1 İsrailluyox Misirəxun c'eğat'an,

İak'ovaxun baki nəsil izi q'əribluğ zap'k'ala oç̌alxoxun cöybakat'an *114:1 C'eys. 12:51

2 Q'ončuğonİudeyina İz ı̌vel gane bi,

İsraila padçağe baki Şo.

3 Dənizi xene q'aribaki,

İordan oqe zap'eśi mot'o ak'at'an. †114:3 C'eys. 14:10-22; Yeş. 3:7-17

4 Buruxmuxe irapi eğelxo irap'k'ala k'inək',

Təpooxe cupi-biti q'uziyox cupi-bitala k'inək'.

5 K'ə baki va, ay dəniz, het'aynak'en q'aribaki?

K'ə baki va, ay İordan, het'aynak'en zap'eśi?

6 Het'aynak'nan irapi, ay buruxmux, eğelxo irap'k'ala k'inək'?

Het'aynak'nan cupi-bit'i, ay təpoox, q'uziyox cupi-bitala k'inək'?

7 Q'ı̌yexun t'ut'upa Q'ončuğoy běš,

İak'ovi Buxačuğoy běš, ay oç̌al!

8 Q'ayana gölə,

J̌ěna isə ǰalpi c'eğala orayina c'urevk'alone Şo.