6
Dawut ǝⱨdǝ sanduⱪini Yerusalemƣa ǝkilidu
1Tar. 13:1-14; 15:25-29;16:1-3
1 Dawut Israilning arisidin barliⱪ sǝrhil adǝmlǝrni yiƣiwidi, bular ottuz ming qiⱪti. 2 Andin Dawut wǝ uningƣa ǝgǝxkǝnlǝrning ⱨǝmmisi Hudaning ǝⱨdǝ sanduⱪini yɵtkǝp kelix üqün Yǝⱨudadiki Baalaⱨƣa qiⱪti; sanduⱪ muⱪǝddǝs nam bilǝn, yǝni kerublarning otturisida olturƣuqi samawiy ⱪoxunlarning Sǝrdari bolƣan Pǝrwǝrdigarning nami bilǝn atalƣanidi. □«Yǝⱨudadiki Baalaⱨ» — (yaki «Baalaⱨ-Yǝⱨudaƣa») — baxⱪa ismi «Kiriat-Yearim» («1Sam.» 7:2, «1Tar.» 13:6ni kɵrüng). 3 Ular Hudaning ǝⱨdǝ sanduⱪini dɵngdǝ olturuxluⱪ Abinadabning ɵyidǝ yengi bir ⱨarwiƣa selip, uni xu yǝrdin elip qiⱪti. Abinadabning oƣulliri Uzzaⱨ bilǝn Aⱨiyo u yengi ⱨarwini ⱨǝydidi. ■1Sam. 6:7, 8; 7:1, 2 4 Ular ⱨarwini Hudaning ǝⱨdǝ sanduⱪi bilǝn dɵngdǝ olturuxluⱪ Abinadabning ɵyidin elip qiⱪti; Aⱨiyo ǝⱨdǝ sanduⱪining aldida mangdi. 5 Dawut bilǝn pütkül Israil jǝmǝtidikilǝr Pǝrwǝrdigarning aldida tǝntǝnǝ ⱪilip küy oⱪup qiltar, tǝmbur, dap, daⱪa-dumbaⱪ wǝ qanglar qelip ussul oynidi.□«tǝntǝnǝ ⱪilip küy oⱪup... » — yaki «ⱨǝrhil arqa yaƣaqliridin yasalƣan sazlarni qelip...». «daⱪa-dumbaⱪ» — yaki «xaⱪildaⱪ(lar)».
6 Lekin ular Nakonning haminiƣa kǝlgǝndǝ, kalilar aldiƣa müdürǝp kǝtkǝnliki üqün, Uzzaⱨ ⱪolini sozup Hudaning ǝⱨdǝ sanduⱪini tutiwaldi. 7 Pǝrwǝrdigarning ƣǝzipi Uzzaⱨⱪa ⱪozƣaldi; u hata ⱪilƣini üqün, uni Huda xu yǝrdǝ urdi. Xuning bilǝn Uzzaⱨ Hudaning ǝⱨdǝ sanduⱪining yeniƣa yiⱪilip ɵldi.
8 Lekin Dawut bolsa Pǝrwǝrdigarning Uzzaⱨning tenini bɵskǝnlikigǝ aqqiⱪlandi wǝ u yǝrni «Pǝrǝz-Uzzaⱨ» dǝp atidi; u yǝr bügünki küngiqǝ xundaⱪ atilidu. □«Pǝrǝz-Uzzaⱨ» — «Uzzaⱨƣa bɵsüp kirix» degǝn mǝnidǝ. 9 U küni Dawut Pǝrwǝrdigardin ⱪorⱪup: Pǝrwǝrdigarning ǝⱨdǝ sanduⱪini ɵzümningkigǝ ⱪaysi yol bilǝn ǝkelǝrmǝn? — dedi.
10  Xuning üqün Dawut Pǝrwǝrdigarning ǝⱨdǝ sanduⱪini «Dawut xǝⱨiri»gǝ, ɵziningkigǝ yɵtkǝxni halimidi; Dawut uni elip berip, Gatliⱪ Obǝd-Edomning ɵyidǝ ⱪaldurdi.
11  Pǝrwǝrdigarning ǝⱨdǝ sanduⱪi Gatliⱪ Obǝd-Edomning ɵyidǝ üq ay turdi; Pǝrwǝrdigar Obǝd-Edom wǝ uning pütkül ɵyidikilǝrni bǝrikǝtlidi.
12  Dawut padixaⱨⱪa: — «Pǝrwǝrdigar Ɵz ǝⱨdǝ sanduⱪi wǝjidin Obǝd-Edom wǝ uning barini bǝrikǝtlidi» dǝp eytildi. Xunga Dawut Hudaning ǝⱨdǝ sanduⱪini Obǝd-Edomning ɵyidin elip qiⱪip, huxluⱪ bilǝn Dawutning xǝⱨirigǝ elip kǝldi. □«Pǝrwǝrdigar Ɵz ǝⱨdǝ sanduⱪi wǝjidin...» — ibraniy tilida «Pǝrwǝrdigar Hudaning ǝⱨdǝ sanduⱪi wǝjidin...».
13  Pǝrwǝrdigarning sanduⱪini kɵtürgǝnlǝr altǝ ⱪǝdǝm mengip, xundaⱪ boldiki, u bir buⱪa bilǝn bir bordaⱪ mozayni ⱪurbanliⱪ ⱪildi. □«Pǝrwǝrdigarning sanduⱪini kɵtürgǝnlǝr altǝ ⱪǝdǝm mengip, xundaⱪ boldiki, u bir buⱪa bilǝn bir bordaⱪ mozayni ⱪurbanliⱪ ⱪildi» — «altǝ ⱪǝdǝm» bizningqǝ bu dǝslǝpki altǝ ⱪǝdǝmni kɵrsitidu. Baxⱪa birhil tǝrjimisi «Ular ⱨǝr altǝ ⱪǝdǝm mangƣanda, bir ⱪetim buⱪa wǝ bordaⱪ mozay ⱪurbanliⱪ ⱪildi». Lekin undaⱪ bolsa, ilgǝrlǝx bǝk asta bolatti! 14  Dawut bolsa kanap ǝfodni kiyip Pǝrwǝrdigarning aldida küqining bariqǝ ussul oynaytti; □«Dawut bolsa kanap ǝfodni kiyip...» — «ǝfod» adǝttǝ pǝⱪǝt kaⱨinlar kiyidiƣan jilitkidǝk ⱪisⱪa bir kɵynǝk idi. Bizning «tǝbirlǝr»imizni kɵrüng. Dawutning ǝfodni kiyixi bǝlkim ussul oynaxⱪa azadǝ bolux üqün idi (14-ayǝtni kɵrüng). 15  Dawut bilǝn Israilning pütkül jǝmǝti tǝntǝnǝ ⱪilip warⱪirixip, kanay qelixip Pǝrwǝrdigarning ǝⱨdǝ sanduⱪini elip qiⱪiwatatti.
16  Pǝrwǝrdigarning ǝⱨdǝ sanduⱪi Dawutning xǝⱨirigǝ elip kirilginidǝ, Saulning ⱪizi Miⱪal derizidin ⱪarap, Dawut padixaⱨning sǝkrǝp Pǝrwǝrdigarning aldida ussul oynawatⱪanliⱪini kɵrüp, uni ɵz kɵnglidǝ mǝnsitmidi.
17  Ular Pǝrwǝrdigarning ǝⱨdǝ sanduⱪini elip kirip, Dawut uning üqün tiktürgǝn qedirning ottursida ⱪoydi. Andin Dawut Pǝrwǝrdigarning aldida kɵydürmǝ ⱪurbanliⱪ bilǝn inaⱪliⱪ ⱪurbanliⱪlirini sundi.
18  Dawut kɵydürmǝ ⱪurbanliⱪ bilǝn inaⱪliⱪ ⱪurbanliⱪlirini kǝltürüp bolup, halayiⱪⱪa samawiy ⱪoxunlarning Sǝrdari bolƣan Pǝrwǝrdigarning namida bǝht-bǝrikǝt tilidi. 19  U pütkül Israil jamaitigǝ, ǝr bilǝn ayallarning ⱨǝrbirigǝ birdin ⱪoturmaq, birdin horma poxkili wǝ birdin üzüm poxkilini tǝⱪsim ⱪilip bǝrdi. Andin hǝlⱪning ⱨǝrbiri ɵz ɵyigǝ yenip kǝtti.□«birdin horma poxkili» — yaki «bir yutum xarab» yaki «bir parqǝ gɵx».
20  Dawut ɵz ailisidikilǝrni mubarǝklǝx üqün yenip kǝlgǝndǝ, Saulning ⱪizi Miⱪal uning aldiƣa qiⱪip: Bügün Israilning padixaⱨi ɵzini xunqǝ xǝrǝplik kɵrsǝttimu, ⱪandaⱪ? U huddi pǝs bir adǝmning nomussizlaqǝ ɵzini yalingaqliƣiniƣa ohxax, hizmǝtkarlirining dedǝklirining kɵz aldida ɵzini yalingaqlidi!□«...ɵz ailisidikilǝrni mubarǝklǝx üqün...» — «mubarǝklǝx» muxu yǝrdǝ «bǝht-bǝrikǝt tilǝx»ni ɵz iqigǝ alidu. «Bügün Israilning padixaⱨi ... hizmǝtkarlirining dedǝklirining kɵz aldida ɵzini yalingaqlidi!» — «ɵzini yalingaqlidi» degǝn gǝp ǝrkinrǝk ussul oynaxⱪa Dawutning «ǝfod»ni kiygǝnlikini kɵrsitidu.
21  Dawut Miⱪalƣa: Undaⱪ xadlanƣinim Pǝrwǝrdigar aldida idi. U atang wǝ uning pütkül jǝmǝtini ɵrüp, meni Pǝrwǝrdigarning hǝlⱪi bolƣan Israil üstigǝ baxlamqi ⱪilip tiklidi. Xunga mǝn Pǝrwǝrdigarning aldida ussul oynaymǝn! 22  Əmǝliyǝttǝ mǝn ɵzümni tehimu ǝrzimǝs ⱪilip, ɵz nǝzirimdǝ ɵzüm tɵwǝn boluxⱪa razimǝn. Lekin sǝn eytⱪan u dedǝklǝrning nǝziridǝ bolsa, ⱨɵrmǝtkǝ sazawǝr bolimǝn — dedi.
23  Saulning ⱪizi Miⱪal bolsa, ɵlidiƣan künigiqǝ bala tuƣmidi.
 
 

□6:2 «Yǝⱨudadiki Baalaⱨ» — (yaki «Baalaⱨ-Yǝⱨudaƣa») — baxⱪa ismi «Kiriat-Yearim» («1Sam.» 7:2, «1Tar.» 13:6ni kɵrüng).

■6:3 1Sam. 6:7, 8; 7:1, 2

□6:5 «tǝntǝnǝ ⱪilip küy oⱪup... » — yaki «ⱨǝrhil arqa yaƣaqliridin yasalƣan sazlarni qelip...». «daⱪa-dumbaⱪ» — yaki «xaⱪildaⱪ(lar)».

□6:8 «Pǝrǝz-Uzzaⱨ» — «Uzzaⱨƣa bɵsüp kirix» degǝn mǝnidǝ.

□6:12 «Pǝrwǝrdigar Ɵz ǝⱨdǝ sanduⱪi wǝjidin...» — ibraniy tilida «Pǝrwǝrdigar Hudaning ǝⱨdǝ sanduⱪi wǝjidin...».

□6:13 «Pǝrwǝrdigarning sanduⱪini kɵtürgǝnlǝr altǝ ⱪǝdǝm mengip, xundaⱪ boldiki, u bir buⱪa bilǝn bir bordaⱪ mozayni ⱪurbanliⱪ ⱪildi» — «altǝ ⱪǝdǝm» bizningqǝ bu dǝslǝpki altǝ ⱪǝdǝmni kɵrsitidu. Baxⱪa birhil tǝrjimisi «Ular ⱨǝr altǝ ⱪǝdǝm mangƣanda, bir ⱪetim buⱪa wǝ bordaⱪ mozay ⱪurbanliⱪ ⱪildi». Lekin undaⱪ bolsa, ilgǝrlǝx bǝk asta bolatti!

□6:14 «Dawut bolsa kanap ǝfodni kiyip...» — «ǝfod» adǝttǝ pǝⱪǝt kaⱨinlar kiyidiƣan jilitkidǝk ⱪisⱪa bir kɵynǝk idi. Bizning «tǝbirlǝr»imizni kɵrüng. Dawutning ǝfodni kiyixi bǝlkim ussul oynaxⱪa azadǝ bolux üqün idi (14-ayǝtni kɵrüng).

□6:19 «birdin horma poxkili» — yaki «bir yutum xarab» yaki «bir parqǝ gɵx».

□6:20 «...ɵz ailisidikilǝrni mubarǝklǝx üqün...» — «mubarǝklǝx» muxu yǝrdǝ «bǝht-bǝrikǝt tilǝx»ni ɵz iqigǝ alidu. «Bügün Israilning padixaⱨi ... hizmǝtkarlirining dedǝklirining kɵz aldida ɵzini yalingaqlidi!» — «ɵzini yalingaqlidi» degǝn gǝp ǝrkinrǝk ussul oynaxⱪa Dawutning «ǝfod»ni kiygǝnlikini kɵrsitidu.

© 2010 Mukeddes Kalam - Uyghur Bible Translation Committee