1 Erah thoih, phangkhothoon et baat rumhala ah langla: mirep raangtaan sen ih lasijoot, rangsoom, esuk nyia lakookmi jengkhaap ah Rangte suh kottheng; 2 Rangte rangphoong rangsoom nah semroongroong ih tongsong nyia naririh angsuh luungwang nyia ngoong awang loong asuh rangsoom koh an. 3 Emah ih re ah ese ang ah nyia seng Pangte Rangte uh eroon eah. 4 Rangte ih warep suh epui toom erum ah nyia amiisak ah toom dongjat rum ah ih jam hali. 5 Tumeah Rangte ah esiit, eno Rangte nyia mina chamchiini chosiitte mih ah Jisu Kristo, 6 mina rangdah nawa doksiit raangtaan ih heteewah roidong kotte warah ah. Rangte ih mirep ah epiipang et ang ih chung arah tokdi erah choh noisok jataha, 7 2Tim 1:11 erah thoih Ranglajatte loong raang ih ngah ah heh kaamwah nyia nyootte raang ih daapkaat halang, ehanpiijih nyia amiisak tiit ah tumbaat raangtaan ih ah. Nga ih tiit huung tabaat kang; amiimi tiit baat hang!

8 Chaas nah miwah loong warep ih rangsoom tokdoh neng lak ah toon rum ano nengthung nengtak korum, eno ten lakhah thang ih nyia changrook ah larook thang ih rangsoom arah jam rumhang. 9 1Ptr 3:3 Minuh loong eh uh nyuh akhat ah phanjangjang nyia naririh toom et kap rum ah ih thunhang, neng khoh ah khoja khangja adoleh hun akom adoleh thaangchaan jong nyia thaangchaanjih nyuh akhat doh naktoom choom rum ah, 10 erah nang ih bah thooroom et chaangte minuh likhiik ese ah phanjangjang toom ih reeraang rum ah. 11 Minuh loong ah suusu ih tong rum ano toongtang lam ih toom nyoot rum ah. 12 Ngah ih minuh loong suh tanyootsoot thukkang adoleh miwah tokkhodoh reejih neng suh chaan takokang, neng ah suusu ih tongjih. 13 Rangph 2:7; Rangph 2:21,22 Tumeah Adam ah jaakhoh dongsiita, erah lilih Ip ah dongsiitta. 14 Rangph 3:1-6 Eno emokwaan eta ah Adam tah angta; emokwaan eta nyia Rangte hootthe thet haatte ah minuh rah angta. 15 Enoothong minuh ah neng sah pusom thungthoih ba puirum ah,*neng sah je thungthoih ba pui ah; adoleh neng sah tup ano ba puirum ah. nyia neng†neng hanpi ah latoohaat thang ih; adoleh heh hanpi ah latoohaat thang ih. hanpi, minchan nyia esa reeraang ah lato thang ih tong rum ano ah.