1 Ay Buxačux, bezi me buxačuxsuzt'oğoxun bakala əşlə Hun běğa,

Bezi taxsırsuz baksuna ç̌oyel c'evk'a.

Əfçiduğalxoxun q'a içoğoy ük' şəren buy bakalt'oğoxun çark'est'a za!

2 Bezi bač'an Hunnu, ay Buxačux!

Het'aynak'en zaxun ç̌o taradi?

Het'aynak' zu düşmənxoynak' axšumi ga baki ǒnek'a tarak'az?

3 Barta Vaxun eğala işiğen q'a

Vi seri əyitmoğonq'an za yaq' ak'est'i,

Barta za Vi ı̌vel buruğo taşeri Vi bakala ganuq'at'un eçeri.

4 Zuval Buxačuğoynak' q'urban eçala ganu,

Za mǔqt'ala, bez ç̌oya axšumdala Buxačuğoy t'ǒğǒlez eğon.

Vaynak' arfa farpi Vi s'iyaz alabon,

Ay Buxačux, ay bez Buxačux!

5 Het'aynak'en xə̌xə̌yesa, ay bez ük'?

Het'aynak'en q'ubarbsa?

Buxačuğost'a ak'a umudi ganu hun!

Vi Çark'est'al bakala, vi şükürbi İz s'iya alabala Buxačuğost'a!