3
3-ci Ǐvel mə̌ğ
Davidi iz ğar Avşalomi kiyexun t'it'at'an śampi Ǐvel mə̌ğ. *2 Şam. 15:13-17:22
1 Ay Q'ončux, heq'ədər gele düşmənzax bu!
Bez əleyinə gele amdare ěqeśe!
2 Bez barada gelet'ine nex:
«Buxačuğon kot'o tene çark'est'al».
3 Ama Hun, ay Q'ončux, za q'orişalonu,
Zaynak' hörmət eçalonu, Bez bula ala efalo Hunnu!
4 Zu Q'ončuğo ost'aar k'alezney,
Şot'inal İz ı̌vel buruğoxun †3:4 ı̌vel burux - Mo t'e vaxt' xram bakala Sinay buruxe. za coğabe tast'ay.
5 Zu basezksay, nep'axezsay,
P'urum muğurezbaksay, şot'aynak' ki, Q'ončuğon za köməyebsay.
6 Bez hərrəminə biq'est'i amdarxoy
Geleluğaxun tez q'ı̌bsa.
7 Hetər ki Hun bez düşmənxoy çəninəxun dunğsay,
Pist'oğoy uluxxo śinney,
Həysəəl bez bač'ane çurpa, ay Q'ončux
Çark'est'a za, bez Buxačux!
8 Çark'esun Q'ončuğoxune.
Barta Vi xeyir-bərəkət Vi azuk'i loxolq'an baki!