵔ ⴹⵢ ⵔⵓ ⵢⴾⵏⵢⴰ ⵛⵍⵜⵢⵍ⵰
ⵛⵍⵜⵢⵍ ⵔⵓ ⵤⵔⵀⵀⵍ⵰
13 ⵤⵔⵀⵀⵍ ⵔⵓ ⵀⵂⴹ⵰
ⵀⵂⴹ ⵔⵓ ⵍⵢⵆⵎ⵰
ⵍⵢⵆⵎ ⵔⵓ ⵢⵤⵔ⵰
14 ⵢⵤⵔ ⵔⵓ ⵙⴹⵆ⵰
ⵙⴹⵆ ⵔⵓ ⵈⴾⵎ⵰
ⵈⴾⵎ ⵔⵓ ⵍⵢⴹ⵰
15 ⵍⵢⴹ ⵔⵓ ⵍⵢⵤⵔ⵰
ⵍⵢⵤⵔ ⵔⵓ ⵎⵜⵏ⵰
ⵎⵜⵏ ⵔⵓ ⵢⵆⵀ⵰
16 ⵢⵆⵀ ⵏ⵿ⵜⴰ ⵔⵓⵏ ⵢⵙⴼ
ⵓⴰ ⵤⵍⴼⵏ ⵎⵔⵢⵎⴰ ⵜⴰ ⵜⵔⵓⵜ ⵗⵢⵙⴰ
ⵓⵙ ⵜⵓⵏⵓ ⵍⵎⵙⵈ⵰
17 ⴹⵗ ⴹⵢ ⵎⵔⵓ ⵎⴹⵏ ⴹⴾⵤ ⵍⵏⵏ ⴶⵔ ⴹⵓⴹ ⴹⵎⵔⵓⵏⵜ ⵀⵔⵂⵎ⵰ ⵍⵏ⵿ⵜⵓ ⵎⵔⵓ ⴹⴾⵤ ⴶⵔ ⴹⵓⴹ ⴹⵤⵎⵏ ⵓⵏ ⵜⵓⴾⴼⵍ ⵏ⵿ⴾⵍⵙⵔⵢⵍ ⵙ ⵀⵀⵢⵍⵏ ⵍⵏ⵿ⵜⵓ ⴹⵗ ⵎⵔⵓ ⴹⴾⵤ ⴶⵔ ⵜⵓⴾⴼⵍ ⵏ⵿ⴾⵍⵙⵔⵢⵍ ⵙ ⵀⵀⵢⵍⵏ ⴹⵜⵂⵓⵜ ⵏ⵿ⵗⵢⵙⴰ⵰
ⵜⵂⵓⵜ ⵏ⵿ⵗⵢⵙⴰ ⵓⵏ ⵍⵎⵙⵈ
18 ⵏ⵿ⵜⴰ ⴹⴰ ⵎⴾ ⵓⵙ ⴹⴶⵤ ⵗⵢⵙⴰ ⵍⵎⵙⵈ ⴹⵏⵜ ⵎⵔⵢⵎⴰ ⵜⵏ ⵏⴰ ⵏ⵿ⵗⵢⵙⴰ ⵎⵔⴾⵏ ⴹⵔⵙ ⵢⵙⴼ ⵤⵍⴼ⵰ ⵎⵛⵏ ⵂⵔⵓⴰ ⴹⴰ ⵓⵔ ⵜⵤⵍⵢ ⵙ ⵢⵙⴼ ⵙ ⵜⴶⴰ ⵜⴹⵙ⵿ⵜ ⵙ ⵜⵔⵏⴰ ⵏⵏ⵿ⴼⵙ ⵓⴰ ⵤⴹⴶⵏ⵰ 19 ⵢⵙⴼ ⵎⵙⵏ ⵍⵙ ⵗⴹⵏ ⵓⵔ ⵔⴰ ⵙⴾⵔⴾⴹ ⵏⵎⵔⵢⵎⴰ ⴹⵗ ⵢⵜⴹⵏ⵰ ⵓⵏ ⴹⵗ ⴼⵍ ⵙⵎⵔⴾⵙ ⴹⵗ ⵎⵏⵜ ⵙ ⴹⵔⵙ ⵗⵔⴹ ⴹⴰ ⵓⵔ ⵜⵍⴰ ⵢ ⵂⵏ ⵙⵍⵏⵙⵏ⵰ 20 ⵙⵎⴹⵔⵏ ⴹⵗ ⵓⵏ ⴹⴰ ⵙ ⵜⵏⵀⵤ ⵜⵙ ⵏⴼⵍⵍⵙⴹⵓ ⵏ⵿ⴶⵍⵙ ⵏⵎⵍⵢ ⴹⵗ ⵜⵔⴶⵜ ⵏⵙ «ⵢⵙⴼ ⵂⵢⴰ ⵏ⵿ⴹⵓⴹ ⴾⵢⵓⵔ⵿ⵜⴶⵤ ⵜⵙⴰ ⵏⵤⵍⴼ ⵏⵎⵔⵢⵎⴰ ⴼⵍⵙ ⵀⵔⵔ ⵓⴰ ⵂⵏ ⵜⴹⵙ⵿ⵜⵏⵜ ⵏ⵿ⴼⵙ ⵓⴰ ⵤⴹⴶⵏ ⴹⴼⵍ⵰ 21 ⴹ ⵜⴶⵔⵓ ⵀⵔⵔ ⵎⵔⵏ ⴾⵢ ⴶⵙ ⵙⵎ ⵗⵢⵙⴰ ⴼⵍⵙ ⵏ⵿ⵜⴰ ⵤⵙⴼⵙⵏ ⵜⵎⵜⵢⵏⵜ ⴹⵗ ⵀⴾⴹⵏ⵰» 22 ⵔⵜ ⵓⴰ ⴾⵍ ⴶⴰ ⴼⵍ ⴹ ⵏ⵿ⴹⵓ ⵓⵍ ⵓⴰ ⴹⵎⵍ ⵎⵛⵏⴰ ⵙ ⵜⵔⵢⵜ ⵏⵏⵀⵢ ⵙⵢⵙ ⵙ ⵏⴰ 23  «ⴹ ⵜⴶⵓ ⵜⵎⵓⵜ ⵜⴹⵙ⵿ⵜ ⴹⴰ ⵓⵔ ⵜⵤⴹⵢ ⵎⴹⵏ ⵜⴶⵔⵓ ⵀⵔⵔ⵰ ⵀⵔⵔ ⵓⴹⵢ ⴹⵙⵜⵓⴶⵓ ⵙⵎ ⵎⵏⵓⵍ ⵍⵎⵗⵏⴰ ⵎⵛⵏⴰ ⵍⴰ ⵗⵔⵏⴰ⵰»
24 ⵙ ⴹⵏ⵿ⴾⵔ ⵢⵙⴼ ⴹⵗ ⵜⵙ ⵎⵤⵍ ⵙⵔⵜ ⵓⵙ ⵜⵎⵔ ⵏ⵿ⴶⵍⵙ ⵏⵎⵍⵢ ⵤⵍⴼ ⵎⵔⵢⵎⴰ⵰ 25 ⵎⵛⵏ ⵓⵔ ⴾⵍⴰ ⴹⵔⵙ ⵏⵎⵏ⵿ⵙⴰ ⵂⵔ ⵂⵓ ⵀⵔⵔ⵰ ⵙ ⵂⵓ ⴶⵙ ⵢⵙⴼ ⵙⵎ ⵗⵢⵙⴰ⵰