8
8-ci Ǐvel mə̌ğ
Mə̌ğk'alxoy dəst'in kalat'aynak'. Git't'iten *8:0 Git't'it - Me əyit həysə əştenesa, şot'o görəl şot'ay k'ə upsuna lap alimxonal avatet'un. Bakes banekon mo muğ simlə sa ət't'əci s'i nəəl fare sa yöne. mə̌ğěğala Davidi Ǐvel mə̌ğ.
1 Ay Həmişə Bakalo, ay beşi Q'ončux!
Vi kala s'i dirist' oç̌ali ç̌oyel t'ap'esa!
Vaynak' k'aleğala tərifi səs göynule c'eysa,
2 Lap körpə əyloğo q'a döş ukala əyloğoval əyitp'esenst'a! †8:2 Mat'. 21:16
Vi düşmənxoynak', Vi əleyinə c'eri vaynak' yaği bakalt'oğoynak' sa q'alan baki!
Şoroxal hari t'e q'alina laft'i əfçit'unbaki!
3 Vi yaratmişi me göyə q'a
Vi kiin laxi me xaşa q'a muč'uliğo běğat'an,
4 Fikirezbsa ki, amdar hik'k'ale! Ama Hun p'urumal şot'o eyexun ten c'evksa!
İnsan şuva ki? Ama Hun p'urumal şot'ay fikirən zap'e!
5 Şot'o yaratmişat'an saycə göynul bakala angelxoxunen oq'a biq'i,
Şot'o taxt'an arśevk'i, kalaluğa iz kiyelen tadi.
6 Şot'o Vi yaratmişit'oğoy loxol kalon laxi,
Şot'ay kiin oq'ane bito:
7 Eğelxo, keçiyox, öküzxo,
Lap ə̌qnə heyvanxoval.
8 Göynul purk'ala q'uşurxo q'a dənizə bakala çəliyoxal,
Xene oq'a bakala k'ə bunesa bito.
9 Ay Həmişə Bakalo, ay beşi Q'ončux!
Vi kala s'i dirist' oç̌ali ç̌oyel t'ap'esa!