2
Dawut Mǝsiⱨ ⱪilinip padixaⱨ bolidu
1 Andin keyin Dawut Pǝrwǝrdigardin yol sorap: Yǝⱨuda xǝⱨǝrlirining birigǝ qiⱪaymu? dedi; Pǝrwǝrdigar uningƣa: — Qiⱪⱪin, dedi. Dawut, nǝgǝ qiⱪay? — dǝp soriwidi, U: Ⱨebronƣa qiⱪⱪin — dedi.
2 Xuning bilǝn Dawut ikki ayali bilǝn, yǝni Yizrǝǝllik Aⱨinoam wǝ ǝsli Karmǝllik Nabalning ayali bolƣan Abigail bilǝn u yǝrgǝ qiⱪti. 3 Dawut uning bilǝn birgǝ bolƣan adǝmlǝrning ⱨǝrbirini ⱨǝm ularning ⱨǝrbiri ɵz ɵyidikilǝrni u yǝrgǝ elip qiⱪti; ular Ⱨebronning xǝⱨǝrliridǝ olturaⱪlaxti. 4 Yǝⱨudaning adǝmlirimu u yǝrgǝ kelip Dawutni Yǝⱨuda jǝmǝtigǝ padixaⱨ boluxⱪa mǝsiⱨ ⱪildi. Dawutⱪa Saulni dǝpnǝ ⱪilƣanlar Yabǝx-Gileadtikilǝr, dǝp hǝwǝr berildi; 5 Dawut Yabǝx-Gileadtikilǝrgǝ ǝlqilǝr ǝwǝtip ularƣa: — «Ƣojanglar bolƣan Saulƣa xundaⱪ yahxiliⱪ ⱪilip, uni dǝpnǝ ⱪilƣininglar üqün Pǝrwǝrdigar silǝrgǝ bǝht-bǝrikǝt ata ⱪilƣay. 6 Pǝrwǝrdigar silǝrgimu meⱨribanliⱪ wǝ ɵz wapaliⱪini kɵrsǝtkǝy; silǝr bundaⱪ ⱪilƣininglar üqün mǝnmu bu yahxiliⱪinglarni silǝrgǝ ⱪayturimǝn. 7 Əmdi ⱨazir ƣǝyrǝtlik bolunglar; qünki ƣojanglar Saul ɵldi, Yǝⱨuda jǝmǝti meni mǝsiⱨ ⱪilip, ɵzlirigǝ padixaⱨ ⱪildi» — dǝp hǝwǝr yǝtküzdi.
Dawutning ⱪoxuni Saulning ⱪoxuni bilǝn soⱪuxidu
8 Əmma Saulning ⱪoxunining sǝrdari Nǝrning oƣli Abnǝr Saulning uƣli Ixboxǝtni Maⱨanaimƣa elip berip, 9 uni Gileadⱪa, Gǝxuriylarƣa, Yizrǝǝlgǝ, Əfraimƣa, Binyaminƣa wǝ xundaⱪla pütkül Israilƣa padixaⱨ ⱪildi. □«Gǝxuriylarƣa» — yaki «Axurlar (Asuriyǝliklǝr)». «...pütkül Israilƣa padixaⱨ ⱪildi» — muxu yǝrdǝ «pütkül Israil» asasǝn Israilning ximaliy wǝ xǝrⱪiy tǝrǝpliri, yǝni on bir ⱪǝbilini kɵrsitidu. Dawut bolsa Yǝⱨuda ⱪǝbilisigǝ padixaⱨ boldi. 10 Saulning oƣli Ixboxǝt padixaⱨ bolƣanda ⱪiriⱪ yaxⱪa kirgǝnidi. U Israilning üstidǝ ikki yil sǝltǝnǝt ⱪildi. Ⱨalbuki, Yǝⱨuda jǝmǝti Dawutⱪa ǝgixǝtti. 11 Dawutning Ⱨebronda Yǝⱨuda jǝmǝti üstidǝ sǝltǝnǝt ⱪilƣan waⱪti yǝttǝ yil altǝ ay boldi.■2Sam. 5:5; 1Pad. 2:11
12 Bir küni Nǝrning oƣli Abnǝr Saulning oƣli Ixboxǝtning adǝmliri bilǝn Maⱨanaimdin qiⱪip Gibeonƣa bardi. □«Ixboxǝtning adǝmliri» — ibraniy tilida «Ixboxǝtning hizmǝtkarliri» — muxu yǝrdǝ xübⱨisizki, ǝskǝrlirini kɵrsitidu. 13 Xu qaƣda Zǝruiyaning oƣli Yoab bilǝn Dawutning adǝmliri qiⱪip ular bilǝn Gibeondiki kɵlning yenida uqraxti. Ulardin bir tǝrǝp kɵlning u yeⱪida, yǝnǝ bir tǝrǝp kɵlning bu yeⱪida olturdi. 14 Abnǝr Yoabⱪa: Yigitlǝr ⱪopup aldimizda elixip oynisun — dedi. Yoab: Ⱪopsun — dedi.□«Yigitlǝr ⱪopup aldimizda elixip oynisun» — ǝmǝliyǝttǝ bolsa bu «oyun» ǝmǝs, bǝlki musabiⱪǝ harakteridiki soⱪuxux. Ikki tǝrǝptin bǝlgilǝngǝn adǝmlǝr otturiƣa qiⱪidu, bir tǝrǝp ⱪarxi tǝrǝpning adimini pütünlǝy yatⱪuzuwǝtsǝ, xu tǝrǝp ƣǝlibǝ ⱪilƣan bolup «oyun» ahirlixidu. Lekin bu ⱪetim bir tǝrǝp eniⱪ ƣǝlibǝ ⱪilmiƣan bolƣaqⱪa, «oyun» ahir berip ikki ⱪoxunning qong soⱪuxiƣa aylandi.
15 Ular bekitilgǝn san boyiqǝ Binyamin bilǝn Saulning oƣli Ixboxǝt tǝrǝptin on ikki kixi wǝ Dawutning adǝmliridin on ikki kixi qiⱪip otturiƣa ɵtti. 16 Ular bir-birining bexini ⱪamallap tutup ⱨǝrbiri rǝⱪibining biⱪiniƣa ⱪiliqi bilǝn sanjixti, ⱨǝmmisi yiⱪilip ɵldi. Xuning bilǝn u yǝr «Ⱪiliq bislirining etizi» dǝp ataldi; u Gibeondidur.□«Ⱪiliq bislirining etizi» — yaki «qaⱪmaⱪ taxliri etizi». Ibraniy tilida: «Ⱨǝlⱪut-Ⱨazzurim».
17 U kündiki bolƣan soⱪuxux intayin ǝxǝddiy boldi; Abnǝr bilǝn Israilning adǝmliri Dawutning adǝmliri tǝripidin mǝƣlup ⱪilindi.
18 Xu yǝrdǝ Zǝruiyaning oƣulliri Yoab, Abixay wǝ Asaⱨǝl degǝn üqǝylǝn bar idi. Asaⱨǝl huddi daladiki jǝrǝndǝk qaⱪⱪan idi. 19 Asaⱨǝl Abnǝrning kǝyidin ⱪoƣlap yügürdi; Abnǝrgǝ ǝgixip ongƣa yaki solƣa burulmay tap besip ⱪoƣlidi. 20 Abnǝr kǝynigǝ ⱪarap: Sǝn Asaⱨǝlmusǝn? — dǝp soridi. U: — Xundaⱪ, mǝn xu, dǝp jawab bǝrdi.
21 Abnǝr uningƣa: Ya ongƣa ya solƣa burulup yigitlǝrning birigǝ ⱨujum ⱪilip uning yariƣini ɵzünggǝ tartiwalƣin, dedi. Lekin Asaⱨǝl uni ⱪoƣlaxtin buruluxⱪa unimidi.
22 Abnǝr Asaⱨǝlgǝ yǝnǝ: Meni ǝmdi ⱪoƣlimay burulup kǝtkin; mǝn seni nemǝ dǝp urup yiⱪitⱪudǝkmǝn? Undaⱪ ⱪilsam akang Yoabning aldida ⱪandaⱪmu yüzümni kɵtürülǝymǝn? — dedi. □«mǝn seni nemǝ dǝp urup yiⱪitⱪudǝkmǝn» — muxu yǝrdǝ «urup yiⱪitix» ɵltürüxni bildüridu.
23 Lekin Asaⱨǝl yǝnila ⱪoƣlaxtin tohtimidi; xuning bilǝn Abnǝr nǝyzisining tutⱪuqini uning ⱪorsiⱪiƣa tiⱪiwǝtti. Nǝyzǝ dümbisini tixip qiⱪti; u xu yǝrdǝ yiⱪilip ɵldi. Xundaⱪ boldiki, Asaⱨǝl yiⱪilip ɵlgǝn yǝrgǝ ⱨazir kelidiƣan ⱨǝrbir kixilǝr u yǝrdǝ tohtap ⱪalidu.□«Asaⱨǝl ... ɵlgǝn yǝrgǝ ⱨazir kelidiƣan ⱨǝrbir kixilǝr u yǝrdǝ tohtap ⱪalidu» — demǝk, Asaⱨǝlning ⱨɵrimiti üqün tohtaydu. Baxⱪa birhil tǝrjimisi: «Asaⱨǝl yiⱪilip ɵlgǝn yǝrgǝ kǝlgǝn ⱨǝrbir kixilǝr u yǝrdǝ tohtap ⱪaldi».
24 Xuning bilǝn Yoab bilǝn Abixay Abnǝrni ⱪoƣlaxti. Kün patⱪanda ular Gibeonning qɵligǝ mangidiƣan yolning boyiƣa, Giaⱨ yezisining udulidiki Ammaⱨ edirliⱪiƣa yetip kǝldi; 25 Binyaminlar bolsa Abnǝrning kǝynidǝ ⱪoxundǝk sǝp bolup, bir dɵng tɵpisigǝ qiⱪip turdi. 26 Abnǝr Yoabni qaⱪirip: Ⱪiliq daim adǝmlǝrni yǝp turuxi kerǝkmu? Bu ixlarning aⱪiwiti pǝⱪǝt ɵq-adawǝttin ibarǝt bolidiƣanliⱪini bilmǝmsǝn? Sǝn ⱪaqanƣiqǝ hǝlⱪlǝrgǝ: «Ⱪerindaxliringlarni ⱪoƣlaxtin tohtanglar» dǝp buyrumay turiwerisǝn?
27 Yoab: Hudaning ⱨayati bilǝn ⱪǝsǝm ⱪilimǝnki, ǝgǝr sǝn muxu sɵzni ⱪilmiƣan bolsang, kɵpqilikning ⱨeqbiri ⱪerindaxlirini ⱪoƣlaxtin ǝtigǝngiqimu yanmaytti — dedi.
28 Buning bilǝn Yoab kanay qaldi; ⱨǝmmǝ Yǝⱨudalar xuan tohtidi wǝ ⱪayta Israilni ⱪoƣlimidi, ular bilǝn ⱪayta jǝng ⱪilixmidi. 29 Abnǝr bilǝn adǝmliri bolsa keqiqǝ mengip, Arabaⱨ tüzlǝnglikidin qiⱪip, Iordan dǝryasidin ɵtüp Bitron degǝn pütkül yurtni kezip ɵtüp, Maⱨanayimƣa yetip kǝldi.
30 Yoab Abnǝrni ⱪoƣlaxtin yenip barliⱪ adǝmlǝrni jǝm ⱪildi. Asaⱨǝldin baxⱪa Dawutning ƣulamliridin on toⱪⱪuz adǝm yoⱪ qiⱪti; 31 Lekin Dawutning adǝmliri Binyaminlardin wǝ Abnǝrning adǝmliridin üq yüz atmix kixini urup ɵltürgǝnidi.
32 Ular Asaⱨǝlni elip Bǝyt-Lǝⱨǝmdǝ ɵz atisining ⱪǝbrisidǝ dǝpnǝ ⱪildi; andin Yoab bilǝn adǝmliri keqiqǝ mengip, tang atⱪanda Ⱨebronƣa yetip kǝldi.
□2:9 «Gǝxuriylarƣa» — yaki «Axurlar (Asuriyǝliklǝr)». «...pütkül Israilƣa padixaⱨ ⱪildi» — muxu yǝrdǝ «pütkül Israil» asasǝn Israilning ximaliy wǝ xǝrⱪiy tǝrǝpliri, yǝni on bir ⱪǝbilini kɵrsitidu. Dawut bolsa Yǝⱨuda ⱪǝbilisigǝ padixaⱨ boldi.
□2:12 «Ixboxǝtning adǝmliri» — ibraniy tilida «Ixboxǝtning hizmǝtkarliri» — muxu yǝrdǝ xübⱨisizki, ǝskǝrlirini kɵrsitidu.
□2:14 «Yigitlǝr ⱪopup aldimizda elixip oynisun» — ǝmǝliyǝttǝ bolsa bu «oyun» ǝmǝs, bǝlki musabiⱪǝ harakteridiki soⱪuxux. Ikki tǝrǝptin bǝlgilǝngǝn adǝmlǝr otturiƣa qiⱪidu, bir tǝrǝp ⱪarxi tǝrǝpning adimini pütünlǝy yatⱪuzuwǝtsǝ, xu tǝrǝp ƣǝlibǝ ⱪilƣan bolup «oyun» ahirlixidu. Lekin bu ⱪetim bir tǝrǝp eniⱪ ƣǝlibǝ ⱪilmiƣan bolƣaqⱪa, «oyun» ahir berip ikki ⱪoxunning qong soⱪuxiƣa aylandi.
□2:16 «Ⱪiliq bislirining etizi» — yaki «qaⱪmaⱪ taxliri etizi». Ibraniy tilida: «Ⱨǝlⱪut-Ⱨazzurim».
□2:22 «mǝn seni nemǝ dǝp urup yiⱪitⱪudǝkmǝn» — muxu yǝrdǝ «urup yiⱪitix» ɵltürüxni bildüridu.
□2:23 «Asaⱨǝl ... ɵlgǝn yǝrgǝ ⱨazir kelidiƣan ⱨǝrbir kixilǝr u yǝrdǝ tohtap ⱪalidu» — demǝk, Asaⱨǝlning ⱨɵrimiti üqün tohtaydu. Baxⱪa birhil tǝrjimisi: «Asaⱨǝl yiⱪilip ɵlgǝn yǝrgǝ kǝlgǝn ⱨǝrbir kixilǝr u yǝrdǝ tohtap ⱪaldi».