24
Dawut kahinlarni nöwet-guruppilargha bölidu
1 Harun ewladlirining nöwetchilikke bölünüshi töwendikiche: Harunning oghli Nadab, Abihu, Eliazar we Itamar. 2 Nadab bilen Abihu atisidin burun ölüp ketken hem perzent körmigenidi; shunga Eliazar bilen Itamar kahinliqni tutatti. 3 Dawut we Eliazarning ewladliridin Zadok we Itamarning ewladliridin Aximelek ularning qérindashlirini guruppilargha bölüp, wezipisi boyiche ishqa qoydi; 4 Eliazarning ewladliridin jemet béshi bolghanlar Itamarning ewladliridin jemet béshi bolghanlardin köp ikenlikini bilip, ularni shuninggha asasen ayrip nöwet-guruppilargha böldi. Eliazarning ewladliridin jemet béshi bolghanlar on alte kishi idi, Itamarning ewladliridin jemet béshi bolghanlar sekkiz kishi idi; 5 ular chek tashlash yoli bilen tengshep nöwet-guruppilargha bölündi. Shundaq qilip muqeddesxanidiki ishlargha mes’ul bolghanlar we Xudaning aldidiki ishlargha mes’ul bolghanlar hem Eliazarning ewladliridinmu hem Itamarning ewladliridinmu boldi. □«muqeddesxanidiki ishlargha mes’ul bolghanlar» — belkim ibadetxanidiki ishlarni körsitidu; «Xudaning aldidiki ishlargha mes’ul bolghanlar» bolsa belkim sot-soraq ishlirigha mes’ul idi. Eliazar we Itamar dégen ikki jemettin ikki xil wezipini üstige alghanlar bar idi. 6 Lawiy Netanelning oghli Shémaya katip bolsa padishah, emeldarlar, kahin Zadok, Abiyatarning oghli Aximelek, shundaqla kahinlarning we Lawiylarning jemet bashliqliri aldida ularning ismini pütüp qoydi. Eliazarning ewladliri ichidin bir jemet tallandi, andin Itamarning ewladliri ichidinmu bir jemet tallandi.
7 Birinchi chek Yehoyaribqa, ikkinchi chek Yedayagha, 8 üchinchi chek Harimgha, tötinchi chek Séorimgha, 9 beshinchi chek Malkiyagha, altinchi chek Miyamin’gha, 10 yettinchi chek Hakkozgha, sekkizinchi chek Abiyagha, 11 toqquzinchi chek Yeshuagha, oninchi chek Shékaniyagha, 12 on birinchi chek Eliyashibqa, on ikkinchi chek Yakimgha, 13 on üchinchi chek Huppagha, on tötinchi chek Yeshebiabqa, 14 on beshinchi chek Bilgahqa, on altinchi chek Immerge, 15 on yettinchi chek Hézirgha, on sekkizinchi chek Happizezge, 16 on toqquzinchi chek Pitahiyagha, yigirminchi chek Yehezkelge, □«Yehezkel» — Ezakiyal dégen ismining bashqa bir shekli. 17 yigirme birinchi chek Yaqin’gha, yigirme ikkinchi chek Gamulgha, 18 yigirme üchinchi chek Délayagha, yigirme tötinchi chek Maaziyagha chiqti. 19 Mana bu ularning xizmet tertipi; bu Israilning Xudasi Perwerdigar ularning atisi Harunning wastisi bilen buyrughan nizam boyiche, Perwerdigarning öyige kirish nöwiti idi.
Lawiyning bashqa ewladlirining wezipisi
20 Lawiyning qalghan ewladliri munular: Amramning ewladliridin Shubayel; Shubayelning ewladliri ichide Yehdéya bar idi. 21 Rehabiyagha kelsek, uning oghulliri, jümlidin tunji oghli Yishiya bar idi. 22 Izharning oghulliri ichide Shélomot; Shélomotning oghulliri ichide Jahat bar idi. 23 Hébronning oghulliri: tunji oghli Yeriya, ikkinchisi Amariya, üchinchisi Yahaziyel, tötinchisi Jekamiyam idi. □«Hébronning oghulliri» — bezi kona köchürmilerde peqet «uning oghulliri» déyilidu. Lékin 23:19ni körüng. 24 Uzziyelning oghulliri: Mikah; Mikahning oghulliridin Shamir bar idi. 25 Mikahning inisi Isshiya idi; Yisshiyaning oghulliri ichide Zekeriya bar idi. 26 Merarining oghulliri: Mahli we Mushi; Yaaziyaning oghli Béno idi. □«Merarining oghulliri: Mahli we Mushi; Yaaziyaning oghli Béno idi» — bu ayetning bashqa birnechche xil terjimiliri bar. 27 Merarining oghli Yaaziyadin bolghan ewladliri Béno, Shoham, Zakkur we Ibri bar idi. 28 Mahlining oghli Eliazar idi; Eliazarning oghli yoq idi. 29 Kishke kelsek, uning oghulliri ichide Yerahmiyel bar idi. 30 Mushining oghulliri Mahli, Éder we Yerimot idi. Yuqiriqilarning hemmisi Lawiyning ewladliri bolup, jemetliri boyiche pütülgenidi. 31 Ularmu ularning qérindashliri Harunning ewladlirigha oxshash, Dawut padishah, Zadok, Aximelek we shuningdek kahinlar we Lawiylarning jemet bashliqlirining aldida chek tartti; herqaysi jemet bashliri we ularning tughqanliridin eng kichiklirimu oxshashla chek tartti.□«Ularmu ularning qérindashliri Harunning ewladlirigha oxshash,... herqaysi jemet bashliri we ularning tughqanliridin eng kichiklirimu oxshashla chek tartti.» — mushu qalghan Lawiylarning néme wezipiliri barliqi mushu yerde éniq éytilmaydu.
□24:5 «muqeddesxanidiki ishlargha mes’ul bolghanlar» — belkim ibadetxanidiki ishlarni körsitidu; «Xudaning aldidiki ishlargha mes’ul bolghanlar» bolsa belkim sot-soraq ishlirigha mes’ul idi. Eliazar we Itamar dégen ikki jemettin ikki xil wezipini üstige alghanlar bar idi.
□24:16 «Yehezkel» — Ezakiyal dégen ismining bashqa bir shekli.
□24:23 «Hébronning oghulliri» — bezi kona köchürmilerde peqet «uning oghulliri» déyilidu. Lékin 23:19ni körüng.
□24:26 «Merarining oghulliri: Mahli we Mushi; Yaaziyaning oghli Béno idi» — bu ayetning bashqa birnechche xil terjimiliri bar.
□24:31 «Ularmu ularning qérindashliri Harunning ewladlirigha oxshash,... herqaysi jemet bashliri we ularning tughqanliridin eng kichiklirimu oxshashla chek tartti.» — mushu qalghan Lawiylarning néme wezipiliri barliqi mushu yerde éniq éytilmaydu.