110
110-ci Ǐvel mə̌ğ
Davidi Ǐvel mə̌ğ. *110:0 Me Ǐvel mə̌ğə̌ śampit'in (bakes banekon me mə̌ğə̌ Daviden için təə, ama Davideynak' içeynak't'un śampe) "q'ončux bakalt'u" uk'at'an, Buxačuğoy israilluğoynak' c'ək'p'i padçağaxune əyite. Buxačuğon eçeri ən hörmətlu gala arśest'i padçağaxun. Şot'o görət'un bəzi alimxon fikirbsa ki, israilluğon me mə̌ğə̌ təzə padçağ laxat'ant'un mə̌ğěy. Ama İsusen me dünyəne harit'uxun oşa me mə̌ğě İz barada baksunal ak'esest'a. Me mə̌ğə̌ misal k'inək' eçeri İzi "t'e c'ək'eśi padçağ Davidaxunal" üst'ün baksunane ak'est'a (Mat'. 22:43-44; Mrk'. 12:36; Luk'. 20:42-43). Ap'ost'ol P'avelenal izi śampi "Ǐvel ap'ost'olxoy əşurxo" girke boş me barada śamene (Ap'ost'. 2:34-35). "Əbraniğoynak' namak'" girke boş isə me mə̌ğə̌ İsusi lap angelxoxunal üst'ün baksuna ak'est'eynak't'un misal eşt'a (Əbr. 1:13). Şot'o görəl bəzi muzin "bez q'ončux bakalt'u" ak'est'ala ganxo kala t'arurxone śamesa.
1 Q'ončuğon bez q'ončux bakalt'u pine:
«Zu vi düşmənxo vi turin oq'a sakamin
Bez yön tərəf, ən hörmətlu gala arśa». †110:1 Ef. 1:18-22; K'olos. 3:1; Əbr. 8:1-2; 10:12-13
2 Siona ‡110:2 Sion - Yerusalim şəhər Sion buruğoy loxole, şot'o görəl Sion Yerusalima tadeśi s'iyurxoxun soğoney. arśi kalaluğbalnu hun bito oç̌alxoy loxol,
Düşmənxoy loxol kalo laxale va Q'ončuğon.
3 Vi bač'ane çurk'ale vi azuk' davina c'eğala ğine,
İçoğoynak' ı̌vel bakala davin paltara lapi
Vaxun sagala düşməni loxol taysun bakale şot'oğoy çureğalo.
Zor eğale vi kiyelal hər t'e cəyilxo ak'at'an,
Təzələyinşakalnu hun hər savaxt'an təzələyinşakala xo k'inək'.
 
4 "Hun Melk'isedek'allarik' həmişəluğ bakala samci běyinšnu" pine elasp'e Q'ončuğon,
İz pi əyiti loxol çurk'alone Şo." §110:4 Burq. 14:17-20; Əbr. 5:6,9-10; 6:20; 7:17,21
 
5 Vi kiyexun biq'ale Q'ončuğon,
K'as'p'i śik'ale padçağxo
İzi əcuğoy k'ə baksuna ak'est'ala ğine.
6 Divanbi zapest'ale azuk'xo içoğoy cazina,
Şot'oğoy meyidxo bakale oç̌alen sa,
Č'ak'k'ale me dünyəne içoğoy əyit c'ovakalt'oğoy bula!
7 Xe ǔğə̌le iz yaq'e loxol bakala orayinxoxun,
İz bul ala, tik çurk'ale bitot'ay běš.

*^ 110:0 Me Ǐvel mə̌ğə̌ śampit'in (bakes banekon me mə̌ğə̌ Daviden için təə, ama Davideynak' içeynak't'un śampe) "q'ončux bakalt'u" uk'at'an, Buxačuğoy israilluğoynak' c'ək'p'i padçağaxune əyite. Buxačuğon eçeri ən hörmətlu gala arśest'i padçağaxun. Şot'o görət'un bəzi alimxon fikirbsa ki, israilluğon me mə̌ğə̌ təzə padçağ laxat'ant'un mə̌ğěy. Ama İsusen me dünyəne harit'uxun oşa me mə̌ğě İz barada baksunal ak'esest'a. Me mə̌ğə̌ misal k'inək' eçeri İzi "t'e c'ək'eśi padçağ Davidaxunal" üst'ün baksunane ak'est'a (Mat'. 22:43-44; Mrk'. 12:36; Luk'. 20:42-43). Ap'ost'ol P'avelenal izi śampi "Ǐvel ap'ost'olxoy əşurxo" girke boş me barada śamene (Ap'ost'. 2:34-35). "Əbraniğoynak' namak'" girke boş isə me mə̌ğə̌ İsusi lap angelxoxunal üst'ün baksuna ak'est'eynak't'un misal eşt'a (Əbr. 1:13). Şot'o görəl bəzi muzin "bez q'ončux bakalt'u" ak'est'ala ganxo kala t'arurxone śamesa.

†110:1 110:1 Ef. 1:18-22; K'olos. 3:1; Əbr. 8:1-2; 10:12-13

‡110:2 110:2 Sion - Yerusalim şəhər Sion buruğoy loxole, şot'o görəl Sion Yerusalima tadeśi s'iyurxoxun soğoney.

§110:4 110:4 Burq. 14:17-20; Əbr. 5:6,9-10; 6:20; 7:17,21

© 2020 WBT