1 ၁၆.၁ ရော ၁၅.၂၅,၂၆သန့်ရှင်းဟှူသူလေဟှို ထော့‑က်ပံ့ဟှို့တွပ် လှူငွေနပတ်သတ်ဘီးဟှာ ဂလာတိပြည်မာရှိဟှူ သင်းတော်လေဟှို ငါညွှန်ကြားဟှားတိုင်း နန်းနို့လေ လောက်ဂေ့ပါ။ 2 ငါရော့‑က်လာဟှူ ခီမာ လှူငွေကော့‑က်ခံရဘဲနေအောန် နန်းနွေနေ့တိုင်း နန်းနို့ယော့‑က်ချင်းစီတိုင်းရဲ့ ဝမ်ငွေနဲများလိုက် လှူဒန်းဟှို့တွပ် စုဆောန်းဟှားဂေ့ပါ။ 3 ငါရော့‑က်လာဟှူ ခီမာ စာရေးဘီး နန်းနို့လေ ဝီးကော့‑က်ဟှူသူလေဟှို အပ်ပေးဘီး အယ်လတ်ဆောန်ဟှို ယေရုရှလင်ဗြို့ဟှို ပို့ဆောန်ဟှို့တွပ် ငါလွှတ်မယ်။ 4 တကယ်ဟှိ ငါကိုယ်တိုင်သွားဟှို့ လိုအပ်ဟှယ် ဆိုဟှာ သူးနို့လေနငါ တူးဒူသွားမယ်။

5 ၁၆.၅ တ ၁၉.၂၁မာကေဒေါနိပြည်လမ်းဟှနေ ငါသွားမယ်ဖြစ်ဟှူကြောန့် မာကေဒေါနိပြည်ဟှို လှည့်လည်ဘီးမှ နန်းနို့နားဟှိုလာမယ်။ 6 ငါဟှာ နန်းနို့လေနတူးဒူ ဆောန်းကာလပတ်လောင်း နေရှင်ဟှာနေမယ်။ နော့‑က်မှ ငါသွားရှင်ဟှူနေရာဟှို သွားဟှို့တွပ် နန်းနို့ကူညီလေ့မယ် ဆိုဇာဟှို ငါမျှော်လင့်ပါဟှယ်။ 7 ငါဟှာ နန်းနို့လေနားဟှို ရှစ်ဟှားတည်းခိုမျှဒဲမှုဘဲန သခင်ဘုရားခွမ့်ပြုမယ် ဆိုဟှာ နန်းနို့လေနားမာ ကြားကြာနေဟှို့ မျှော်လင့်ဟှားပါဟှယ်။

8 ၁၆.၈,၉ တ ၁၉.၈–၁၀ပင်တေကုတ္တေပွဲနေ့ထိ ဧဖက်ဗြို့မာ ငါနေအူးပါမယ်။ 9 ဖြားဖြစ်ကြောန့်နူးဆိုဟှာ မှုတော်တွပ် ရရာတိုင်း ကီးဟှူခွဗော့‑က်ဟှာ ငါ့တွပ် ဆင်သင့်ဖွမ့်ဘီး ရှိနေပါဟှယ်။ တားဆီးဟှူသူလည်း ဘောင်ဂီးရှိပါဟှယ်။

10 ၁၆.၁၀ ၁ ကော ၄.၁၇နန်းနို့လေနားဟှို တိမောသေဟှာ ရော့‑က်လာဟှယ် ဆိုဟှာ သူဟှာ စိုးရိမ်မှုမှေ့ဘဲ နန်းနို့နတူးဒူနေထိုင်ဟှို့တွပ် ဂရုစိုက်ဂေ့ပါ။ ဖြားဖြစ်ကြောန့်နူးဆိုဟှာ သူဟှာ ငါ့ဟှူမျိုးဘဲ့ သခင်ဘုရားရဲ့မှုတော်ဟှို လောက်ဆောန်ဟှူသူ ဖြစ်ဟှယ်။ 11 အယ်ကြောန့် သူ့ဟှို ဖယ်သူလည်းဘဲ့ ထီမဲ့မြင်ပြုစေန။ ငါဟှာ ယောင်ကြည်သူ ညီကို မောန်နှမလေနတူးဒူ သူရော့‑က်လာဟှို့ဇာဟှို စောန့်မျှော်နေဟှူကြောန့် သူဟှာ ငါ့နားဟှိုဘေးကင်းဘီး ရော့‑က်လာနိုင်ဟှို့တွပ် ကူညီဂေ့ပါ။

12 ငါ့ညီအာပေါလုန ပတ်သတ်ဘီး ပြောရမယ် ဆိုဟှာ သူဟှာ တခြားခရစ်ယာန် ညီကို မောန်နှမလေနတူးဒူ နန်းနို့လေနားဟှို လာလည်ဟှို့တွပ် သူ့ဟှို ငါအားပေးတိုက်တွန်းဟှယ်။ အယ်ဘေမဲ့ သူဟှာ အယ်ခီဒူးဟှ လာဟှို့ လောင်းဝ ဆန္ဒမှေ့ဟှ။ *၁၆.၁၂ သူဟှာ အယ်ခီဒူးဟှ လာဟှို့ လောင်းဝ ဆန္ဒမှေ့ဟှ၊ အယ်မျိုးမှုဘဲနေဟှာ ဘုရားသခင်လိုတော် လောင်းဝ မှေ့ဟှ။ အယ်ဘေမဲ့လည်း ခွမ့်သာဟှူ ခီမာ သူလာလေ့မယ်။

13 နန်းနို့လေ နိုးနိုးကြားကြားနေဂေ့ပါ။ ယောင်ကြည်ရှင်းန ခိုင်းခိုင်မားမာရပ်တည်ဂေ့ပါ။ ရဲစွမ်းသတ္တိရှိဂေ့ပါ။ သန်မာဂေ့ပါ။ 14 ဂူလောင်းဟှို မြစ်တာစိနပြုဂေ့ပါ။

15 ၁၆.၁၅ ၁ ကော ၁.၁၆ညီကို မောန်နှမလေ၊ သတေဖန်ရဲ့ အီသူအီသားလေဟှာ အခါယပြည်မာ ဦးဆောင်းခရစ်ယာန်လေဖြစ်ဘီး သန့်ရှင်းသူလေရဲ့မှုဟှို ကူညီဆောန်ရွပ်ဟှို့တွပ် သူးနို့လေဟှာ ကိုယ့်ကိုယ်ကိုယ် ဆစ်ကပ်ဟှားဟှူကြောန်းဟှို နန်းနို့လေသိဂေ့ဟှို့တွပ် ငါတိုက်တွန်းဟှယ်။ 16 အယ်မျိုးသူလေဟှနေစဘီး သူးနို့နတူးဒူ မှုတော်ဟှို လောက်ဆောန်ဂေ့ဟှူ သူလေရဲ့ ဦးဆောန်မှုဟှို နာခံဂေ့ဟှို့တွပ် နန်းနို့လေဟှို မြစ်တာရပ်ခံဟှယ်။

17 သတေဖန်၊ ဖော်တုနက်န အခါယကုဟှားလေ ရော့‑က်လာဟှူကြောန့် ငါဝန်းသာဟှယ်။ သူးနို့လေဟှာ နန်းနို့ကိုယ်စား ငါ့ဟှိုပြုစုဂေ့ဟှယ်။ 18 သူးနို့လေဟှာ နန်းနို့စိဟှို သတ်သာစေဟှူမျိုး ငါရဲ့စိဟှိုလည်း သတ်သာစေဂေ့ဟှယ်။ အယ်မျိုးသူလေဟှို သိမှတ်ပြုဂေ့ပါ။

19 ၁၆.၁၉ တ ၁၈.၂အာရှပြည်မာရှိဟှူ သင်းတော်လေဟှာ နန်းနို့လေဟှို နှောက်ဆစ်ဂေ့ဟှယ်။ အာကုလန ပြစ်ကိလဟှနေစဘီး သူးနို့အီမာ ဝတ်ပြုကိုးကွယ်ဂေ့ဟှူ သင်းဝမ်သူလေဟှလည်း သခင်ဘုရားရဲ့ နာမတော်အားဖြင့် နှောက်ဆစ်ဂေ့ဟှယ်။ 20 ညီကိုအားလောင်းဟှလည်း နန်းနို့ဟှို နှောက်ဆစ်ဂေ့ဟှယ်။

နန်းနို့ဟှ ယော့‑က်နယော့‑က် သန့်ရှင်းဟှူနမ်းန နှောက်ဆစ်ဂေ့ပါ။

21 အယ်နှောက်ဆစ်စကားဟှို ငါပေါလုကိုယ်တိုင် ငါ့လတ်န ရေးလိုက်ပါဟှယ်။

22 သခင်ဘုရားဟှို ရှစ်ဘဲဟှူ ဖယ်သူဘဲ့ဖြစ်ဖြစ် ကီရှင်းဟှို ခံရပါစေ!

မာရာနာ သာ သခင်ဘုရား ကြွလာတော်မူပါ!

23 သခင်ယေရှုခရစ်ရဲ့ ကျေးဇူးတော်ဟှာ နန်းနို့လေမာရှိပါစေ။

24 ယေရှုခရစ်တော်နှိုက် တဗဲ့တော်ဖြစ်ဟှူ နန်းနို့လေမာ ငါရဲ့ရှစ်ရှင်းမြစ်တာရှိဟှယ်။ အာမင်။