4
Koⱨat ǝwladlirining wǝzipisi
1 Andin Pǝrwǝrdigar Musa bilǝn Ⱨarunƣa sɵz ⱪilip mundaⱪ dedi: —
2 Sǝn Lawiylar iqidin ata jǝmǝti boyiqǝ Koⱨat ǝwladlirining omumiy sanini tizimliƣin, 3 ottuz yaxtin ǝllik yaxⱪiqǝ bolƣan, jamaǝt qedirida ix-hizmǝt ⱪilixⱪa kelǝlǝydiƣanlarning ⱨǝmmisini tizimlap qiⱪ.□«ix-hizmǝt ⱪilixⱪa kelǝlǝydiƣanlar» — ibraniy tilida «ix-hizmǝt ⱪilixⱪa kelǝlǝydiƣan ⱪoxun» degǝn sɵzlǝr bilǝn ipadilinidu. 4 Koⱨat ǝwladlirining jamaǝt qediri iqidiki wǝzipisi ǝng muⱪǝddǝs buyumlarni baxⱪurux bolidu. 5 Bargaⱨ kɵqürülidiƣan qaƣda, Ⱨarun bilǝn uning oƣulliri kirip «ǝng muⱪǝddǝs jay»diki «ayrima pǝrdǝ-yopuⱪ»ni qüxürüp, uning bilǝn ⱨɵküm-guwaⱨliⱪ sanduⱪini yɵgisun; 6 andin uning üstini delfinning terisidin etilgǝn yopuⱪ bilǝn orap, üstigǝ kɵk bir rǝhtni yepip, andin kɵtüridiƣan baldaⱪlarni ɵtküzsun.□«delfinning terisi» — yaki «dengiz eyiⱪining terisi» yaki «borsuⱪning terisi». 7 Tǝⱪdim nan tizilƣan xirǝgǝ kɵk bir rǝht selinip, üstigǝ legǝn, tǝhsǝ, piyalǝ wǝ xarab ⱨǝdiyǝlirini qaqidiƣan ⱪǝdǝⱨlǝr tizip ⱪoyulsun; xirǝdimu «daimiy nan» tizilip turiwǝrsun;□«tǝⱪdim nan xirǝsi» — yaki «ⱨuzuriy nan xirǝsi» («Hudaning ⱨuzuridiki nan»lar) — Muxu yǝrdǝ pǝⱪǝt «Hudaning ⱨuzuridiki xirǝ» degǝn sɵz bilǝn ipadilinidu. Nanlar wǝ altun xirǝ toƣruluⱪ «Mis.» 25:23-30 wǝ «Law.» 24:5-9ni kɵrüng. «daimiy nan» — «tǝⱪdim nan»ning baxⱪiqǝ atilixi. ■Mis. 25:30 8 bu nǝrsilǝrning üsti ⱪizil rǝht bilǝn, uning üsti yǝnǝ delfin terisidǝ etilgǝn bir yopuⱪ bilǝn yepilip, andin kɵtiridiƣan baldaⱪlar ɵtküzüp ⱪoyulsun. 9 Ular kɵk rǝht elip, uning bilǝn qiraƣdan bilǝn üstidiki qiraƣlarni, pilik ⱪisⱪuqlarni, küldanlarni wǝ qiraƣdanƣa ixlitidiƣan, barliⱪ may ⱪaqilaydiƣan ⱪaqilarni yepip ⱪoysun.■Mis. 25:31,38 10 Ular yǝnǝ qiraƣdan bilǝn qiraƣdanƣa ixlitidiƣan ⱨǝmmǝ ⱪaqa-ⱪuqa ǝswablarni delfin terisidin etilgǝn yopuⱪ bilǝn yɵgǝp, andin ǝpkǝxkǝ selip ⱪoysun.
11 Altun huxbuygaⱨⱪa kɵk bir rǝht selip, yǝnǝ delfin terisidǝ etilgǝn yopuⱪ bilǝn yepip, andin kɵtürgüqkǝ ⱪox baldaⱪlarni ɵtküzüp ⱪoysun.□«altun huxbuygaⱨ» — ibraniy tilida «altun ⱪurbangaⱨ». 12 Muⱪǝddǝs jayning iqidǝ ixlitidiƣan barliⱪ ⱪaqa-ⱪuqilarni kɵk bir rǝht bilǝn yɵgǝp, andin üstigǝ delfin terisidǝ etilgǝn yopuⱪni yepip, andin bir ǝpkǝxkǝ selip ⱪoysun.
13 Ular ⱪurbangaⱨni külidin tazilap, üstigǝ sɵsün rǝnglik bir rǝhtni yeyip ⱪoysun. 14 Andin yǝnǝ ⱪurbangaⱨta ixlitilidiƣan ǝswablar — küldan, ilmǝk, bǝlgürjǝk, qinilǝr, xundaⱪla barliⱪ ǝswablarni ⱪurbangaⱨ üstigǝ tizip, andin delfin terisidǝ etilgǝn bir yopuⱪ bilǝn yepip, andin kɵtüridiƣan baldaⱪlarni ɵtküzüp ⱪoysun.
15 Pütün bargaⱨtikilǝr yolƣa qiⱪidiƣan qaƣda, Ⱨarun bilǝn uning oƣulliri muⱪǝddǝs jay wǝ muⱪǝddǝs jaydiki barliⱪ ⱪaqa-ⱪuqa ǝswablarni yepip bolƣandin keyin, Koⱨatning ǝwladliri kelip kɵtürsun; lekin ɵlüp kǝtmǝslik üqün muⱪǝddǝs buyumlarƣa ⱪol tǝgküzmisun. Jamaǝt qediri iqidiki nǝrsilǝrdin xularni Koⱨatning ǝwladliri kɵtürüxi kerǝk.
16 Ⱨarunning oƣli Əliazarning wǝzipisi qiraƣ meyi, huxbuy ǝtir, daimiy tǝⱪdim ⱪilinidiƣan axliⱪ ⱨǝdiyǝ bilǝn mǝsiⱨlǝx meyiƣa ⱪarax, xundaⱪla pütkül ibadǝt qediri bilǝn uning iqidiki barliⱪ nǝrsilǝr, muⱪǝddǝs jay ⱨǝm muⱪǝddǝs jaydiki ⱪaqa-ⱪuqa ǝswablarƣa ⱪaraxtin ibarǝt.■Mis. 29:40; 30:23,24,34,35
17 Andin Pǝrwǝrdigar Musa bilǝn Ⱨarunƣa sɵz ⱪilip mundaⱪ dedi: —
18 Silǝr Koⱨat jǝmǝtidikilǝrni Lawiylar arisidin ⱪǝt’iy yoⱪitip ⱪoymanglar; 19 bǝlki ularning ɵlmǝy, ⱨayat ⱪelixi üqün ular «ǝng muⱪǝddǝs» buyumlarƣa yeⱪinlaxⱪan qaƣda, Ⱨarun bilǝn uning oƣulliri kirip ularning ⱨǝrbirigǝ ⱪilidiƣan wǝ kɵtüridiƣan ixlarni kɵrsitip ⱪoysun; 20 ular pǝⱪǝt muⱪǝddǝs jayƣa kirgǝndǝ muⱪǝddǝs buyumlarƣa bir dǝⱪiⱪimu ⱪarimisun, undaⱪ ⱪilip ⱪoysa ɵlüp ketidu.□«ular pǝⱪǝt ... bir dǝⱪiⱪimu ⱪarimisun» — demǝk, Ⱨarunning oƣulliri kaⱨinlar muⱪǝddǝs buyumlarni yepiwatⱪan waⱪitta muⱪǝddǝs qedirƣa kirmǝsliki kerǝk, pǝⱪǝt buyumlar yepilƣandin keyin kirixkǝ bolidu.
Gǝrxon ǝwladlirining wǝzipisi
21 Pǝrwǝrdigar Musaƣa sɵz ⱪilip mundaⱪ dedi: —
22-23 Gǝrxon ǝwladliri iqidǝ ata jǝmǝti wǝ aililiri boyiqǝ, ottuz yaxtin ǝllik yaxⱪiqǝ bolƣan, jamaǝt qediri iqidǝ hizmǝt ⱪilix sepigǝ kirǝlǝydiƣan ⱨǝmmisini sanaⱪtin ɵtküzüp omumiy sanini al.□«hizmǝt ⱪilix sepigǝ kirǝlǝydiƣanlar» — ibraniy tilida «jǝnggǝ qiⱪalaydiƣan ⱪoxundikilǝr» degǝn sɵzlǝr bilǝn ipadilinidu. Iqki mǝnisi, xübⱨisizki, kaⱨinlarning muⱪǝddǝs jayda Israil üqün ⱪurbanliⱪlarni ɵtküzüp, ularƣa roⱨiy wǝkil boluxi Israillar üqün jin-xǝytanlar bilǝn roⱨiy urux hizmiti ⱪilƣanƣa barawǝr. 24 Gǝrxon aililirining ⱪilidiƣan hizmiti wǝ ular kɵtüridiƣan nǝrsilǝr tɵwǝndikiqǝ: 25 — ular jamaǝt qedirining ɵzini, yǝni astidiki iqki pǝrdiliri wǝ sirtⱪi pǝrdilirini, uning yapⱪuqini, xundaⱪla üstigǝ yapⱪan delfin terisidǝ etilgǝn yopuⱪni wǝ jamaǝt qedirining kirix ixikining pǝrdisini,□«astidiki iqki pǝrdiliri wǝ sirtⱪi pǝrdiliri» — ibraniy tilida «turalƣuning pǝrdiliri wǝ jamaǝt qediri». Mǝnisi qoⱪum tǝrjimimizdǝk bolidu. Qedirning tɵt ⱪǝwǝt yopuⱪi bar idi; (1) iqki pǝrdiliri; (2) ɵqkǝ teriliri; (3) ⱪizil buyalƣan ⱪoqⱪar teriliri; (4) delfin teriliri. Bǝzi waⱪitlarda 2-ⱪǝwiti, yǝni ɵqkǝ terisidin etilgǝn pǝrdilǝr «jamaǝt qedir»ning ɵzi dǝp ⱨesablinatti. «Misirdin qiⱪix» 25؛1-15ni kɵrüng. 26 ibadǝt qediri bilǝn ⱪurbangaⱨni qɵridǝp tartilƣan ⱨoylidiki pǝrdilǝr bilǝn kirix dǝrwazisining pǝrdisini, xularƣa has tanilirini wǝ ixlitidiƣan barliⱪ ⱪaqa-ⱪuqa ǝswablarni kɵtürsun; bu ǝswab-üskünilǝrgǝ munasiwǝtlik kerǝk bolƣan ixlarni ⱪilsun. 27 Gǝrxon ǝwladlirining pütün wǝzipisi, yǝni ular kɵtüridiƣan wǝ bejiridiƣan barliⱪ ixlar Ⱨarun wǝ uning oƣullirining kɵrsǝtmiliri boyiqǝ bolsun; ularning nemǝ kɵtüridiƣanliⱪini silǝr bǝlgilǝp beringlar. 28 Gǝrxon ǝwladlirining jǝmǝtlirining jamaǝt qedirining iqidǝ ⱪilidiƣan hizmiti xular; ular kaⱨin Ⱨarunning oƣli Itamarning ⱪol astida turup ixlisun.
Mǝrari ǝwladlirining wǝzipisi
29 Mǝrarining ǝwladlirinimu, ularni ata jǝmǝti, aililiri boyiqǝ, sanaⱪtin ɵtküz; 30 ottuz yaxtin ǝllik yaxⱪiqǝ bolƣan, jamaǝt qediri iqidǝ hizmǝt ⱪilix sepigǝ kirǝlǝydiƣan ⱨǝmmisini sanaⱪtin ɵtküzüp omumiy sanini al.□«hizmǝt ⱪilix sepigǝ kirǝlǝydiƣanlar» — 23-ayǝtni wǝ izaⱨatini kɵrüng. 31 Ularning jamaǝt qediri iqidiki barliⱪ hizmiti, yǝni kɵtürüx wǝzipisi mundaⱪ: — Ular jamaǝt qedirining tahtayliri, baldaⱪliri, hadiliri wǝ ularning tǝglikliri, 32 ⱨoylining tɵt ǝtrapidiki hadilar, ularning tǝglikliri, ⱪozuⱪliri, tanaliri, barliⱪ ǝswab-üskünǝ ⱨǝm xularƣa kerǝklik bolƣan barliⱪ nǝrsilǝrni kɵtürüx bolsun; ular kɵtüridiƣan ǝswab-üskünilǝrni namini atap bir-birlǝp ⱨǝr adǝmgǝ kɵrsitip beringlar. 33 Mǝrari jǝmǝt-aililirining jamaǝt qediri iqidǝ ⱪilidiƣan barliⱪ ixliri ǝnǝ xular; ular kaⱨin Ⱨarunning oƣli Itamarning ⱪol astida turup ixlisun.
Lawiylarning nopusining sanaⱪtin ɵtküzülüxi
34-35 Musa bilǝn Ⱨarun wǝ jamaǝtning ǝmirliri Koⱨatning ǝwladlirining ottuz yaxtin ǝllik yaxⱪiqǝ bolƣan, jamaǝt qedirida hizmǝt ⱪilix sepigǝ kirǝlǝydiƣanlarning ⱨǝmmisini ata jǝmǝti, aililiri boyiqǝ sanaⱪtin ɵtküzdi.□«sepigǝ kirǝlǝydiƣanlar» — 23-ayǝtni wǝ izaⱨatini kɵrüng. 39-, 43-ayǝttǝ ohxax sɵzlǝr tepilidu. 36 Ulardin jǝmǝti boyiqǝ sanaⱪtin ɵtküzülgǝnlǝr jǝmiy ikki ming yǝttǝ yüz ǝllik kixi bolup qiⱪti. 37 Muxular Koⱨat jǝmǝtidin sanaⱪtin ɵtküzülgǝnlǝr bolup, jamaǝt qedirida ix ⱪilidiƣan ⱨǝrbiri, yǝni Pǝrwǝrdigarning Musaning wastisi bilǝn ⱪilƣan ǝmri boyiqǝ Musa bilǝn Ⱨarun sanaⱪtin ɵtküzgǝnlǝr idi.
38-39 Gǝrxonlarning ata jǝmǝti, aililiri boyiqǝ, ottuz yaxtin ǝllik yaxⱪiqǝ bolƣan, jamaǝt qedirida hizmǝt ⱪilix sepigǝ kirǝlǝydiƣan ⱨǝmmisi sanaⱪtin ɵtküzüldi; 40 ata jǝmǝti, aililiri boyiqǝ sanaⱪtin ɵtküzülgǝnlǝr jǝmiy ikki ming altǝ yüz ottuz kixi bolup qiⱪti. 41 Muxular Gǝrxon jǝmǝtidin sanaⱪtin ɵtküzülgǝnlǝr bolup, jamaǝt qedirida ix ⱪilidiƣan ⱨǝrbiri, yǝni Pǝrwǝrdigarning Musaning wastisi bilǝn ⱪilƣan ǝmri boyiqǝ Musa bilǝn Ⱨarun sanaⱪtin ɵtküzgǝnlǝr idi.
42-43 Mǝrarilarning ata jǝmǝti, aililiri boyiqǝ, ottuz yaxtin ǝllik yaxⱪiqǝ bolƣan, jamaǝt qedirida hizmǝt ⱪilix sepigǝ kirǝlǝydiƣan ⱨǝmmisi sanaⱪtin ɵtküzüldi; 44 ata jǝmǝti, aililiri boyiqǝ sanaⱪtin ɵtküzülgǝnlǝr jǝmiy üq ming ikki yüz kixi bolup qiⱪti. 45 Muxular Mǝrari jǝmǝtidin sanaⱪtin ɵtküzülgǝnlǝr bolup, jamaǝt qedirida ix ⱪilidiƣan ⱨǝrbiri, yǝni Pǝrwǝrdigarning Musaning wastisi bilǝn ⱪilƣan ǝmri boyiqǝ Musa bilǝn Ⱨarun sanaⱪtin ɵtküzgǝnlǝr idi.
46-47 Sanaⱪtin ɵtküzülgǝn Lawiylar mana xular idi; Musa bilǝn Ⱨarun ⱨǝm Israillarning ǝmirliri ulardin ata jǝmǝti, aililiri boyiqǝ, ottuz yaxtin ǝllik yaxⱪiqǝ bolƣan, jamaǝt qedirida hizmǝt ⱪilix wǝ yük kütürüx wǝzipisigǝ kirǝlǝydiƣanlarni sanaⱪtin ɵtküzgǝn. 48 Ularning sani jǝmiy sǝkkiz ming bǝx yüz sǝksǝn adǝm bolup qiⱪti. 49 Pǝrwǝrdigarning ǝmri boyiqǝ, ular Musa tǝripidin sanaⱪtin ɵtküzüldi; ⱨǝrkim ɵzi ⱪilidiƣan Ixi wǝ kɵtüridiƣan yükigǝ asasǝn sanaⱪtin ɵtküzüldi. Bularning ⱨǝmmisi Pǝrwǝrdigarning Musaƣa ǝmr ⱪilƣinidǝk boldi.
□4:3 «ix-hizmǝt ⱪilixⱪa kelǝlǝydiƣanlar» — ibraniy tilida «ix-hizmǝt ⱪilixⱪa kelǝlǝydiƣan ⱪoxun» degǝn sɵzlǝr bilǝn ipadilinidu.
□4:6 «delfinning terisi» — yaki «dengiz eyiⱪining terisi» yaki «borsuⱪning terisi».
□4:7 «tǝⱪdim nan xirǝsi» — yaki «ⱨuzuriy nan xirǝsi» («Hudaning ⱨuzuridiki nan»lar) — Muxu yǝrdǝ pǝⱪǝt «Hudaning ⱨuzuridiki xirǝ» degǝn sɵz bilǝn ipadilinidu. Nanlar wǝ altun xirǝ toƣruluⱪ «Mis.» 25:23-30 wǝ «Law.» 24:5-9ni kɵrüng. «daimiy nan» — «tǝⱪdim nan»ning baxⱪiqǝ atilixi.
□4:11 «altun huxbuygaⱨ» — ibraniy tilida «altun ⱪurbangaⱨ».
■4:16 Mis. 29:40; 30:23,24,34,35
□4:20 «ular pǝⱪǝt ... bir dǝⱪiⱪimu ⱪarimisun» — demǝk, Ⱨarunning oƣulliri kaⱨinlar muⱪǝddǝs buyumlarni yepiwatⱪan waⱪitta muⱪǝddǝs qedirƣa kirmǝsliki kerǝk, pǝⱪǝt buyumlar yepilƣandin keyin kirixkǝ bolidu.
□4:22-23 «hizmǝt ⱪilix sepigǝ kirǝlǝydiƣanlar» — ibraniy tilida «jǝnggǝ qiⱪalaydiƣan ⱪoxundikilǝr» degǝn sɵzlǝr bilǝn ipadilinidu. Iqki mǝnisi, xübⱨisizki, kaⱨinlarning muⱪǝddǝs jayda Israil üqün ⱪurbanliⱪlarni ɵtküzüp, ularƣa roⱨiy wǝkil boluxi Israillar üqün jin-xǝytanlar bilǝn roⱨiy urux hizmiti ⱪilƣanƣa barawǝr.
□4:25 «astidiki iqki pǝrdiliri wǝ sirtⱪi pǝrdiliri» — ibraniy tilida «turalƣuning pǝrdiliri wǝ jamaǝt qediri». Mǝnisi qoⱪum tǝrjimimizdǝk bolidu. Qedirning tɵt ⱪǝwǝt yopuⱪi bar idi; (1) iqki pǝrdiliri; (2) ɵqkǝ teriliri; (3) ⱪizil buyalƣan ⱪoqⱪar teriliri; (4) delfin teriliri. Bǝzi waⱪitlarda 2-ⱪǝwiti, yǝni ɵqkǝ terisidin etilgǝn pǝrdilǝr «jamaǝt qedir»ning ɵzi dǝp ⱨesablinatti. «Misirdin qiⱪix» 25؛1-15ni kɵrüng.
□4:30 «hizmǝt ⱪilix sepigǝ kirǝlǝydiƣanlar» — 23-ayǝtni wǝ izaⱨatini kɵrüng.
□4:34-35 «sepigǝ kirǝlǝydiƣanlar» — 23-ayǝtni wǝ izaⱨatini kɵrüng. 39-, 43-ayǝttǝ ohxax sɵzlǝr tepilidu.