3
Yehuda-Yérusalémning qebihlikige chüshidighan jaza
1 Chünki, qara! Samawi qoshunlarning Serdari bolghan Reb Perwerdigar,
Yérusalém we Yehudagha quwwet we yölenchük bolghan barliq nersilerni yoq qilidu,
— Yeni quwwet bolghan pütkül ash-nan,
2 Palwan we leshker,
Sotchi we peyghember,
Palchi we aqsaqal,
3 Ellik béshi, mötiwer we meslihetchi,
Hünerwen ustilar we jadu qilghuchilarni yoq qilidu.
4 — «Ularning ornigha yashlarni emeldar qilimen,
Betxuy balilar ularning üstidin idare qilidu.
5 Puqralar bir-birini ézidu,
Herbiri qoshnisi teripidin ézilidu;
Balilar qérilargha,
Muttehemler mötiwerlerge edepsizlik qilidu;
6-7 Shu küni birsi ata jemetidiki qérindishini tutuwélip, uninggha: —
«Sizning kiyim-kéchikingiz bar; bizge yétekchi bolung, bu xarabiler qolingiz astida bolsun», — deydu;
U jawaben qolini kötürüp qesem ichip: «Derdinglargha derman bolalmaymen;
Öyümdimu ya ash-nan ya kiyim-kéchek yoq;
Méni xelqqe yétekchi qilmanglar!» — deydu.
8 Chünki Yérusalém putlishidu-chüshkünlishidu,
Yehuda bolsa yiqilidu;
Sewebi, ularning tili we illetliri Perwerdigargha qarshi chiqip,
Sherep Igisining közliri aldida isyankarliq qildi.□«...Yérusalém putlishidu-chüshkünlishidu...» — yaki «...Yérusalém xarab qilinidu».
9 Ularning chirayi özlirige qarshi guwahliq béridu;
Ular Sodom shehiridek gunahini héch yoshurmay,
Ochuq-ashkara jakarlaydu.
Ularning jénigha way! Ular yamanliqni öz béshigha chüshürgen!
10 Heqqaniylargha éytqinki,
Ular aman-ésenlikte turidu,
Ular öz emllirining méwisini yeydu;
11 Rezillerge way! Béshigha yamanliq chüshidu,
Chünki öz qoli bilen qilghanliri özige yanidu.
12 Méning xelqimde bolsa, balilar ularni xar qilidu,
Ayallar ularni idare qilidu;
I xelqim! Silerni yéteklewatqanlar silerni azduridu,
Ular mangidighan yolliringlarni yoq qilidu.□«balilar ularni xar qilidu, ayallar ularni idare qilidu» — mushu yerde, Yeshaya belkim ularning padishahining baliliq qilidighanliqi, öz ayalliri we kénezekliri teripidin kontrol qilinidighanliqini körsetmekchi.
13 Perwerdigar Öz dewasini sorashqa orun alidu,
Xelq-milletler üstidin höküm chiqirishqa öre turidu;
14 Perwerdigar Öz xelqining aqsaqalliri we emirliri bilen dewaliship, ulargha: — Üzümzarni yep tügetkenler siler özünglar,
Ajiz möminlerdin alghan olja öyünglarda yatidu, deydu.
15 — Silerning xelqimni ashundaq ézip,
Ajiz möminlerning yüzlirige dessep zadi néme qilghininglar? — deydu samawi qoshunlarning Serdari bolghan Reb Perwerdigar.
Yérusalémdiki «moda qoghlishidighan» tekebbur qiz-ayallargha chüshidighan jaza
16 Perwerdigar yene mundaq dédi: —
«Zion qiz-ayalliri tekebburluq qilip,
Qash-kirpiklirini süzüp,
Közlirini oynitip, naz qilip taytangliship,
Putlirini jildirlitip méngip yürishidu;
17 Shunga Reb Zion qiz-ayallirining bash choqqilirini taz qilidu,
Perwerdigar ularning uyat yerlirini échiwétidu». □«Perwerdigar ularning uyat yerlirini échiwétidu» — yaki «Perwerdigar ularning chékisini paxshek qilidu».
18 Ashu küni Reb ularni güzellikidin mehrum qilidu;
— Ularning oshuq jildiraqlirini,
Bash jiyeklirini, ay shekillik marjanlirini,
19 Halqilirini, bilezüklirini, chümperde-chachwanlirini,□«chachwan» — birxil chümperde, niqab.
20 Romallirini, oshuq zenjirlirini, potilirini, etirdanlirini, tiltumarlirini,
21 Üzüklirini, burun halqilirini,
22 Héytliq tonlirini, yopuqlirini, pürkenjilirini, hemyanlirini,
23 Eyneklirini, ap’aq ich köyneklirini, sellilirini we tor perdilirining hemmisini élip tashlaydu.
24 Emdi shundaq boliduki,
Etir puriqining ornigha betbuyluq;
Potining ornida arghamcha,
Chirayliq yasighan chachlirining ornida taz béshi,
Kélishken tonning ornida böz rextler,
Güzellikining ornida daghmal tamghisi bolidu.
25 Séning yigitliring qilichlinip,
Baturliring jengde yiqilidu.
26 Zionning qowuqliri zar kötürüp matem tutidu;
U yalingachlan’ghan halda yerge olturup qalidu.
□3:1 «quwwet» we «yölenchük» — bu ikki söz ibraniy tilida adette «tayaq» yaki «hasa»ni bildüridu. Mumkinchiliki barki, qedimki zamanlarda Yehudiy xelqi öz nanlirini bir hasida (zixta tizilghandek) kötürüp mangatti. Undaq bolsa bu sözler ikki bisliq bolup, hem mushu «tayaqlar» hem «quwwet-yölenchük»lerni teng körsitidu.
□3:8 «...Yérusalém putlishidu-chüshkünlishidu...» — yaki «...Yérusalém xarab qilinidu».
□3:12 «balilar ularni xar qilidu, ayallar ularni idare qilidu» — mushu yerde, Yeshaya belkim ularning padishahining baliliq qilidighanliqi, öz ayalliri we kénezekliri teripidin kontrol qilinidighanliqini körsetmekchi.
□3:17 «Perwerdigar ularning uyat yerlirini échiwétidu» — yaki «Perwerdigar ularning chékisini paxshek qilidu».
□3:19 «chachwan» — birxil chümperde, niqab.