64
64-küy •••• Amanliq tilesh duasi
1 Neghmichilerning béshigha tapshurulup oqulsun dep, Dawut yazghan küy: —
I Xuda, ahlirimni kötürgende, méni anglighaysen!
Hayatimni düshmenning wehshilikidin qughdighaysen!
2 Qara niyetlerning yoshurun suyiqestliridin,
Yamanliq eyligüchi qagha-quzghunlardin aman qilghaysen.
3-4 Ular tillirini qilichtek ötkür bilidi;
Mukemmel ademni yoshurun jaydin étish üchün,
Ular oqini betligendek zeherlik sözini teyyarlidi.
Ular qilche eymenmey tuyuqsiz oq chiqiridu.
5 Ular betniyette bir-birini righbetlendürüp,
Yoshurun tuzaq qurushni meslihetliship,
«Bizni kim köreleytti?» — déyishmekte.
6 Ular qebihlikke intilip: —
«Biz izdinip, etrapliq bir tedbir tépip chiqtuq!» — deydu;
Insanning ich-baghri we qelbi derweqe chongqur we bilip bolmas bir nersidur!
7 Lékin Xuda ulargha oq atidu;
Ular tuyuqsiz zeximlinidu.
8 Ular öz tili bilen putlishidu;
Ularni körgenlerning hemmisi özini néri tartidu.□«Ularni körgenlerning hemmisi özini néri tartidu» — bashqa birxil terjimisi «ularni körgenlerning hemmisi béshini silkiydu».
9 Hemme ademni qorqunch basidu;
Ular Xudaning ishlirini bayan qilidu,
Berheq, ular uning qilghanlirini oylinip sawaq alidu.
10 Heqqaniylar Perwerdigarda xushal bolup,
Uninggha tayinidu;
Köngli durus ademler rohlinip shadlinidu.
□64:8 «Ularni körgenlerning hemmisi özini néri tartidu» — bashqa birxil terjimisi «ularni körgenlerning hemmisi béshini silkiydu».