61
61-küy •••• «Mendin yuqiri Qoram Tash»
1 Neghmichilerning béshigha tapshurulup, tarliq sazlar bilen oqulsun dep Dawut yazghan küy: —
I Xuda, peryadimni anglighaysen;
Duayimgha qulaq salghaysen!
2 Yerning chet-chetliride turup,
Yürikim zeipliship ketkende,
Men Sanga murajiet qilimen: —
Sen méni özümdin yuqiri Qoram Tashqa yétekleysen! □«Men özümdindin yuqiri Qoram Tash» — Xudani körsitidu, elwette. «Mendin yuqiri» dégen ibare belkim Dawutning gerche padishah bolsimu, «Özümni nahayiti üstün, qabiletlik adem hésablimaymen, herdaim Xudadin yol sorishim kérek» dégendek, hemmimizni kichik péilliq bolushqa, ündeydu.
3 Chünki Sen manga panahgah,
Düshminim aldida mustehkem munar bolup kelgensen.
4 Men chédiringni menggülük turalghum qilimen;
Qanatliring sayiside panah tapimen.
Sélah.
5 Chünki Sen, i Xuda, qesemlirimni angliding;
Özüngdin eyminidighanlargha tewe mirasni mangimu berdingsen.□«Özüngdin eyminidighanlargha tewe miras...» — ibraniy tilida «Namingdin eyminidighanlargha tewe miras...».
6 Padishahning künlirige kün qoshup uzartisen;
Uning yilliri dewrdin-dewrgiche bolidu.□«Padishahning künlirige kün qoshup uzartisen; uning yilliri dewrdin-dewrgiche bolidu» — Dawut özi Israilgha padishah bolup qiriq yil höküm sürgen. Shübhisizki, u bu yerde öz ewladi bolidighan Qutquzghuchi-Mesih toghruluq bésharet béridu.
7 U Xudaning aldida menggü höküm süridu;
Uni aman saqlashqa muhebbet we heqiqetni békitip teminligeysen;
8 Shuning bilen aldingda ichken qesemlirimge her küni emel qilimen;
Men namingni menggü küyleymen!
□61:2 «Men özümdindin yuqiri Qoram Tash» — Xudani körsitidu, elwette. «Mendin yuqiri» dégen ibare belkim Dawutning gerche padishah bolsimu, «Özümni nahayiti üstün, qabiletlik adem hésablimaymen, herdaim Xudadin yol sorishim kérek» dégendek, hemmimizni kichik péilliq bolushqa, ündeydu.
□61:5 «Özüngdin eyminidighanlargha tewe miras...» — ibraniy tilida «Namingdin eyminidighanlargha tewe miras...».
□61:6 «Padishahning künlirige kün qoshup uzartisen; uning yilliri dewrdin-dewrgiche bolidu» — Dawut özi Israilgha padishah bolup qiriq yil höküm sürgen. Shübhisizki, u bu yerde öz ewladi bolidighan Qutquzghuchi-Mesih toghruluq bésharet béridu.