10
1 Bandughu ba me mu kana, ndagha yi mvulu ndzyi me, ya lisamana li me kundaa Nzaami me liili ti ba-Dzwife babvwughu. 2 Mu kuulu me aakansuo bumpughulu mu bo ti bo bali a mukolo wu áalwulu mu mbaa a dzyi mu Nzaami, lo mbaa a dzyi li bo ka yili kunsa otsyeme ku ligyahaba o. 3 Mu kuulu, bo bu bagwene obaghala bu ookasa Nzaami baara bunsumu, ya bu baakasagha okala baara baba bunsumu mu ebomo, mu obo bo ka bali mu okasa bintamana mu ma ookasa Nzaami mu otwulu baara bunsumu, 4 mu kuulu, Kriste ákuhu Mikyene, mpaala bwohono ba baakasa kana, Nzaami asa bo bunsumu ŋa nkulu a nde.
Ndagha, kana ya obvwughu
5 Mu kuulu, Moyidze ásono mu mi mitala bunsumu bu buukafa mu Mikyene ti: «Mbwuru wu akala aasa mandagha ma sa akala mweẽ mu mo*10.5 Lbv 18.5..» 6 Lo ligyughu bu ookalyele Ndagha a Nzaami mu mi mitala bunsumu bu ookagwa kana: «Ka lyele mu mukolo a we o ti: Nande akala aakumu ku yulu?» Mbaala ti, mu osurulu Kriste ŋa nsie. 7 Bwunu we ti: «Nande akala aakumunu ku nsini a mbie yi nda yi a laŋa-laŋa?» Mbaala ti, mu opaha Kriste ŋa kara li ba bákpi. 8 Mu obo, ndagha oyo bunu yidzyi olyele? «Ndagha yili ŋa bele a we, mu muŋma a we ya mu mukolo a we» Ndagha oyo me ndagha yi a kana yi liikatsala bihi nsia. 9 Mu kuulu, kala ti mu muŋma a we, we kihi ŋa nkulu a baara bwohono ti Yiisu me Mfumu, ya kala ti mu mukolo a we, we si kana ti Nzaami ásiili nde ŋa kara li ba bákpi, we sa bvwughu. 10 Mu kuulu, me mu mukolo baakasa kana; li liikasa ti Nzaami asa mbwuru akala wu bunsumu, ya me mu muŋma baakakihi ndagha yi aakabiri ku obvwughu. 11 Mu kuulu, Bisono biikalyele ti: Nswe munde «wu aasa kana mu nde ka akala aakpa budzwa o†10.11 Edz 28.16, ti bu básono mu mukaana wu mukulu mu engereke..» 12 Mu obo, ka oli a lisobo ŋa kara li mu-Dzwife ya mu-Ngereke o: Bo bwohono bali a Mfumu mumõ, wuli esini kundaa babo bwohono ba baakasamana nde. 13 Mu kuulu, «nswe munde wu aasamana nkwumu a Mfumu, sa abvwughu‡10.13 Dzo 3.5..»
14 Mu obo, bunu-abo bo baasamana nkwumu a munde wuulu bo ka baasi kana mu nde o? Ya bunu-abo bo baasa kana mu munde wuulu bo ka baagyughu bu baatsala nsia a nde o? Ya bo bunu-abo baagyughu kala ti ka oli a mbwuru wu aatsala nsia nde o? 15 Ya bunu-abo bo baatsala nsia a nde kala ti ka bagweghe baara mu oyitsala yo o? Ti bwunu a bu básono ti: «Limono bu mili mye mibwe, myili mi babo ba baakabulutuoho mansia ma mabwe§10.15 Edz 52.7.!»
16 Lo bo bwohono ka baasi bintamana mu nsia yi mbwe o. Mu kuulu Edzayi ályele ti: «Mfumu, nande aasi kana mu mandagha ma baagyughu bo kundaa bihi*10.16 Edz 53.1, ti bu básono mu mukaana wu mukulu mu engereke.?» 17 Mu obo, kana liikafa mu mandagha ma baakagyughu, ya mandagha ma baakagyughu maakafa mu ndagha a Kriste. 18 Lo me mfwulu ti: Bo ka baagyughu o? Bo baagyughu! Mu kuulu Bisono biikalyele ti:
«Baagyughu likyi li bo mu nsie nsyini,»
«ya baagyughu mandagha ma bo tee ku manto ma nsie mu oli baara†10.18 Bik 19.5, ti bu básono mu mukaana wu mukulu mu engereke..»
19 Lo me mfwulu ti: Isarayele ka aasoolo ndagha oyo o? Moyidze ngu wu a nsomo mu olyele ti:
«Me sa nsa kuulu be lisa ebaa ekaana kiili ka eli ekaana o,»
«mu nzili a ekaana ki egwene a mayele, me sa ntsubu nkehe a be‡10.19 Det 32.21..»
20 Ya Edzayi ási bukyini tee mu olyele ti:
«Bámono me kundaa babo baala ka bákasagha me o,»
«me áamoŋono kundaa babo baala ka báfwulu me ndagha o§10.20 Edz 65.1, ti bu básono mu mukaana wu mukulu mu engereke..»
21 Lo mu mi mitala Isarayele, nde ályele ti:
«Matala mwohono, me aandabala myaã mi me kundaa ekaana»
«ki ébihi osa bintamana ya ki eli a mutswi mpini*10.21 Edz 65.2, ti bu básono mu mukaana wu mukulu mu engereke..»
*10:5 10.5 Lbv 18.5.
†10:11 10.11 Edz 28.16, ti bu básono mu mukaana wu mukulu mu engereke.
‡10:13 10.13 Dzo 3.5.
§10:15 10.15 Edz 52.7.
*10:16 10.16 Edz 53.1, ti bu básono mu mukaana wu mukulu mu engereke.
†10:18 10.18 Bik 19.5, ti bu básono mu mukaana wu mukulu mu engereke.
‡10:19 10.19 Det 32.21.
§10:20 10.20 Edz 65.1, ti bu básono mu mukaana wu mukulu mu engereke.
*10:21 10.21 Edz 65.2, ti bu básono mu mukaana wu mukulu mu engereke.