1 Ay Buxačux, Hunnu bez Buxačux!

Bez ük'en Vane çuresa!

Q'aribaki oç̌al t'ǒp'k'ala k'inək' bez cicirxone t'ǒpě Vaynak',

Xesuz mandi bədən xeneynak' bok'ala k'inək'e boksa Vaynak' bez uruf!

2 Vi bakala ı̌vel gala Vi loxolez běğsay zu,

Vi kalaluğa, Vi zoraz aksay.

3 Mone, bez muzen Vane tərifləyinşbsa,

Şot'o görə ki, Vi nu badalbakala çuresun yəşəyinşaxunal üst'üne!

4 Bez ömüri axıral śirik' Va alxışp'oz zu,

Afırıpi Vi s'iya alaboz!

5 Tikoğoy ən şaat'o bez elmoğo taśi k'inək' bakale t'e vədə,

Bez ük' qayeğale, muzen mə̌ğpi Va tərifləyinşale!

6 Bask'i galal Vaz eyex bast'a,

Dirist' üşe Vi baradaz fikirbsa.

7 Bez kiyexun biq'alonu Hun,

Vi xojina baksunene mǔqst'a za.

8 Bez ük' Vaxun ğaç̌e,

Vi kula zaxun ten zap'e Hun.

9 Bez bisuna çureğalorox isə

Gərəmzəluğ bakalt'un!

10 Q'ılıncaxun p'uri

Aramt'orxoynak' yem bakalt'un şorox!

11 Ama padçağ Buxačuğoxun mǔqbakale,

Buxačuğo elask'alt'oğoyal bitot'in Şot'o alxışp'ale!

Əfçi əyitk'alxoy isə ǰomo gireğale!