87
Gway gi iya/ ma Guurah. A’di ta gway jin yuḵu mo.
1 E ’kuwosha turga/ jin ḵogu mo jin doshki’d mo jin ta ’peŋkuman bampam piti jin ḵa’bki’d mo.
2 Tap̱a a’di enki ’twaŋkala goŋ ma Sihyuun mo,
mmobola ris mo jin ’konu e pa ma Yakuub e mo.
3 To gi monyca a’di ṯorkunuwa ṯor gom /e mo,
ayy ’peŋkuman bampa/ ma Arumgimis mo.
Doshi ma dhali ’cunycuri yan mo.
4 E bwaman uni gwansan kun mishki aha/ mo tani aha/ ṯorkina aRahab eya tente/ mo dhali Pam Baabil mo.
Hili mo mo ma, ’Kwani gi Pam P̱alasthiin dhali ’Kwani gi Pan Sur nyaḵki ’Kwani gi Paŋ Gale/ mo.
Uni o gwo mo ki: Jan ’de/ yan dho’thkunu e mun mo.
5 Dhali goma Sihyuun mo tani a’di minu o gwo ciki:
Jan ’de/ yan dhali jan ’de/ c̱aan dho’thkunu eya yim mo.
Haali/ a’di jin Caa e ki Ca ki is piti midi ṯela yim sho’k mo.
6 Tap̱a midi deŋa deŋ e mo me’d jin ’kwarkina a’di gway gi ’kwani mo ki:
A’di ’de/ yan dho’thkunu imun mo.
Doshi ma dhali ’cunycuri yan mo.
7 Imanyuḵ gway dhali imansa gara/ o gwo mo ki:
Aris mo jin kasha yi’dem pem e mo tani uni ’kon e /e mo.