131
131-ci Ǐvel mə̌ğ
Sion buruğoy bel bakala Yerusalima lağat'an mə̌ğěğala Davidi Ǐvel mə̌ğ
1 Zaxun irəzi amdar tezu zu, ay Q'ončux,
Bitot'ay loxol alaxun oq'a běğalt'oğoxun tezu.
Nə bez başarbalt'uxun avuzt'uz tamaxp'e,
Nəəl bez zor nu ayeğala əşləz kul boxode zu.
2 Ama bez səsə bot'i tura ləyifə görəz boxodi,
Döşəxun bot'baki əylen
Ene dim nanay q'ujel nu baksuna q'amişakala sa əyel k'inək'.
3 Ay israilluyox, Q'ončuğo umudbakanan,
Həysəəl, meyin oşa həmişəəl!