1 Ay Q'ončux, şuva Vi ı̌vel gala yəşəyinşalo?

Şuva Vi ı̌vel buruğo içeynak' məsk'ənbiyo?

2 Mo düzgün yaq'en tağalo q'a

İz əşurxost'a noxsan nu bakalone.

Düz əyitə təmiz ük'en uk'alo q'a

3 İz muzen şər nu bosalone mo.

İz ı̌šat'u pisluğ nu balo q'a

T'iyə̌mint'u pis əyit nu uk'alone.

4 Mo pis amdara nifrətp'i

Buxačuğo çalxalt'u isə hörmətbalone.

Ziyana bafaldayin, izi tadi elasi loxol çurk'alone mo.

5 Borc tadat'an q'azayinşbsuni s'iyen nu tadalo,

Taxsırsuzt'u taxsırkər c'evkseynak' rüşvət nu ext'alone mo.

Metər bakalt'uxun bələ ə̌xile tarak'on!