JOON
Ih Raang Arah Ruurangese
Ephangjatjih
Ruurangese tiit Joon ih raangha langla, Jisu ah mabah uh lathoonka Rangte Jengkhaap, “Heteewah mina eh hoon ra haano seng damdi waktong taha.” A leedap adi baat hali, Jisu ah thoomhoon kakhat jun ih seng khopi theng, Rangte sah, heh suh hanpiite loong ah ih lathoon roidong choh ah.
Ephangjat etheng ah langla lathoon theng Rangte Jengkhaap ah Jisu taang ni jeela, arah leedap ah phang weh eno Jisu ih paatjaajih reeta loong ah japtup hi, eno seng ih erah dowa ih jat hi Jisu ah seng khopi theng Rangte sah. Leedap ah weh eno jat hi mih paatjaajih ah mamah ih reeraangta. Arah leedap adi marah marah ni baat hali Jisu ah tuprum ano miloong ah ih mamah ih hanpi rumta, rukho loong ah ih taboichaatta. A leedaap asih ejom dowa ih asih sinat ni japtup hi, heh jootkhak rangja heliphante loong damdi mamah ih roomtongta, heh teewah tekja mamah etheng ah erah chaankot jengkhaap ah banbaat ih rumta. Leedaap ethoon ni baat ha, Jisu mamah ih jokhakta, mamah ih siiwiita, bangphak ni mamah ih rapbotta, adoleh ngaaksaat lidi heliphante loong damdi mamah ih chomuita.
Minuh wasiit miwah damdi roomjup arah japjoot khiikkhi ah (8:1-11) maramarah leedap ni kook hoom eha tiimnge liidi ehakdi raangta leedap adi takapta, maramarah leedap adi ah kap eha.
Joon ih adi lathoon theng roidong ah Jisu jun ih kot tiit ah baat ha, erah roidong ah amadi phangkoh hali eno Jisu juuba lampo, amiisak, nyia roidong ngeh ih thaangchaatte loong asuh koh ah. Joon ih chiilam laalam ni ju, phaksat, rangwu, shaapriimte nyia hesaapsah adoleh anggut bang nyia hetiik loong ah tiim likhiik ah erah ah nyootbaat ha.
Hemong Dowa Jatjih
Ephangjatjih(1:1-18)
Juutemte Joon nyia Jisu liphante jaakhoh dowa loong ah (1:19-51)
Nokraat ni Jisu mootkaat (2:1—12:50)
Lithoon ni Jerusalem reeni Jisu mootkaat (13:1—19:42)
Teesu we ngaaksaat ano dongkhoom tiit (20:1-31)
Jengkhaap thoonjeng: Galili ni we dongkhoom tiit (21:1-25)
1
Roidong jengkhaap
1 Mongrep maang dongsiitka di, Rangte Jengkhaap ah eje angta; heh Rangte damdi angta, eno Jengkhaap ah Rangte angta. 2 Ephangdong dowa ih Jengkhaap ah Rangte damdi angta. 3 Rangte ih jirep ah heh jun ih dongsiitta; jaatrep dongsiitta dowa esiit taan uh heh jun ih ladongka rah tajeeka. 4 Jengkhaap ah roidong choh lampo*Jengkhaap ah roidong choh lampo; adolehmarah dongsiita erah Jengkhaap jun ih roidong eje angta. angta, eno roidong erah ih mina raangtaan ih weephaak thukta. 5 Weephaak ah rangnak khoni phaakta, eno rangnak ih erah weephaak ah mabah uh tajen met siitta.
6 Mat 3:1; Mk 1:4; Luk 3:1-2 Rangte ih weephaak tiit ah mina suh baat thuksuh, mih wasiit Joon ngeh ih kongphaak kotte kaat thukta, 7 tiimnge liidi, heh tiitkhaap ah loongtang ih chaat rum ano hanpi toom ih rum ah. 8 Heh teewah bah amiisak di weephaak tah angta; weephaak tiit ah ba baatkaat taha. 9 Erah baatta langla amiisak weephaak ah angta, erah weephaak ah arah mongrep adi ra haano mina loongtang suh kaangtook koha.
10 Jengkhaap ah langla arah mongrep adi angta, arah mongrep ah Rangte ih heh mendi hoonta bah uh, arah mongrep dowa mina ih tasamjat rumta. 11 Heh teewah deek akaan ni ra taha, erabah uh heh miloong ah ih heh jeng ah takap rumta. 12 Enoothong, o mina ih heh jeng ah kap ih rum ano hanpi rumta, erah miloong ah Rangte suh asah eh hoon suh epun e ah. 13 Neng loong ah Rangte sah ih hoonta, mina hansi nuh awah nawa tup arah tah angta; Rangte ah neng loong raangtaan ih neng Wah eh hoonta.
14 Jengkhaap ah mina eh donghoonta eno minchan nyia amiisak pan angta, seng loong damdi roong songtong taha. Heh rangka ah seng ih tup eti, erah rangka ah Hewah jiin nawa Hesah heh luulu ang thoidi choha.
15 Joon ih heh tiit baatta adoh erongrongwah ih riibaatta, “Arah tiit ah ngah ih amah kabaat rum taha, ‘Heh nga lidoh raaha, enoothong nga nang ih heh elong ang ah, tiimnge liidi ngah maang tup diidook heh eje angta.’ ”
16 Heh jiinni minchan ehan je thoidi loongtang suh romseetam koh hali, seng loong asuh esiit esiit suh romseetam koh hali. 17 Rangte ih Moses jun ih Hootthe kota, enoothong minchan nyia amiisak tiit ah Jisu Kristo jun ih koh hali. 18 Rangte ah oh ih uh tathaak tupka. Rangte reeni Hewah tooto ih tongla, Hesah asuh luulu ba jatthuk ha.
Juutemte Joon
(Mat 3:1-12; Mk 1:1-8; Luk 3:1-18)
19 Jerusalem dowa Jehudi ngoong awang loong ah ih romwah nyia Lewi nok hah marah marah loong ah Joon reeni kaat thuk rum ano, chengkaat thuk rumta, “An o anglu?”
20 Joon ih neng suh ngaakbaat ah tah daanta, enoothong neng suh saasa ih dokbaat rumta, Heh ih baat rumta: <<Ngah Kristo tah angkang.>>
21 Hodb 18:15,18; Mal 4:5 <<Eno bah, an ah o anglu?>> Neng ih ngaak chengta. <<An Elija tam ah?>>
“Tah angkang,” Joon ih ngaakbaat rumta.
“An Khowah tam anglu?”†Khowah: O mina ih Kristo kaat tiit baanbaat kaatte warah Neng loong ah ih ngaakcheng rumta.
“Tah angkang,” Joon ih ngaakbaat rumta.
22 “Eno bah an ah o anglu baat he,” neng loong ah ih cheng rumta. “Seng daap kaatte loong asuh an o anglu erah tiit ah ngaakbaat wantheng. An teewah suh an ih tiimjih li hu?>>
23 Isa 40:3Khowah Isaia Jengkhaap ah baat ano ngaak jengta;
<<Phisang hah mong ni riila root ah langla ngah;
Teesu lengkhoom suh lamjun in ban tan an!>>
24 Pharisi nok hah, ih kaat thukta kongphaak kotte, loong ah ih 25 Joon suh cheng rumta,‡Kongphaak kotte marah Pharisi loong ih kaat thukta, erah langla; adolehNeng loong ah maradi Pharisi loong angta erah di kaat thuk rumta; neng. <<An Kristo uh tah angko, Elija uh tah angko adoleh Khowah uh tah angko, eno bah juutem ah mamah ih temhu?>>
26 Joon ih ngaakbaat rumta, <<Ngah ih ju nawa ih juutem rumhala, enoothong sengdung ni wasiit chapla ah sen ih tajatkan. 27 Erah mih ah nga lih ni ra hala, enoothong ngah bah heh lakhoop adoleh heh lasong khook haattha uh taluikang.>>
28 Arah tiit ah Bethani ni Joon ih Jordan ju saadongko ni juutemta erah di roongwaan rumta.
Rangte Saapsah
29 Erah saalih adi Jisu heh taang ni wangha rah Joon ih japtup ano, liita, <<Rangte Saapsah ah arah, arah mongrep dowa rangdah saasiitte ah erah wang hala! 30 Ngah roongwaan tahang adi arah warah tiit laangbo baat rum taha, ngah ih amah baat rum taha, ‘Nga lidoh mih wasiit raaha, enoothong heh ngah nang ih elong, tiimnge liidi heh ngah maang tupdoh heh eje angta.’ 31 Ngah ih heh o ang ah ngeh ih tah jattang, enoothong, heh ah Ijirel noksong ih toomjat rum ah ngeh ih juutem ra tahang.>>
32 Eno Joon ih heteewah tiitkhaap tiit baat rumta: <<Ngah ih Chiiala ah wotuupi likhiik rang nawa ra haano heh sakkhoh ni dangra ha rah tuptang. 33 Erabah uh ngah ih tajattang heh o angla. Enoothong juutem kaat thuk tahang Rangte ah ih baat tahang, ‘An ih Chiiala ra haano mih wasiit sak nah tong raaha rah japtup uh; Esa Chiiala nawa ih juutemte warah heh ang ah.’ 34 Ngah ih tup ehang,” Joon ih liita, <<eno ngah ih baat rumhala Rangte Sah ah bah heh ju.>>
Jisu liphante loong phangdongta
35 Erah saalih adi heliphante wanyi damdi Joon we toonchap adi, 36 Jisu lengkhoom ah japtup ano liita. <<Rangte Saapsah ah the warah aleh!>>
37 Heliphante wanyi ah ih Joon jeng ah japchaat nyu ano Jisu damdi roong kanyuuta. 38 Jisu lekchap ih adi, nengnyi helilih ih kah arah japtup nyu ano cheng nyuuta, <<Set ih tiimjih jamsok hansih?>>
Nengnyi ih ngaakbaat nyuuta, <<An mani tonglu Rabbi?>> (Rabbi ah Hebrew lam ih <<Nyootte<< suh liiha)
39 <<Sok raathaak hansih ba,” heh ih ngaakbaat nyuuta. (Erah tokdi rangsa lup nanah angta.) Erah thoidi heh damdi roong kah nyu ano heh mani songtongta rah japtup kanyuuta eno erah sa adi heh damdi naangjam nyuuta.
40 Erah nyi dowa wasiit ah Simon Pitar no Andriu angta. 41 Erah damdam heh phoh Simon ah japtup ano baatta, <<Seknyi Misia chomui li tih.>> (Misia ah <<Kristo<< suh liiha) 42 Eno heh ih Simon ah Jisu taang ni siitwanta.
Jisu heh taangko sok ano liita, <<An Joon sah Simon, enoothong an ah Sephas ngeh ih poonho.>> (Erah langla Pitar suh <<jong<< ngeh ih liita likhiik)
Jisu ih Philip nyia Nathanel poonta
43 Erah saalih adi Jisu Galili ni kaat chungta. Heh ih Philip ah japtup ano baatta, <<Nga damdoh roongra ho!>> ( 44 Philip ah Pitar nyia Andriu tongla hah, Betsaida nawa angta.) 45 Philip ih Nathanel ah japtup ano heh suh baatta, <<Hootthe leedap ni Moses nyia khowah loong ih nep raangta ah seng ih japtup ehi. Heh langla Jisu, Najaret hadaang dowa Josep sah ah.>>
46 <<Najaret nawa tiim bah uh ese thok nih eha?>> Nathanel ih chengta.
<<Raaho no sok uh,” Philip ih ngaak baatta.
47 Jisu ih Nathanel ah heh reeni kaat ah tup ano liita, <<Ijirel mina mi abah arah; heh tiim ni uh tathika!>>
48 Nathanel ih heh suh chengta, An ih ngah mamah ih jat halang?>>
Jisu ih ngaak baatta, <<Philip ih maang poon ruudi phuksak bang lathong ni ang uh rah jap tup taha.>>
49 <<Nyootte<< Nathanel ih ngaak baatta, <<an juuba Rangte Sah! An Ijirel Luuwang!>>
50 Jisu ih chengta, <<Phuksak bang lathong ni angtu adi japtup taha ngeh ih li kohaano tam hanpi halang? An ih erah tokkhodoh elong japtup uh!>> 51 Rangph 28:12Eno neng suh li rumta, <<Ngah ih amiisak tiit ah baat rumhala: Rangmong ah laangdaap adoh Rangsah loong ah Mina Sah reenah chookwang datkah ih lengkhoom arah japtup an.
*1:4 Jengkhaap ah roidong choh lampo; adolehmarah dongsiita erah Jengkhaap jun ih roidong eje angta.
1:6 Mat 3:1; Mk 1:4; Luk 3:1-2
1:21 Hodb 18:15,18; Mal 4:5
†1:21 Khowah: O mina ih Kristo kaat tiit baanbaat kaatte warah
1:23 Isa 40:3
‡1:25 Kongphaak kotte marah Pharisi loong ih kaat thukta, erah langla; adolehNeng loong ah maradi Pharisi loong angta erah di kaat thuk rumta; neng.
1:51 Rangph 28:12