11
11-küy •••• «Ⱪeni, ⱪaqmamsǝn?»
1 Nǝƣmiqilǝrning bexiƣa tapxurulup oⱪulsun dǝp, Dawut yazƣan küy: —
Pǝrwǝrdigarni baxpanaⱨim ⱪildim;
Əmdi silǝr ⱪandaⱪmu manga: «Ⱪuxtǝk ɵz teƣingƣa uqup ⱪaq!
2 Qünki mana, rǝzillǝr kamanni tartip,
Ⱪarangƣuluⱪtin kɵngli duruslarƣa ⱪaritip atmaⱪqi bolup,
Ular oⱪni kiriqⱪa selip ⱪoydi;
3 «Ullar ⱨalak ⱪilinsa,
Əmdi ⱨǝⱪⱪaniylar nemimu ⱪilar?»» — dǝwatisilǝr?□«Ullar ⱨalak ⱪilinsa,..» — «Ullar» jamaǝtning yaki jǝmiyǝtning ullirini kɵrsitidu.
4 Pǝrwǝrdigar Ɵzining muⱪǝddǝs ibadǝthanisididur,
Pǝrwǝrdigarning tǝhti asmanlardidur;
U nǝzǝr salidu,
Uning sǝzgür kɵzliri insan balilirini kɵzitip, sinaydu.□«Uning sǝzgür kɵzliri insan balilirini kɵzitip, sinaydu» — «Uning sǝzgür kɵzliri» ibraniy tilida «uning kɵz ⱪapaⱪliri».
5 Pǝrwǝrdigar ⱨǝⱪⱪaniy adǝmni sinaydu;
Rǝzillǝrgǝ wǝ zorawanliⱪⱪa huxtarlarƣa u iq-iqidin nǝprǝtlinidu.
6 U rǝzillǝrgǝ ⱪapⱪanlar, ot wǝ günggürtni yaƣduridu;
Piȥƣirim ⱪiziⱪ xamal ularning ⱪǝdǝⱨidiki nesiwisi bolidu.□«Piȥƣirim ⱪiziⱪ Xamal ularning ⱪǝdǝⱨidiki nesiwisi bolidu» — «ularning ⱪǝdǝⱨidiki nesiwisi» kinayilik, ⱨǝjwiy gǝp.
7 Qünki Pǝrwǝrdigar ⱨǝⱪⱪaniydur;
Ⱨǝⱪⱪaniyliⱪ Uning amriⱪidur;
Kɵngli duruslar Uning didarini kɵridu.
□11:3 «Ullar ⱨalak ⱪilinsa,..» — «Ullar» jamaǝtning yaki jǝmiyǝtning ullirini kɵrsitidu.
□11:4 «Uning sǝzgür kɵzliri insan balilirini kɵzitip, sinaydu» — «Uning sǝzgür kɵzliri» ibraniy tilida «uning kɵz ⱪapaⱪliri».
□11:6 «Piȥƣirim ⱪiziⱪ Xamal ularning ⱪǝdǝⱨidiki nesiwisi bolidu» — «ularning ⱪǝdǝⱨidiki nesiwisi» kinayilik, ⱨǝjwiy gǝp.