1 ငါဟှာ လူ့ဘာသာစကားန ကောန်းဂန်တမန်ဘာသာစကားဟှို ပြောနိုင်ဟှူလည်းဘဲ့ မြစ်တာမှေ့ဘဲနေဟှာ သံက္လယ်က္လယ်ဗြယ်ဘီး ဆူညံနေဟှူ ဗှိုးမှုဟှူသံန ချမ်းချမ်းဟှူမျိုးဘဲ့ ဖြစ်လေ့မယ်။ 2 ၁၃.၂ မ ၁၇.၂၀; ၂၁.၂၁; မာ ၁၁.၂၃ငါဟှာ ဗျာဒိတ်တော်အားဖြင့် ဟောပြောနိုင်ဟှူဇာဘဲ့ဖြစ်ဖြစ်၊ နတ်နဲရာလေရှိဟှူမျှန တတ်ပညာမျိုးမျိုးလေဟှို နားလည်တတ်ကျွမ်းဇာဘဲ့ဖြစ်ဖြစ်၊ တောန်ဟှိုရွှေ့နိုင်ဟှူ ယောင်ကြည်ရှင်းရှိဟှူဇာဘဲ့ဖြစ်ဖြစ် မြစ်တာမှေ့ဘဲနေဟှာ ချည်းနှီးသတ်သတ်ဘဲ့ ဖြစ်ဟှယ်။ 3 သူတပါးဟှို ငါကျွေးမွေးဘီး ငါ့မာရှိဟှူ ပစ်စီးအောက်စာလေ ဂူလောင်းဟှို စွန့်လွတ်ရုံမျှမက ကိုယ်ခန္ဓာဟှို မီးရှို့ခံဟှို့တွပ်*၁၃.၃ မီးရှို့ခံဟှို့တွပ်၊ တချို့ မူရင်းလတ်ရေးမူလေမာ ဝါကြွားနိုင်ဟှို့တွပ်၊ ဆိုဘီး ပါရှိဟှယ်။ ပေးအပ်ဟှူလည်းဘဲ့ မြစ်တာမှေ့ဘဲနေဟှာ ငါ့မာ ဖြာကျိုးလည်း မှေ့ဟှ။

4 မြစ်တာဟှာ စိရှယ်တတ်ဟှယ်။ သနားကြင်နာတတ်ဟှယ်။ မြစ်တာဟှာ နာလိုဘဲဟှူဇာ မှေ့ဟှ။ ဝါကြွားဟှူဇာ မှေ့ဟှ။ မာန်မာန မှေ့ဟှ။ 5 ယဉ်ကျေးဘဲမှုဟှို ပြုတတ်ဟှ။ ကိုယ့်ရဲ့ကျိုးဟှို ရှာတတ်ဟှ။ ဒေါသမျစ်ထွပ်တတ်ဟှ။ သူများရဲ့ ပြစ်ဟှို မှတ်တတ်ဟှ။ 6 တရားဘဲဟှူမှုမာ ဝန်းသာရှင်း မှေ့တတ်ဟှ။ သမ္မာတရားအားဖြင့်ဘဲ့ ဝန်းသာတတ်ဟှယ်။ 7 ရှိမျှဂူလောင်းဟှို ဖောင်းအောက်ပေးတတ်ဟှယ်။ ရှိမျှဂူလောင်းဟှို ယောင်ကြည်တတ်ဟှယ်။ ရှိမျှဂူလောင်းဟှို မျှော်လင့်တတ်ဟှယ်။ ရှိမျှဂူလောင်းဟှို သီးခံတတ်ဟှယ်။

8 မြစ်တာဟှာ ဖော့‑က်ပ္လန်တတ်ဟှူ သဘောန မြဲကင်းစင်ဟှယ်။ ပရောဖက်ဉာဏ်ဘဲ့ဖြစ်ဖြစ်၊ ထူးဆန်းဟှူ ဘာသာစကားလေဟှို ပြောနိုင်ဇာဘဲ့ဖြစ်ဖြစ်၊ တီထွမ်ဖန်တီးနိုင်ဟှူ သိပ္ပံတတ်ဘဲ့ဖြစ်ဖြစ် ကွယ်ပျော့‑က်လေ့မယ်။ 9 ခု နို့လေဟှာ စောင်လင်ဘဲန သိဂေ့ဟှယ်။ ပရောဖက်ဉာဏ်န စောင်လင်ဘဲန ဟောတတ်ဟှယ်။ 10 အယ်ဘေမဲ့ စောင်လင်မှုရော့‑က်လာဟှူ ခီမာ စောင်လင်ဘဲဇာလေ ဂူလောင်းဟှာ ပျော့‑က်ကွယ်ဟှားလေ့မယ်။

11 ငါဟှာ သားဂန်းဟှားဖြစ်ဟှူ ခီမာ သားဂန်းဟှားမျိုးဘဲ့ စကားပြောဟှယ်။ သားဂန်းဟှားမျိုးဘဲ့ စဉ်းစားဟှယ်။ သားဂန်းဟှားမျိုးဘဲ့ တွေးတောဆင်ခြင်ဟှယ်။ ကီးလာဟှူ ခီမာ သားဂန်းဟှားရဲ့ ကျင့်ဓလေ့လေဟှို ငါဖယ်ရှားဟှယ်။ 12 ခုခီမာ နို့လေဟှာ မှန်ရှေ့မာ မှုံဝါးဝါးပေါ်လာဟှူ ပေါင်သဏ္ဌာန်မျိုးဘဲ့ ထန်ရှားဘဲန တွိဗြင်ရဂေ့ဟှယ်။ အယ်မူခီမာ ဆိုဟှာ မျစ်ဝါးထန်ထန် တွိဗြင်ရလေ့မယ်။ ခုခီမာ ငါဟှာ စောင်းစောင်လင်းလင် သိဗြင်ရသေးဟှ။ အယ်ခီမာ ဆိုဟှာ ဘုရားသခင်ဟှ ငါ့ဟှို စောင်းစောင်လင်းလင် သိဗြင်တော်မူဟှူမျိုး ငါဟှာ စောင်းစောင်လင်းလင် သိဗြင်ရလေ့မယ်။

13 ခုမာ ပါရမီသောင်းပါးဖြစ်ဟှူ ယောင်ကြည်ရှင်း၊ မျှော်လင့်ရှင်း၊ ရှစ်ရှင်း အယ်သောင်းပါးတည်ဘီး ရှိနေဟှယ်။ အယ်သောင်းပါးမာ ရှစ်ရှင်းမြစ်တာဟှာ မြတ်ဆောင်း ဖြစ်ဟှယ်။