1 ⵓⴰ ⵏⴾ ⵀⵍⵙ ⴹⵜⵎⵜⵢ ⵎⵙⵏⵏ ⴾⵍⵏ ⵏⵍⵎⵙⵈ ⵗⵢⵙⴰ⵰ ⵏⵂⵍⵏ ⵢⵜⴹⵏ ⴾⵍ ⵏⵗⵔⵎ ⵏ⵿ⴼⵍⵀ ⵓⵏ ⵎⵙⵏⵏ ⵔⵜ ⴹⵗ ⵜⵎⵜⵢ ⵏⵎⵛⵏⴰ ⵙ ⵜⵔ⵿ⵜⵢⵜⵏⵙⵏ ⴹⵍⵎⵙⵈ ⵗⵢⵙⴰ ⴹⵎⵤⵔⵏ ⵏⵍⴾⵏⵙⵜ ⴹⵎⴹⵂⵍⵏⵙⵏ⵰ 2 ⴶⵎⵢⴰ ⴹⵗ ⵎⵛⵏⴰ ⴹⵢ ⵏⵀⵏⵏⴰ ⴹⵎⵍⵢ ⵗⵢⵙⴰ ⵍⵎⵙⵈ ⴼⵍⵓⵏ ⴹⵤⵤⵀⵏ ⵔⵈⵎⵜ ⴹⵍⵈⵔ⵰

3 ⵢ ⴾⵓⵏ⵿ⴹⴾⵜⵗ ⴹ ⴶⴹⵢⵗ ⵢⵎⵍⵏⵏ ⵎⵛⵏⴰ⵰ 4 ⵛⵓⵜⵔⵓⵏ ⴾⵍ ⵛⵏ ⴹⵓⵏ⵿ⵜⴶⴰ ⴼⵓⴹⴰ ⵜⴼⵍⵓⵙ⵿ⵜ ⴹⵗⵓⵏ ⵜⵏⵜⴶⴰ 5 ⴼⵍ ⴹⵍⵍ ⵏ⵿ⵜⴹⵂⵍ⵿ⵜ ⵜⴰ ⴹⵜⵜⴶⵎ ⴹⵗ ⵤⵓⵤⵓⵤ ⵏⵍⵏ⵿ⵌⵍ ⴹⵀⵤⵏ ⵗⵔ ⵤⵍ ⵓⴰ ⵤⵔⵏ ⵂⵔ ⵎⵔⴹⴰ⵰ 6 ⴼⴹⴰ ⴾⵙⵗ ⵛⴾ ⵙ ⵛⵗⵍ ⵍⵗⵏ ⵓⴰ ⴹⵗⵓⵏ ⵙⵏ⵿ⵜⴰ ⵎⵛⵏⴰ ⴹⵢ ⵓⵔ ⵜⵤⵤⵔⵤ ⴾⵜ ⵓⵔ ⵜⵙⵏ⵿ⴹⴰ ⵤⵍ ⵓⴰ ⴹⵗ ⴹⵤⵤⵀⵜ ⵍⵎⵙⵈ ⵗⵢⵙⴰ⵰ 7 ⵓⵔⴶⵗ ⵀⵏⵏ ⴼⵔⵢ ⵓⵍⵏ ⵢⴹⵢ ⴹⵗ ⵜⵍⵗⵏⵓⵏ ⴾⵜⵏⵓⵏ ⴼⵍⵙ ⴾⵏⵆⵓⵏ ⵜⵔⴰ ⴾⵓⵏⵢ ⵓⵏ ⴹⵔⵢ ⴹⵔⵓⵏⵏ ⵔⵈⵎⵜ ⵜⴰ ⴹⴶⴰ ⵎⵛⵏⴰ ⴶⵔ ⵤⴰ ⵎⵔⴹⴰ ⴹ ⵂⵗ ⴾⵙⵓ ⵓⵍⴰ ⴹⵗ ⴹⵗ ⵜⵀⵍⵏ⵿ⵜ ⵜⴰ ⴶⵗ ⴼⵍ ⵍⵏ⵿ⵌⵍ ⴹⵙⵜⴹⵏⵜ⵰ 8 ⵎⵛⵏⴰ ⵙⵏ ⵙ ⵜⵔⴰ ⵜⴰ ⴹⵓⵏⴶⵗ ⴾⵜⵏⵓⵏ ⵗⵢⵙⴰ ⵍⵎⵙⵈ ⵎⵏⵜ ⴹⵜⴼⵍ⵰ 9 ⵎⵔⵏ ⵓⴰ ⴶⵎⵢⴰ ⴹⵗ ⵜⵓⵜⵔⵓⵏⵏ ⴹⵗⵓⵏ ⵜⵜⵜⵢ ⵜⵔⴰ ⵜⴰ ⴾⵓⵏ⵿ⵜⵂⵜ ⴹⵗ ⵎⵙⵏⵜ ⵜⵏ ⵜⴹⵜ ⴹⴶⵔⵢ ⵏⴹ ⵜⵍⴰ ⵔⵜ⵰ 10 ⵙ ⴶⴰ ⴹⵢ ⴹ ⵜⴼⵔⴶⵎ ⵙⵏⴼⵔⵏ ⵏⵓⴰ ⴾⵏⵏ ⵍⵗ ⵜⵆⵍⵎ ⵢⵜⴹⵏ ⵤⴹⴶⵏⵏ ⵓⵔ ⵓⵔ ⵍⵂⵏ ⵓⵍⵢⵏ ⵤⵍ ⵓⴰ ⴹⵤⵆⵍ ⵍⵎⵙⵈ 11 ⵜⵙⴶⵜⵎ ⵎⵤⵍⵏ ⵓⵏ ⵗⴹⵏⵏ ⵙ ⵗⵢⵙⴰ ⵍⵎⵙⵈ ⵗⵔ ⴹⴼⵍⵏ ⴼⵍ ⴹ ⵜⵓⵙⵗⵎⵔ ⵎⵛⵏⴰ ⵜⵎⵍ⵰

12 ⵔⵗ ⴹ ⵜⵙⵏⵎ ⵎⴹⵔⵢⵏⵏ ⵙ ⵔⵜ ⵓⴰ ⴹⴶⵔⵓⵏ ⴹⴰ ⵓⵢⴹⵓ ⴼⴹⴰ ⵙ ⵙⵍⵏ ⵢⵜⴹⵏ ⴶⵜⵏⵏ ⵢⵍⵏ⵿ⵌⵍ⵰ 13 ⵜⵤⵔ ⵓⵢⴹⵓ ⵓⵏ ⵙ ⵙⵏⵏ ⵙⵌⵜⵏ ⴾⵍ ⵓⵏ ⵜⴶⵤⵏⵏ ⵎⵏⴾⵍ ⴹⵢⵜⴹⵏ ⴾⵍ ⵙⴰ ⵂⴹⵏ ⵙ ⴹⵍⵍ ⵏⵍⵎⵙⵈ ⴼⵍ ⵂⵗ ⴾⵙⵓ⵰ 14 ⵎⵔⵏ ⵓⵔⴶⵗ ⴹⵢ ⵗⵙ ⴾⵍⵔ ⴶⵤⵏ ⴾⵙⵓ ⵓⵢⴹⵓ ⵙ ⵜⵛⵎ ⵏⵎⴹⵔⵢⵏⵏⴰ ⴹⵗ ⵤⴶⵤⵏ ⵜⵜⵢⵜ ⵏ⵿ⵜⴼⵍⵙ⵿ⵜ ⵜⴰ ⴶⵏ ⵢⵎⵍⵢ ⴹⵗⵙⵏ ⵜⵜⵜⵢ ⵜⵂⵍⵜ ⵏⵎⵍ ⵏⵓⵍ ⵏⵎⵛⵏⴰ ⵓⵔ ⵜⵏ⵿ⵜⵂⴰ ⵜⵙⴰ⵰

15 ⵜⴹⵜ ⵎⵙ ⵙ ⵓⵢⴹ ⴹⵗⵙⵏ ⵎⵏ⵿ⵌⵗ ⴹⵜⵔⴰ ⵏⵎⵤⵔⵢ ⴼⵍ ⵜⴶⵏ ⵙⵍⵏ ⵏⵍⵎⵙⵈ⵰ ⵎⵛⵏ ⵓⵏ ⵂⴹⵜⵏⵏ ⵜⴶⵏ⵿ⵜⵏ ⵙⵏⵢⵜ ⵜⵍⵗⵜ 16 ⵎⵔⵏ ⵜⵔⴰ ⴼⵍ ⵜⴶⵏ ⴹⵢ ⴹ ⵙⵏⵏ ⵙ ⴹⵍⵍ ⵏ⵿ⵜⵀⵍⵏ⵿ⵜ ⴼⵍ ⵍⵏ⵿ⵌⵍ ⴼⵍ ⵂⵗ ⴾⵙⵓ⵰ 17 ⵎⵛⵏ ⵢⵜⴹⵏ ⵓⵏ ⵂⴹⵜⵏⵏ ⵓⵔⴶⵗ ⵓⵍ ⵢⵏ⵿ⴹⴰ ⵙ ⵜⴶⵏ ⵙⵍⵏ ⵏⵍⵎⵙⵈ ⴾⵍⵔ ⵜⵏ⵿ⴼⵏⵙⵏ ⵗⵙ ⴶⵎⵢⵏ ⴶⵏ ⴹⴼ ⵏⵙ ⴼⵍⵢ ⵛⵜⵏ ⵙⴹⵢ ⵔⴾⵏⵢ ⵓⴰ ⵏⵢⴰ ⴹⵗ ⴾⵙⵓ⵰ 18ⴰ ⵓⵔ ⵎⵙ ⴹⵢ ⵓⵍⴰ⵰ ⵍⵎⵈⵙⴹ ⵙ ⴶⵔ ⵤⴰ ⵜⴶⵏ ⴹⵢ ⵙⵓⵍ ⵢⵏ⵿ⴹⴰ ⵓⵍⴰ ⴹⵗ ⵙⵔⴾ ⵏⵢⵜ ⵙⵍⵏ ⵏⵍⵎⵙⵈ ⵜⴶⵏ ⵎⵔⵏ ⵙⴼⵍⵓⵙⵢ ⴹⵢ⵰

18ⵀ ⴹⴾⵏⵓ ⴹⵗ ⵙⴼⵍⵓⵙ⵰ 19 ⴼⵍⵙ ⵙⵏⵗ ⵙ ⴹⵢ ⴾⵜⵏⵜ ⴹⵓⵢ ⴹ ⴶⵔⵓⵗ ⴼⵙⵏ ⵙⵙⵀⵀ ⵏ⵿ⵜⵓⵜⵔⵓⵏⵓⵏ ⴹⵜⵍⵍ⵿ⵜ ⵏⵏ⵿ⴼⵙ ⵏ⵿ⵗⵢⵙⴰ ⵍⵎⵙⵈ⵰ 20 ⵎⵔⵏ ⴾⵏⵗ ⵙⴹⵔⵏ ⵓⵍⵏ ⴶ ⴹⵗ ⵜⵎⴰ ⵏⵙ ⵓⵔ ⴹⵤⵜⵀⵤ ⵜⴾⵔⴾⵜ ⴹⵗ ⵔⵜ ⵓⵍⵢⵏ⵰ ⴾⵍⵔ ⴶⵔ ⵤⴰ ⴹⵜ ⵓⴰ ⵓⵍⴰ ⵎⵔⴹⴰ ⴼⵓⴹⴰ ⵎⵙⵗ ⵎⵆⵌⵢ ⴼⵍ ⴹ ⵜⵓⵙⵗⵎⵔ ⵍⵎⵙⵈ ⴶⵔ ⵤⴰ ⵙ ⵜⵎⴹⵔ⵿ⵜⵏ ⵓⵍⴰ ⵙ ⵜⵎⵜⵏ⵿ⵜⵏ⵰

21 ⴼⵍⵙ ⵏⴾ ⵍⵎⵙⵈ ⵎⵙⵏ ⵜⵎⴹⵔ⵿ⵜⵏ ⵎⵔⵏ ⵜⵎⵜⵏ⵿ⵜ ⵜⵏ⵿ⴼⵏⵏ ⵜⵎⵙ⵰ 22 ⵎⵛⵏ ⵢⴰ ⵙ ⵎⵙ ⵙ ⵛⵗⵍ ⵏⵍⵎⵙⵈ ⵜⵂⵙ ⵜⵏ⵿ⴼⴰ ⴹ ⴶⵍⵗ ⴹⵔⴰ ⵓⴹⵢ ⵓⵔ ⵙⵏⴰ ⵓⴰ ⵤⴰ ⵙⵏⴼⵔⵏⴰ⵰ 23 ⵜⵔⴾⵀⴰ ⴼⵍ ⵛⵏ ⴶⵏⵜⵏ⵰ ⵙⵏⵂⵍⴰ ⵜⵔⴰ ⵏⴶⵎⴹ ⵏⴹⵏⵜ ⵎⵍⴰ ⵗⵔ ⵍⵎⵙⵈ ⵔⵜ ⵙⵏ⵿ⵜⴰ ⴹⴼⵏ ⵓⵍⵏ⵰ 24 ⵎⵛⵏ ⵢⴰ ⴼⵍ ⴹⵍⵍⵏⵓⵏ ⴶⵔ ⵜⵏ⵿ⴼⴰ ⵜⴰ ⵜⵂⵜ ⴹ ⵂⵗ ⴹⵏⵜ⵰ 25 ⵔⵜ ⵓⴹⵢ ⴾⵙⴰ ⴹⵗⵙ ⵛⴾ⵰ ⵙⵏⵗ ⵙ ⴹ ⴶⵍⵗ ⵍ ⵗⵔⵓⵏ ⴼⵍ ⴹⵓⵏⵍⵍⴰ ⴾⵜⵏⵓⵏ ⵙⴹ ⵜⵢ ⵤⴶⵤⵏⵓⵏ ⴾⵏⵓⵏ ⴹⵢ ⵙⴼⵍⵓⵙ⵰ 26 ⴹⵢ ⵤⵛⵜⵏ ⵙⵗⵎⵔ ⵓⴰ ⵜⴶⵎ ⵗⵢⵙⴰ ⵍⵎⵙⵈ ⵙ ⵜⵔⵢⵜⵏ ⵙⵙⵀⵀ ⵏ⵿ⵜⵓⵗⵍⵢ ⵜⴰ ⴾⵓⵏⵏ⵿ⵤⴶⴰ⵰

27 ⵜⵗⵔⴰ ⵜⴶⵜ ⴹⴰ ⴶⵓⵜ ⵍⵈⵍ ⵓⵙ ⵎⴾⵏ ⴹ ⵜⴶⵏ ⵢⵜⴹⵏ ⵤⴶⵤⵏⵏ ⵙⵍⵏ⵿ⵌⵍ ⵏⵍⵎⵙⵈ⵰ ⵙ ⴶⴰ ⴹⵢ ⴶⵔ ⵤⴰ ⵙⵆⵓⵏⵏ ⵓⵍⴰ ⴹⵗ ⵎⵙ ⵙ ⵙⵍⵏⵓⵏ ⵗⵙ ⴶⵔⵓⴰ ⴹ ⵙⵏⵗ ⵙ ⵜⴶⵍⵢⵎ ⴹⵗ ⴶⵢ ⵏⵗⴼ ⵢⵏ⵿ⴹⴰ ⵜⵏⵎⵏⴾⵎ ⵙⵓⵍ ⵢⵏ⵿ⴹⴰ ⴹⵗ ⵜⵀⵍⵏ⵿ⵜ ⵜⴰ ⵜⴶⵎ ⴼⵍ ⵤⴶⵤⵏ ⵙⵂⴹⵏ ⴼⵍ ⵍⵏ⵿ⵌⵍ⵰ 28 ⴹⵗⵓⵏ ⵓⵔ ⴶⵏ ⵢⵜⴹⵏ ⵓⵏ ⴾⵓⵏⵤⵏ⵿ⴶⵜⵏⵏ ⵜⵙⴰ ⵙⵔⵜ ⵓⵍⵢⵏ⵰ ⵙⵔⵙⵏ ⴹⵓⵢ ⴹⵢ ⴾⵙ ⵏⵛⴾ ⴹⵗ ⵂⵍⴾⵏⵙⵏ ⴾⵓⵏⵢ ⵓⵢⴹⵓ ⵙⵔⵓⵏ ⴾⵙ ⵏⵛⴾ ⴹⵗ ⴶⵤ ⵓⴰ ⵜⴶⵎ ⵜⵔⵢⵜ ⵜⵏ ⴼⵙⵏ⵰ ⵎⵔⵏ ⵎⵛⵏⴰ ⵤⴶⵏ ⴹⵢ⵰ 29 ⵎⵛⵏⴰ ⵓⵔⴶⵗ ⵔⵈⵎⵜ ⵏⵤⴶⵤⵏ ⵙⵍⵎⵙⵈ ⵗⵙ ⴾⵓⵏⴾⴼⴰ ⴾⵍⵔ ⴾⴼⵓⵏ ⵂⵔⴾⴹ ⵜⵏ ⵍⵗⵤⵀ ⴼⵍ ⴹⵍⵍⵏⵜ⵰ 30 ⵎⵔⴹⴰ ⵜⴶⵎ ⴼⵍⵙ ⵜⵀⵍⵏ⵿ⵜ ⵛⵍⵜ ⵏ⵿ⵜⵙ ⴾⵍⴰ ⴹⵜⵏⵢⵎ ⴶⵆⵜ ⴼⵍⵙ ⵏ⵿ⵜⴰ ⴹⵗ ⵙ ⵜⵙⵍⵎ ⵙ ⵂⵔⵓⴰ ⴹⴰ ⵜⴶⵆⵜ⵰