PHILIMOON
Suh Pool Ih Raang Arah Le
Ephangjatjih
Philimoon ah wahak Kristaan mina mirep ih jat arah nyia Kolose chaaste angta, eno dah wasiit Onesimas ngeh ih angta erah warah changte ah Philimoon angta. Erah dah ah heh changte reenawa doksoon eta, enoothong Pool phaatak ni tongta adi Onesimas ah chowaanta. Onesimas ah Pool thoidi Kristaan ih hoonta. Pool ih Philemoon suh le raangmaat ha langla, heh dah ah damdoh toom hukse waan ah ngeh ih maat ha, tiimnge liidi heh dah ngeh ih luulu labanchoh thang ih Kristaan phoh ano ngeh ih nep toom banchoh ah ngeh ih thun ano Onesimas ah heh taang ni we ngaakwang thukla.
Hemong Dowa Jatjih
Ephangjatjih(1-3)
Philemoon ah phoongphaata (4-7)
Onesimas suh raangkota(8-22)
Ethoondi(23-25)
1
1 Jisu Kristo thoilam di phaatak ni tongte Pool nyia seng phono Timothi taangnawa—
Seng joonte seng damdi roong mootkaatte Philemoon suh, 2 Kol 4:17nyia an nok ni chomuiti chaaste loong suh nep, adoleh seng loong no Apphia nyia sipaahi Arkippus loong suh raanghang:
3 Seng loong Wah Rangte nyia Teesu Jisu Kristo ih minchan toom kohan nyia semroongroong toom songtong thuk han.
Philemoon minchan nyia heh tuumaang
4 Nga no Philemoon, Rangte suh lakookmi li angno, an raangtaan ih saapoot rookwet rangsoom hang 5 Rangte mina loong raangtaan ih an minchan eje nyia Jisu su tuumaang lu ah ngah ih japchaat ehang. 6 Nga rangsoom ah langla seng hanpiite loong ih sen damdi rangchosoom hi thoidoh Kristo jun ih romseetam tiit ah ehanhan toom ih jat ih. 7 Nga no, an minchan tiit asuh ngah rapne roonlang nyia chaan koh halang! Rangte mina loong ten rapne ih roonthuk lu.
Onismas suh lasijoot le raangha
8 Erah raangtaan ih, Kristo phoh ano jun ih, tiimjih reejih ah erah lacho laphaan ih jen baattaan etheng taha. 9 Enoothong an nga moongnook ang thoidi, an lasih ba johala. Ngah Pool laang ang ang bah uh, nyia Kristo mendi laang mokah ang bah uh adoleh amadi heh thoilam*amadi heh thoilam di phaatak ni laangtong ang bah uhadolehteekaang di Kristo thoilam di phaatak ni tonglang. di phaatak ni laangtong ang bah uh, an nga moongnook ang thoidi reelang. 10 Kol 4:9 Erah raangtaan Onesimas mendi an lasih johala, heh amadi Kristo mendi nga sah miimi eh hoonla; tiimnge liidi ngah phaatak ni tong angdi chiilam laalam ni heh wah eh hoon lang. 11 Pootsiit an raangtaan ih heh tiim uh tah angta, enoothong amadi heh sek raangtaan ih ejamjih†Grik nok hah ih Onesimas ah “ekap ejih.” eh hoonla.
12 Amadi heh an reeni ngaakwang thuk halang, ngaathung ngaatak uh heh damdi. 13 Ngah Ruurang Ese tungthoidi phaatak ni tonglang pootdoh, an ih chosok lakbi toom chosok hang ngeh ih nga reenah tongthuk thengtang. 14 Ang abah uh, an ih ngah chosok jaatjaat etheng ngeh ih tali kang; heh thung ih toom re ah ngeh ih li hala. Erah raangtaan ih an thung lah angko bah ngah tiim uh tami reekang.
15 Onismas ah pootsiit an reenawa haloh ih hoonta ah langla an reenah saarep raangtaan toom ngaak tongha ngeh ih heh ang thamta. 16 Eno amadi heh dah luulu tah angka, dah nang eju elong eh hoonla: Heh Kristo phoh ano eh hoonla. Nga raangtaan ih heh nga mongnook! Adoleh an raangtaan ih erah nang ih ju eseethoon ang ah, heh dah luulu lah angthang ih Teesu mendi phoh ano eh hoonla.
17 Erah raangtaan ih, anjoon anwaan ngeh ih thun hang bah, ngah ban noppoon hang ah liikhiik heh uh ban noppoon ih uh. 18 Heh an raangtaan ih thetreeta bah nyia tiimkot jilam angta bah uh, ngah ih ngaak kottheng ngeh ih raangthiin uh. 19 Arah, nga teewah lak ih raangmaat halang: Ngah Pool, ngah ih ma ngaak koha. ( An nga raangtaan ih, an suh lah dopbaatjih angta.) 20 Nga no, erah raangtaan ih, Teesu mendoh nga jeng ah boichaat ih weeuh, Kristo phoh ano mendoh ngah eroon ih weethuk hang!
21 Arah le ah raangmaat hangno, ngah sen suh re erum ah ngeh ih kamkam ih laalom lang—ngah ih jat ih hang erah nang ih botseh ehan reeraang pakna an. 22 Erah damdoh, nga tong suh rumsiit than ban khookham thiin an, tiimnge liidi Rangte ih sen loong rangsoom ah chaat eha ngeh ih laalom lang eno sen reenah engaak ih thuk hang.
Jengse thoon raajeng
23 Kol 1:7; 4:12 Jisu Kristo raangtaan ih, nga damdi phaatak ni roongtongte, Epaphras ih sen suh jengseera halan, 24 Esm 12:12,25; 13:13; 15:37-39; Esm 19:29; 27:2; Kol 4:10,14; 2Tim 4:10,11 erah damdi nga damdi roong mootkaatte Maak, Aritarkus, Demas nyia Luk loong ih nep jengseera halan.
25 Teesu Jisu Kristo minchan sen loongtang damdoh toom je ah.