9
Mǝfiboxǝtkǝ xǝpⱪǝt kɵrsitix
1 Dawut: Saulning ɵyidin tirik ⱪalƣan birǝrsi barmikin, bar bolsa mǝn Yonatanning ⱨɵrmitidǝ uningƣa xapaǝt kɵrsitǝy? — dedi.
2 Əmdi Saulning ailisidiki Ziba degǝn bir hizmǝtkar ⱪalƣanidi. Ular uni Dawutning ⱪexiƣa qaⱪirdi. Kǝlgǝndǝ, padixaⱨ uningdin: Sǝn Zibamu? dǝp soridi. U: Peⱪir mǝn xu! — dedi.■2Sam. 16:1-4; 19:17
3 Padixaⱨ: Saulning ailisidin birǝrsi tirik ⱪaldimu? Mǝn uningƣa Hudaning xapaitini kɵrsitǝy dǝwatimǝn, — dedi. Ziba padixaⱨⱪa: Yonatanning bir oƣli tirik ⱪaldi; uning ikki puti aⱪsaydu — dedi.□«Yonatanning bir oƣli tirik ⱪaldi; uning ikki puti aⱪsaydu» — Zibaning bu sɵzni deyixi, bǝlkim, Dawutning Saulning jǝmǝtidikilǝrni izdǝxtiki mǝⱪsiti ɵz tǝhtigǝ ⱨeqⱪandaⱪ tǝⱨdit bolmasliⱪi üqün, ularni yoⱪitix, dǝp oylisa kerǝk; xunga u Mǝfiboxǝtni aⱪsaⱪ dǝydu — aⱪsaⱪ bir adǝm tǝhtkǝ ⱨeqⱪandaⱪ tǝⱨdit bolmaydu, ǝlwǝttǝ. ■2Sam. 4:4
4 Padixaⱨ uningdin: U ⱪǝyǝrdǝ, dǝp soridi. Ziba padixaⱨⱪa: U Lo-Dibarda, Ammiǝlning oƣli Makirning ɵyidǝ turidu — dedi.
5 Xunga Dawut padixaⱨ kixi ǝwǝtip uni Lo-Dibardin, Ammiǝlning oƣli Makirning ɵyidin elip kǝldi.
6 Saulning nǝwrisi, Yonatanning oƣli Mǝfiboxǝt Dawutning aldiƣa kǝlgǝndǝ, yüzini yǝrgǝ yiⱪip, tǝzim ⱪildi. Dawut: Sǝn Mǝfiboxǝtmu? — dǝp qaⱪiriwidi, u: Peⱪir xu! — dǝp jawap ⱪayturdi.
7 Dawut uningƣa: Ⱪorⱪmiƣin, atang Yonatan üqün, sanga xapaǝt ⱪilmay ⱪalmaymǝn; bowang Saulning ⱨǝmmǝ yǝr-zeminlirini sanga ⱪayturup berǝy, sǝn ⱨǝmixǝ mening dastihinimdin ƣizalinisǝn — dedi.□«bowang Saul» — ibraniy tilida «atang Saul» degǝn sɵz bilǝn ipadilinidu. «Ata» degǝnning ibraniy tilida mǝnisi kǝngdur.
8 Mǝfiboxǝt tǝzim ⱪilip: Ⱪulung nemǝ idi, mǝndǝk bir ɵlük it aliyliri ⱪǝdirligüdǝk nemǝ idim? — dedi.
9 Andin padixaⱨ Saulning hizmǝtkari Zibani qaⱪirip uningƣa: Saulning wǝ pütkül ailisining ⱨǝmmǝ tǝǝlluⱪatini mana mǝn ƣojangning oƣlining ⱪoliƣa bǝrdim. 10 Sǝn bilǝn oƣulliring wǝ hizmǝtkarliring uning üqün xu zeminda teriⱪqiliⱪ ⱪilip, qiⱪⱪan mǝⱨsulatlirini ƣojangning oƣliƣa yeyixkǝ tapxurunglar. Ƣojangning oƣli Mǝfiboxǝt mǝn bilǝn ⱨǝmixǝ ⱨǝmdastihan bolup ƣizalinidu, — dedi (Zibaning on bǝx oƣli wǝ yigirmǝ hizmǝtkari bar idi).
11 Ziba padixaⱨⱪa: Ƣojam padixaⱨ ⱪulliriƣa buyruƣanning ⱨǝmmisigǝ kǝminiliri ǝmǝl ⱪilidu, — dedi. Padixaⱨ Dawut yǝnǝ: Mǝfiboxǝt bolsa padixaⱨning bir oƣlidǝk dastihinimdin taam yesun — dedi.
12 Mǝfiboxǝtning Mika degǝn kiqik bir oƣli bar idi. Zibaning ɵyidǝ turuwatⱪanlarning ⱨǝmmisi Mǝfiboxǝtning hizmǝtkarliri boldi. 13 Əmdi Mǝfiboxǝt Yerusalemda turatti; qünki u ⱨǝmixǝ padixaⱨning dastihinidin taam yǝp turatti. Uning ikki puti aⱪsaⱪ idi.
□9:3 «Yonatanning bir oƣli tirik ⱪaldi; uning ikki puti aⱪsaydu» — Zibaning bu sɵzni deyixi, bǝlkim, Dawutning Saulning jǝmǝtidikilǝrni izdǝxtiki mǝⱪsiti ɵz tǝhtigǝ ⱨeqⱪandaⱪ tǝⱨdit bolmasliⱪi üqün, ularni yoⱪitix, dǝp oylisa kerǝk; xunga u Mǝfiboxǝtni aⱪsaⱪ dǝydu — aⱪsaⱪ bir adǝm tǝhtkǝ ⱨeqⱪandaⱪ tǝⱨdit bolmaydu, ǝlwǝttǝ.
□9:7 «bowang Saul» — ibraniy tilida «atang Saul» degǝn sɵz bilǝn ipadilinidu. «Ata» degǝnning ibraniy tilida mǝnisi kǝngdur.