17
17-küy •••• Tekebburlarning bésimidin qutquzghaysen!
1 Dawutning duasi: —
Heqqaniy telepni angla, i Perwerdigar, méning nidayimgha köngül qoyghin;
Méning duayimgha qulaq salghin,
U yalghanchi lewlerdin chiqqan emes.
2 Huzurungdin hökümüm chiqirilghay!
Közüng néme durus ikenlikini perq etkey!
3 Sen méning qelbimni sinighansen,
Sen kéchidimu manga yéqinliship közetting;
Sen méni tawlap közüngdin kechürdingsen,
Méningdin héchbir sewenlik tapalmiding;
Könglümde: Aghzim itaetsizlik qilmisun! — dep niyet qildim.
4 Adem balilirining hayattiki ishlirida,
Lewliringdin chiqqan sözler bilen zorawanlarning yolliridin özümni néri qildim.
5 Méning qedemlirim yolliringdin chiqmighan,
Putlirim téyilip ketmigen.
6 Men Sanga iltija qildim,
Chünki tileklirimni ijabet qilisen, i Tengrim;
Manga qulaq salghin,
Sözlirimni anglighin.
7 I, Özüngge tayan’ghanlarni qarshi chiqquchilardin ong qolung bilen Qutquzghuchi,
Karametliringni körsitip, özgermes muhebbitingni ayan qilghaysen!□«özgermes muhebbitingni ayan qilghaysen!» — «özgermes muhebbiting» eslide köplük sheklide «özgermes muhebbitinglar».
8 Méni köz qarichuqungdek saqlighaysen;
Qanatliring sayiside méni yoshurghaysen;
9 Méni bulimaqchi bolghan rezil ademlerdin,
Méni qorshiwalghan esheddiy küshendilirimdin yoshurghin;
10 Ularning baghrini may qaplap, qétip ketken;
Ularning éghizliri tekebburlarche sözleydu;□«Ularning baghrini may qaplap, qétip ketken...» — bu ibare ularning intayin tekebburluqi, bashqilargha héch köngül bölmeydighanliqi, ularni közge ilmaydighanliqini körsitidu.
11 Ular yolimizni toriwélip,
Bizni yerge urushqa közini alaytip, □«Bizni yerge urushqa közini alaytip,...» — yaki «Méni yerge urushqa közini alaytip,...».
12 Oljigha ach közlük bilen tikilgen shirdek,
Yoshurun jaylarda marap yüridighan yash shirdektur.
13 Ornungdin turghaysen, i Perwerdigar,
Uning yolini tosup, yer bilen yeksan qilghaysen,
Jénimni rezil ademdin qutquzghin, qiliching bilen;
14 Méni Öz qolung bilen kishilerdin,
Yeni mushu dewrdiki kishilerdin qutquzghin;
Ularning nésiwisi bolsa mushu dunyadiladur;
Sen ularning qarnini németliring bilen toldurisen;
Ularning köngli perzentliri bilen qandi,
Balilirigha bayliqlirini qalduridu.
15 Men bolsam, heqqaniyliqta yüzüngge qarighuchi bolimen;
Oyghan’ghinimda, Séning didaringdin söyünimen!□«...Oyghan’ghinimda, Séning didaringdin söyünimen!» — «oyghan’ghinimda» ölümdin oyghinip, tirilgende, démek.
□17:7 «özgermes muhebbitingni ayan qilghaysen!» — «özgermes muhebbiting» eslide köplük sheklide «özgermes muhebbitinglar».
□17:10 «Ularning baghrini may qaplap, qétip ketken...» — bu ibare ularning intayin tekebburluqi, bashqilargha héch köngül bölmeydighanliqi, ularni közge ilmaydighanliqini körsitidu.
□17:11 «Bizni yerge urushqa közini alaytip,...» — yaki «Méni yerge urushqa közini alaytip,...».
□17:15 «...Oyghan’ghinimda, Séning didaringdin söyünimen!» — «oyghan’ghinimda» ölümdin oyghinip, tirilgende, démek.