12
Birinqi «ⱪaytix»ta ⱪaytip kǝlgǝn kaⱨinlar wǝ Lawiylar
1 Xealtiyǝlning oƣli Zǝrubbabǝl wǝ Yǝxua bilǝn birliktǝ sürgünlüktin qiⱪⱪan kaⱨin wǝ Lawiylar tɵwǝndikilǝr: — kaⱨinlar Seraya, Yǝrǝmiya, Əzra, □«...kaⱨinlar Seraya, Yǝrǝmiya, Əzra,...» — bu Əzra «Əzra» degǝn kitabtiki «Əzra» ǝmǝs. «Tǝwratxunas Əzra» bolsa, Zǝrubbabǝldin 90 yildin keyin Yerusalemƣa kǝlgǝn. 2 Amariya, Malluⱪ, Ⱨattux, 3 Xekaniya, Rǝⱨum, Mǝrǝmot, 4 Iddo, Ginnitoy, Abiya, □«Ginnitoy» — yaki «Ginniton». 5 Miyamin, Maadiya, Bilgaⱨ, 6 Xemaya, Yoarib, Yǝdaya, 7 Sallo, Amok, Ⱨilⱪiya wǝ Yǝdaya. Bular bolsa Yǝxuaning künliridǝ kaⱨin bolƣanlar wǝ ularning ⱪerindaxlirining jǝmǝt baxliⱪliri idi.
8 Lawiylardin bolsa Yǝxua, Binnuiy, Kadmiyǝl, Xǝrǝbiya, Yǝⱨuda, Mattaniyalar; Mattaniya wǝ uning ⱪerindaxliri tǝxǝkkür-rǝⱨmǝtlǝr eytixⱪa mǝs’ul boldi. 9 Ularning ⱪerindaxliri Bakbukiya bilǝn Unni nɵwiti boyiqǝ ular bilǝn udulmu’udul hizmǝttǝ turatti.
10 Yǝxuadin Yoyakim tɵrǝldi, Yoyakimdin Əliyaxib tɵrǝldi, Əliyaxibtin Yoyada tɵrǝldi, □«Yoyada» — yaki «Yǝⱨoyada». 11 Yoyadadin Yonatan tɵrǝldi, Yonatandin Yaddua tɵrǝldi. 12 Yoyakimning künliridǝ kaⱨinlardin jǝmǝt baxliⱪi bolƣanlar munular: — Seraya jǝmǝtigǝ Meraya; Yǝrǝmiya jǝmǝtigǝ Ⱨananiya; 13 Əzra jǝmǝtigǝ Mǝxullam; Amariya jǝmǝtigǝ Yǝⱨoⱨanan; 14 Meliku jǝmǝtigǝ Yonatan; Xǝbaniya jǝmǝtigǝ Yüsüp; □«Meliku» — yaki «Malluⱪ». «Xǝbaniya» — bǝzi ⱪǝdimiy kɵqürmilǝrdǝ «Xekaniya» deyilidu. 15 Ⱨarim jǝmǝtigǝ Adna; Merayot jǝmǝtigǝ Ⱨǝlkay; 16 Iddo jǝmǝtigǝ Zǝkǝriya; Ginniton jǝmǝtigǝ Mǝxullam; 17 Abiya jǝmǝtigǝ Zikri; Minyamin bilǝn Moadiyalarning jǝmǝtigǝ Piltay; 18 Bilgaⱨ jǝmǝtigǝ Xammua; Xemaya jǝmǝtigǝ Yǝⱨonatan; 19 Yoarib jǝmǝtigǝ Mattinay; Yǝdaya jǝmǝtigǝ Uzzi; 20 Sallay jǝmǝtigǝ Kallay; Amok jǝmǝtigǝ Ebǝr; □«Sallay» — yaki «Sallu». 21 Ⱨilⱪiya jǝmǝtigǝ Ⱨasabiya; Yǝdaya jǝmǝtigǝ Nǝtanǝl.
22 Əliyaxib, Yoyada, Yoⱨanan wǝ Yadduaning künliridǝ Lawiylarning jǝmǝt baxliⱪliri tizimlanƣan wǝ ohxaxla, Pars padixaⱨi Darius tǝhttiki qaƣlarƣiqǝ kaⱨinlarmu tizimlinip kǝlgǝn. 23 Jǝmǝt baxliⱪi bolƣan Lawiylar taki Əliyaxibning nǝwrisi Yoⱨananning waⱪtiƣiqǝ tǝzkirinamidǝ tizimlinip kǝlgǝn. □«Əliyaxibning nǝwrisi» — ibraniy tilida «Əliyaxibning oƣli». «tǝzkirinamǝ» — bu kitab Tǝwrattiki «Tarih-tǝzkirǝ» degǝn ⱪisim ǝmǝs; «Tarih-tǝzkirǝ»dǝ undaⱪ tizimlik yoⱪ. ■1Tar. 9:10-34 24 Lawiylarning jǝmǝt baxliⱪi bolƣan Ⱨasabiya, Xǝrǝbiya, Kadmiyǝlning oƣli Yǝxualar ⱪerindaxliri bilǝn udulmu’udul turup, Hudaning adimi Dawutning ǝmri boyiqǝ nɵwǝtlixip mǝdⱨiyǝ-munajat, tǝxǝkkür-rǝⱨmǝtlǝr eytip turatti. 25 Mattaniya, Bakbukiya, Obadiya, Mǝxullam, Talmon bilǝn Akkublar dǝrwaziwǝnlǝr bolup, sepil ⱪowuⱪlirining ambarliriƣa ⱪaraytti.
26 Bu kixilǝr Yozadakning nǝwrisi, Yǝxuaning oƣli Yoyakimning künliridǝ, xuningdǝk waliy Nǝⱨǝmiya bilǝn tǝwratxunas kaⱨin Əzraning künliridǝ wǝzipigǝ tǝyinlǝngǝn.□«bu kixilǝr ... waliy Nǝⱨǝmiya bilǝn tǝwratxunas kaⱨin Əzraning künliridǝ wǝzipigǝ tǝyinlǝngǝn» — Lawiylar wǝ kaⱨinlarning nǝsǝbnamiliri nemixⱪa xunqǝ muⱨim? Ɵzining kelip qiⱪixi ispatlanmiƣanlar kaⱨinliⱪ hizmǝttǝ yaki ibadǝthanidiki Lawiylarƣa ait hizmǝttǝ boluxⱪa muyǝssǝr bolalmaytti. Bügüngǝ ⱪǝdǝr Yǝⱨudiylar arisida kimlǝr Lawiylardin, kimlǝr kaⱨinlar jǝmǝtidin ikǝnliki hatirilinip kǝlmǝktǝ.
Yengi sepilning Hudaƣa atap tapxuruluxi
27 Yerusalem sepilini Hudaƣa atap tapxurux murasimi ɵtküzülidiƣan qaƣda, jamaǝt Lawiylarni turƣan ⱨǝrⱪaysi jaylardin izdǝp tepip, ularni tǝxǝkkür-rǝⱨmǝtlǝr eytix, ƣǝzǝl oⱪux, qang, tǝmbur wǝ qiltarlarni qelixⱪa, huxal-huramliⱪ bilǝn atap tapxurulux murasimi ɵtküzüxkǝ Yerusalemƣa elip kǝldi. 28 Ƣǝzǝlkǝxlar Yerusalemning ǝtrapidiki tüzlǝngliktin, Nitofatliⱪlarning yeza-kǝntliridin, 29 Bǝyt-Gilgaldin, Geba bilǝn Azmawǝt etizliⱪliridin yiƣilƣanidi; qünki ƣǝzǝlkǝxlar Yerusalemning tɵt ǝtrapiƣa ɵzlirigǝ mǝⱨǝllǝ-ⱪixlaⱪlar ⱪuruwalƣanidi. 30 Kaⱨinlar bilǝn Lawiylar ɵzlirini paklidi, andin hǝlⱪni wǝ sepil dǝrwazilirini ⱨǝm sepilning ɵzinimu paklidi.
31 Mǝn Nǝⱨǝmiya Yǝⱨudaning ǝmirlirini baxlap sepilƣa qiⱪip, tǝxǝkkür-ⱨǝmdusana oⱪuydiƣan ikki qong ǝtrǝt adǝmni uyuxturdum, bir ǝtrǝt sepilning ong tǝripidǝ «Tezǝk ⱪowuⱪi»ƣa ⱪarap mangdi, 32 ularning arⱪisidin Ⱨoxaya bilǝn Yǝⱨudaning ǝmirlirining yerimi mangdi; 33 yǝnǝ Azariya, Əzra, Mǝxullam, 34 Yǝⱨuda, Binyamin, Xemaya, Yǝrǝmiyamu mangdi; 35 xuningdǝk kaⱨinlarning oƣulliridin bǝziliri ⱪolliriƣa kanay alƣan ⱨalda mangdi: — Ulardin Yonatanning oƣli Zǝkǝriya bar idi (Yonatan Xemayaning oƣli, Xemaya Mattaniyaning oƣli, Mattaniya Mikayaning oƣli, Mikaya Zakkurning oƣli, Zakkur Asafning oƣli idi). 36 Uning ⱪerindaxliridin Xemaya, Azarǝl, Milalay, Jilalay, Maayi, Nǝtanǝl, Yǝⱨuda, Ⱨananiyalar bar idi; ular ⱪolliriƣa Hudaning adimi Dawutning sazlirini elixⱪanidi; tǝwratxunas Əzra ularning bexida mangƣanidi. 37 Ular «Bulaⱪ ⱪowuⱪi»ƣa kelip «Dawutning xǝⱨiri»ning pǝlǝmpiyigǝ qiⱪip, «Dawutning ordisi»din ɵtüp, künqiⱪix tǝrǝptiki «Su ⱪowuⱪi»ƣa kǝldi.
38 Tǝxǝkkür-ⱨǝmdusana oⱪuydiƣan ikkinqi ǝtrǝt sol tǝrǝp bilǝn mangdi, mǝn wǝ jamaǝtning yerimi ularning arⱪidin mengip, sepil üstidǝ «Humdanlar munari»din ɵtüp, udul «Kǝng sepil»ƣiqǝ mengip,□«sol tǝrǝp» — ibraniy tilida «tǝtür tǝrǝp». 39 «Əfraim ⱪowuⱪi», «Kona ⱪowuⱪ», «Beliⱪ ⱪowuⱪi» üstidin ɵtüp, «Ⱨananiyǝl munari» wǝ «Yüzning munari»din ɵtüp, udul «Ⱪoy ⱪowuⱪi»ƣa kelip, andin «Ⱪarawullar ⱪowuⱪi»da tohtiduⱪ. □«Yüzning munari» — yaki «Meaⱨning munari». «Ⱪarawullar ⱪowuⱪi» — yaki «Zindan dǝrwazisi». 40 Andin tǝxǝkkür-ⱨǝmdusana oⱪuydiƣan ikki ǝtrǝt adǝm Hudaning ɵyidǝ ɵz orunlirida turdi; mǝn bilǝn ǝmǝldarlarning yerimimu xu yǝrdǝ turduⱪ; 41 kaⱨinlardin Eliakim, Maaseyaⱨ, Minyamin, Migaya, Əlyoyinay, Zǝkǝriya bilǝn Ⱨananiyalar karnaylirini elip turuxti; 42 yǝnǝ Maaseyaⱨ, Xemaya, Əliazar, Uzzi, Yǝⱨoⱨanan, Malkiya, Elam bilǝn Ezǝrmu turuxti; ƣǝzǝlkǝxlǝr Yizraⱪiyaning yetǝkqilikidǝ jarangliⱪ ƣǝzǝl oⱪuxti. 43 Xu küni jamaǝt naⱨayiti qong kɵlǝmlik ⱪurbanliⱪlarni sundi ⱨǝm bǝk huxal bolup ketixti, qünki Huda ularni zor xadliⱪ bilǝn xadlandurƣanidi; ayallar bilǝn balilarmu xundaⱪ xadlandi; Yerusalemdiki bu huxalliⱪ sadaliri yiraⱪ-yiraⱪlarƣa anglandi.
Lawiylar bilǝn kaⱨinlarƣa kerǝklik nǝrsilǝrning ⱨazirlinixi
44 U qaƣda bir ⱪisim kixilǝr kɵtürmǝ ⱪurbanliⱪlar, dǝslǝpki pixⱪan ⱨosullar wǝ ɵxrilǝrni saⱪlaydiƣan hǝzinǝ-ambarlarƣa mǝs’ul boluxⱪa tǝyinlǝndi; ⱨǝrⱪaysi xǝⱨǝrlǝrdiki etizliⱪlardin, Tǝwrat ⱪanunida kaⱨinlarƣa wǝ Lawiylarƣa berixkǝ bǝlgilǝngǝn ülüxlǝr xu yǝrdǝ saⱪlinatti. Qünki Yǝⱨuda hǝlⱪi ɵz hizmitidǝ turuwatⱪan kaⱨinlar bilǝn Lawiylardin huxal idi. 45 Kaⱨinlar bilǝn Lawiylar, ƣǝzǝlkǝxlǝr bilǝn dǝrwaziwǝnlǝrmu, ɵz Hudasining tapiliƣan wǝzipisini wǝ xuningdǝk paklax wǝzipisining ⱨǝmmisini Dawutning wǝ uning oƣli Sulaymanning ǝmri boyiqǝ ɵtǝytti. ■1Tar. 25 46 Qünki ⱪǝdimdǝ, Dawutning wǝ Asafning künliridǝ, ƣǝzǝlkǝxlǝrgǝ yetǝkqilik ⱪilixⱪa ⱨǝm Hudaƣa tǝxǝkkür-ⱨǝmdusana küylirini oⱪuxⱪa yetǝkqilǝr bolƣanidi. 47 Zǝrubbabǝlning künliridǝ wǝ Nǝⱨǝmiyaning künliridǝ ƣǝzǝlkǝxlǝrning wǝ dǝrwaziwǝnlǝrning ülüxlirini, ⱨǝr künlük tǝminatini pütkül Israil hǝlⱪi berǝtti; ular yǝnǝ Lawiylar üqün muⱪǝddǝs ⱨesablanƣan nǝrsilǝrni ülǝxtürüp berǝtti; Lawiylarmu muⱪǝddǝs ⱨisablanƣan nǝrsilǝrdin Ⱨarunning ǝwladliriƣa berip turatti.
□12:1 «...kaⱨinlar Seraya, Yǝrǝmiya, Əzra,...» — bu Əzra «Əzra» degǝn kitabtiki «Əzra» ǝmǝs. «Tǝwratxunas Əzra» bolsa, Zǝrubbabǝldin 90 yildin keyin Yerusalemƣa kǝlgǝn.
□12:4 «Ginnitoy» — yaki «Ginniton».
□12:10 «Yoyada» — yaki «Yǝⱨoyada».
□12:14 «Meliku» — yaki «Malluⱪ». «Xǝbaniya» — bǝzi ⱪǝdimiy kɵqürmilǝrdǝ «Xekaniya» deyilidu.
□12:20 «Sallay» — yaki «Sallu».
□12:23 «Əliyaxibning nǝwrisi» — ibraniy tilida «Əliyaxibning oƣli». «tǝzkirinamǝ» — bu kitab Tǝwrattiki «Tarih-tǝzkirǝ» degǝn ⱪisim ǝmǝs; «Tarih-tǝzkirǝ»dǝ undaⱪ tizimlik yoⱪ.
□12:26 «bu kixilǝr ... waliy Nǝⱨǝmiya bilǝn tǝwratxunas kaⱨin Əzraning künliridǝ wǝzipigǝ tǝyinlǝngǝn» — Lawiylar wǝ kaⱨinlarning nǝsǝbnamiliri nemixⱪa xunqǝ muⱨim? Ɵzining kelip qiⱪixi ispatlanmiƣanlar kaⱨinliⱪ hizmǝttǝ yaki ibadǝthanidiki Lawiylarƣa ait hizmǝttǝ boluxⱪa muyǝssǝr bolalmaytti. Bügüngǝ ⱪǝdǝr Yǝⱨudiylar arisida kimlǝr Lawiylardin, kimlǝr kaⱨinlar jǝmǝtidin ikǝnliki hatirilinip kǝlmǝktǝ.
□12:38 «sol tǝrǝp» — ibraniy tilida «tǝtür tǝrǝp».
□12:39 «Yüzning munari» — yaki «Meaⱨning munari». «Ⱪarawullar ⱪowuⱪi» — yaki «Zindan dǝrwazisi».
■12:45 1Tar. 25