114
Maaron igham Israela nditimbudi tipul Isip
Muuŋ, Israela tipul Isip ve tila.
Yakop papaghu toni tipul tamtoghon to aliŋadi ite, ve tivot. Igham 12:41
 
Sawa tonenen, yes Yuda tinim Yoova ina patabuaŋ to nepooŋ.
Ve yes Israela, tineep ila ye nima, ve iŋgin di. Igham 19:5, 24:3+
 
Sawa to Te Kaviaaŋa ighita Yoova tamtoghon toni tinim, ye imatughez ve ighau.
Ve ya Yordan ighita di, le ipamuula ilooŋ ila ve ipot inimale ya naliu. Igham 14:21
 
Ve lolooz tovene paam. Yoŋgyoog itok, le tiyatov di tinimale mekmek.
Ve ndug mbuŋa mbuŋa tiyatov di tinimale sipsip ndinatu. Igham 19:18
O te, sa mbeb ivot payom to ughau?
Ve ya Yordan, pughu vena to upamuula ulooŋ ula ve upot unumale ya naliu?
 
Ve yam lolooz ve ndug mbuŋa mbuŋa, ayatov gham pasa?
O taan, upatum ghom! Pasa, mala maau pale Yoova inim.
Paam Maaron to Yakop inim, ve ipatooŋ tapiri payom.
 
Ye to igham ya ivot ila yaam, ve izi ipot inimale ya naliu.
Onoon kat, ye igham ya ivot ila yaam ariaŋa, ve ireer izi.