23
Yoova, ye ŋginiiŋ toit
Mbouŋ to David
Yoova, ye ŋginiiŋ tiou poia. Irau nambool pa mbeb eta maau. Yo 10:11; Hib 13:20
 
Ye igheghereb ghou nala pa kikiliiŋ popoia to ineep ya naliu dige.
Leso naghan, naghun ya luuma, ve ateg izi. Syg 7:17
 
Ye igham tapirig ivot muul,
ve ipasaluŋgan ghou le nataghon ataam to deŋia ila mata.
Leso ipaghazoŋan iza tiina ivot ighazooŋ.
Yoova, ighaze nalaagh ila ndug sapsapi to mateeŋ, ve ndoroom tiina ikau ghou, nene irau namatughez maau.
Pasa, yom uneep toman ghou.
You naghita ghom ukis ndaab tiom toman titi to upasaluŋgan sipsip pani, tovenen ateg izi.
You nanim loom payom, ve upakur ghou kat.
Yom ugham ghanghaniiŋ tiina payou ila koiagŋa matadi.
Ve uliŋ ŋgoreeŋ izala dabag, ve ugham poian ghou kat.
 
Onoon kat, sawa isob to naneep izi taan, yom lolom ineep tuŋia inim tiou, ve poia tiom izaza tiou itaghon saveeŋ mbuaaŋ tiom.
Rumai tiom pale inim inag to nepooŋ le irau sawa tiou isob.