1 Mone, arśene Buxačux göynul İz taxt'e loxol,

Divanbi q'ərare c'evksa Şot'in İz bel gireśit'oğoy běš:

2 «Hələ heq'ədər çurk'alnan düzgün nu bakalt'ay tərəf və̌n?

Divanbat'an bitot'ay loxol sa piin nu běği

Haq'suzt'u təmizə c'evksunaxun hevaxt' kul haq'alnan?

3 Bəsp'anan!

Eht'iyəci boş bakalt'ay q'a yetimi bač'ane çurpanan,

Kəsibi q'a fağıri əşlə düzgün běğanan!

4 Kəsibə q'a zəyift'u kul boxodanan,

Metərt'oğo pist'ay kiyexun çark'est'anan.

5 Efi avabakala şey butene,

Hik'k'al q'amiştenan və̌n!

Düzgün yaq' tene ef tağala yaq', bayinq'un yaq'e şo,

Oç̌ali binorane ǰı̌k'esa ef biq'ala əşurxoxun.

6 Düze, və̌x "buxačuxxonan" pizu, *82:6 İoan. 10:34

"Ala Arśit'ay t'ǒğǒl çurpes bakaloroxez" pi Zu və̌x.

7 Ama insani balinaxun sa fərg tene bakal efi,

Dünyəni kalaluğbalxo p'uri tağala k'inək' və̌nal p'uri tağalnan!»

8 Ay Buxačux, hayza me dünyəni əşlə běğa,

Vine bito me azuk'xo!