3
Rutning hamanƣa berip, Boaz bilǝn kɵrüxüx
1 Xu künlǝrdǝ, ⱪeynanisi Naomi uningƣa: — Əy ⱪizim, ⱨal-ǝⱨwalingning yahxi boluxi üqün, sening aram-bǝhtingni izdimǝymǝnmu?□«Sening aram-bǝhtingni izdimǝymǝnmu?» - Naomining muxu «aram-bǝht» degini Rutni ⱪaytidin ɵy-oqaⱪliⱪ ⱪilixni kɵrsitidu. 2 Sǝn dedǝkliri bilǝn ixligǝn Boaz bizgǝ tuƣⱪan kelidu ǝmǝsmu? Mana, bügün ahxam u hamanda arpa soruydu. 3 Əmdi sǝn yuyunup-tarinip, ɵzünggǝ ǝtirlik may sürüp, esil kiyimliringni kiyip, hamanƣa qüxkin; lekin u ǝr kixi yǝp-iqip bolmiƣuqǝ, ɵzüngni uningƣa kɵrsǝtmigin.□«Ɵzünggǝ ǝtirlik may sürüp» - ibraniy tilida «ɵzüngni mǝsiⱨ ⱪilip» yaki «ɵzüngni mǝsiⱨlǝp». 4 U yatⱪanda uning uhlaydiƣan yerini kɵrüwal. Andin sǝn kirip, ayaƣ tǝripini eqip, xu yǝrdǝ yetiwalƣin. Andin u sanga nemǝ ⱪilix kerǝklikini eytidu, — dedi.
5  Rut uningƣa: — Sǝn nemǝ desǝng mǝn xuni ⱪilimǝn, — dedi. 6 U hamanƣa qüxüp, ⱪeynanisi uningƣa tapiliƣandǝk ⱪildi. 7 Boaz yǝp-iqip, kɵnglini hux ⱪilip qǝxning ayiƣiƣa berip yatti. Andin Rut xǝpǝ qiⱪarmay kelip, ayaƣ tǝripini eqip, xu yǝrdǝ yatti. 8 Yerim keqidǝ Boaz qɵqüp, aldiƣa engixkǝndǝ, mana bir ayal ayiƣida yatatti!□«Qɵqüp, ...» - baxⱪa birhil tǝrjimisi «titrǝp ketip, ...». Ⱨeqbolmiƣanda, Boaz putliriƣa soƣuⱪ urulƣanda oyƣinip kǝtkǝn bolsa kerǝk. «Engixkǝndǝ» - baxⱪa birhil tǝrjimisi «ɵrülgǝndǝ»
9 Kim sǝn?! — dǝp soridi u.
Rut jawabǝn: — Mǝn hizmǝtkaring Rut bolimǝn. Sǝn mening ⱨǝmjǝmǝt-nijatkarim bolƣining üqün hizmǝtkaringning üstigǝ tonungning etikini yeyip ⱪoyƣaysǝn, — dedi.□«Hizmǝtkaring» — oⱪurmǝnlǝrning esidǝ barki, ibraniy tilida «dedǝk»ni tǝswirlǝydiƣan ikki sɵz bar. Bu ayǝttǝ Rut ornini yuⱪiriraⱪ kɵrsitidiƣan sɵzni ɵzigǝ ixlǝtti (2:13ni wǝ izaⱨatni kɵrüng) «Ⱨǝmjǝmǝt-nijatkar» degǝn uⱪum toƣruluⱪ 2:20ni wǝ izaⱨatni kɵrüng. «Toningning etikini hizmǝtkaringning üstigǝ yepip ⱪoyƣaysǝn» - Rut eytⱪan «Toningning etikini hizmǝtkaringning üstigǝ yepip ⱪoyƣaysǝn» degǝn ibarǝ: — «Meni sayǝngning astiƣa alƣin, meni ǝmringgǝ alƣin» degǝnni wǝ ɵzining Boazning ayali boluxⱪa razi ikǝnlikini bildüridu. Hudamu Israilni ɵz ⱪaniti astiƣa alƣanliⱪi toƣruluⱪ xu sɵzni ⱪilƣan — «Əz.» 16:8ni kɵrüng.
10 U jawabǝn: — Əy ⱪizim, Pǝrwǝrdigardin bǝht-bǝrikǝt tapⱪaysǝn! Sening keyin kɵrsǝtkǝn sadaⱪǝt-meⱨribanliⱪing ilgiri kɵrsǝtkiningdinmu artuⱪtur; qünki seni izdigǝn yigitlǝr, mǝyli kǝmbǝƣǝl bolsun, bay bolsun, ularning kǝynidin kǝtmiding.□«Seni izdigǝn yigitlǝr» - Boazning sɵzigǝ ⱪariƣanda (xübⱨisizki, u ⱨǝm tirixqan ⱨǝm qirayliⱪ bolƣaqⱪa) Rutni birⱪanqǝ yigit izdǝp kǝlgǝn. Lekin Rut ɵz mǝyligǝ ǝgixip ularni tallimay, bǝlki orniƣa ⱪeynanisi Naomiƣa yahxi bolsun dǝp rǝⱨmǝtlik erigǝ «ⱨǝmjǝmǝt-nijatkar» bolƣan Boazning panaⱨliⱪini izdigǝn. Xuning bilǝn Boaz Rutning ⱪilƣini toƣruluⱪ: «Sening keyin kɵrsǝtkǝn sadaⱪǝt-meⱨribanliⱪing ilgiri kɵrsǝtkiningdinmu artuⱪtur» dǝydu. Rutning «ilgiri kɵrsǝtkǝn (sadaⱪǝt-meⱨribanliⱪi)» bolsa ⱪeynanisiƣa bolƣan sadaⱪǝtlikini, uningƣa ⱨǝmraⱨ bolup ɵz yurtini taxlap Israillarning arisiƣa kǝlgǝnlikini kɵrsitidu. Boazning «Sǝn keyin kɵrsǝtkǝn sadaⱪǝt-meⱨribanliⱪ» degini bolsa ɵzini izdigǝnlikini kɵrsitidu. 11 I ⱪizim, ǝmdi ⱪorⱪmiƣin! Deginingning ⱨǝmmisini orundap berimǝn; qünki pütkül xǝⱨirimizdiki mɵtiwǝrlǝr seni pǝzilǝtlik ayal dǝp bilidu.□«Pütkül xǝⱨirimizdiki mɵtiwǝrlǝr» - ibraniy tilida «hǝlⱪimning xǝⱨirining dǝrwazisidiki kixilǝr» — ⱪǝdimki zamanda «xǝⱨǝrning dǝrwazisi» aⱪsaⱪallar wǝ mɵtiwǝrlǝr olturidiƣan jay idi; xu yǝrdǝ sot eqilatti. Xunga Boazning sɵzining toluⱪ mǝnisi «Mening xǝⱨirimdiki barliⱪ mɵtiwǝrlǝr seni pǝzilǝtlik ayal dǝp ⱪaraydu».
12  Durus, sanga ⱨǝmjǝmǝt-nijatkar bolƣinim rast; lekin sening mǝndin yeⱪinraⱪ yǝnǝ bir ⱨǝmjǝmǝting bar. 13 Əmdi keqiqǝ bu yǝrdǝ ⱪalƣin; ǝtǝ sǝⱨǝrdǝ ǝgǝr u ⱨǝmjǝmǝtlik ⱨoⱪuⱪini ixlitip seni elixni halisa, u alsun; lekin ⱨǝmjǝmǝtlik ⱨoⱪuⱪi boyiqǝ seni almisa, Pǝrwǝrdigarning ⱨayati bilǝn ⱪǝsǝm ⱪilimǝnki, mǝn sanga ⱨǝmjǝmǝtlik ⱪilip seni alay. Tang atⱪuqǝ bu yǝrdǝ yetip turƣin! — dedi.
14 U uning ayiƣida tang atⱪuqǝ yetip, kixilǝr bir-birini tonuƣudǝk boluxtin burun ⱪopti. Qünki Boaz: — bir ayalning hamanƣa kǝlginini ⱨeqkim bilmisun, dǝp eytⱪanidi.□«Eytⱪanidi» - ibraniy tilida «eytⱪanidi» yaki «oyliƣanidi» degǝn mǝnǝ birla sɵz bilǝn ipadilinidu. Biz bu yǝrdǝ «eytⱪanidi» dǝp tǝrjimǝ ⱪilduⱪ.
15 U yǝnǝ Rutⱪa: — Sǝn kiygǝn yepinqini eqip turƣin, dedi. U uni eqip turuwidi, Boaz arpidin altǝ kǝmqǝn kǝmlǝp berip, uning ɵxnisigǝ artip ⱪoydi. Andin u xǝⱨǝrgǝ kirdi. □«Altǝ kǝmqǝn» - bǝlkim «altǝ ǝfaⱨ», yǝni 27-45 kilogramni kɵrsitixi mumkin. 16 Rut ⱪeynanisining yeniƣa kǝldi. U: — Əy ⱪizim, sǝn ⱨazir kim?! — dǝp soridi. Xuning bilǝn u ⱪeynanisiƣa u kixining ⱪilƣanlirining ⱨǝmmisini dǝp bǝrdi. □«Sǝn ⱨazir kim?» - Naomining bu soali bilǝn Rutning ⱨazirⱪi salaⱨiyitini soraydu: u: «Ⱨazir sǝn Boazning ayali boldungmu-yoⱪ?» degǝn mǝnini bildüridu. 17 U: — U bu altǝ kǝmqǝn arpini manga bǝrdi, qünki u: «ⱪeynanangning yeniƣa ⱪuruⱪ ⱪol ⱪaytip barmiƣin» dedi, — dedi.
18 Naomi: — Əy ⱪizim, bu ixning ahirining ⱪandaⱪ bolidiƣinini bilgüqǝ muxu yǝrdǝ tǝhir ⱪilƣin; qünki u adǝm bügün muxu ixni pütküzmǝy aram almaydu, dedi.
 
 

□3:1 «Sening aram-bǝhtingni izdimǝymǝnmu?» - Naomining muxu «aram-bǝht» degini Rutni ⱪaytidin ɵy-oqaⱪliⱪ ⱪilixni kɵrsitidu.

□3:3 «Ɵzünggǝ ǝtirlik may sürüp» - ibraniy tilida «ɵzüngni mǝsiⱨ ⱪilip» yaki «ɵzüngni mǝsiⱨlǝp».

□3:8 «Qɵqüp, ...» - baxⱪa birhil tǝrjimisi «titrǝp ketip, ...». Ⱨeqbolmiƣanda, Boaz putliriƣa soƣuⱪ urulƣanda oyƣinip kǝtkǝn bolsa kerǝk. «Engixkǝndǝ» - baxⱪa birhil tǝrjimisi «ɵrülgǝndǝ»

□3:9 «Hizmǝtkaring» — oⱪurmǝnlǝrning esidǝ barki, ibraniy tilida «dedǝk»ni tǝswirlǝydiƣan ikki sɵz bar. Bu ayǝttǝ Rut ornini yuⱪiriraⱪ kɵrsitidiƣan sɵzni ɵzigǝ ixlǝtti (2:13ni wǝ izaⱨatni kɵrüng) «Ⱨǝmjǝmǝt-nijatkar» degǝn uⱪum toƣruluⱪ 2:20ni wǝ izaⱨatni kɵrüng. «Toningning etikini hizmǝtkaringning üstigǝ yepip ⱪoyƣaysǝn» - Rut eytⱪan «Toningning etikini hizmǝtkaringning üstigǝ yepip ⱪoyƣaysǝn» degǝn ibarǝ: — «Meni sayǝngning astiƣa alƣin, meni ǝmringgǝ alƣin» degǝnni wǝ ɵzining Boazning ayali boluxⱪa razi ikǝnlikini bildüridu. Hudamu Israilni ɵz ⱪaniti astiƣa alƣanliⱪi toƣruluⱪ xu sɵzni ⱪilƣan — «Əz.» 16:8ni kɵrüng.

□3:10 «Seni izdigǝn yigitlǝr» - Boazning sɵzigǝ ⱪariƣanda (xübⱨisizki, u ⱨǝm tirixqan ⱨǝm qirayliⱪ bolƣaqⱪa) Rutni birⱪanqǝ yigit izdǝp kǝlgǝn. Lekin Rut ɵz mǝyligǝ ǝgixip ularni tallimay, bǝlki orniƣa ⱪeynanisi Naomiƣa yahxi bolsun dǝp rǝⱨmǝtlik erigǝ «ⱨǝmjǝmǝt-nijatkar» bolƣan Boazning panaⱨliⱪini izdigǝn. Xuning bilǝn Boaz Rutning ⱪilƣini toƣruluⱪ: «Sening keyin kɵrsǝtkǝn sadaⱪǝt-meⱨribanliⱪing ilgiri kɵrsǝtkiningdinmu artuⱪtur» dǝydu. Rutning «ilgiri kɵrsǝtkǝn (sadaⱪǝt-meⱨribanliⱪi)» bolsa ⱪeynanisiƣa bolƣan sadaⱪǝtlikini, uningƣa ⱨǝmraⱨ bolup ɵz yurtini taxlap Israillarning arisiƣa kǝlgǝnlikini kɵrsitidu. Boazning «Sǝn keyin kɵrsǝtkǝn sadaⱪǝt-meⱨribanliⱪ» degini bolsa ɵzini izdigǝnlikini kɵrsitidu.

□3:11 «Pütkül xǝⱨirimizdiki mɵtiwǝrlǝr» - ibraniy tilida «hǝlⱪimning xǝⱨirining dǝrwazisidiki kixilǝr» — ⱪǝdimki zamanda «xǝⱨǝrning dǝrwazisi» aⱪsaⱪallar wǝ mɵtiwǝrlǝr olturidiƣan jay idi; xu yǝrdǝ sot eqilatti. Xunga Boazning sɵzining toluⱪ mǝnisi «Mening xǝⱨirimdiki barliⱪ mɵtiwǝrlǝr seni pǝzilǝtlik ayal dǝp ⱪaraydu».

□3:14 «Eytⱪanidi» - ibraniy tilida «eytⱪanidi» yaki «oyliƣanidi» degǝn mǝnǝ birla sɵz bilǝn ipadilinidu. Biz bu yǝrdǝ «eytⱪanidi» dǝp tǝrjimǝ ⱪilduⱪ.

□3:15 «Altǝ kǝmqǝn» - bǝlkim «altǝ ǝfaⱨ», yǝni 27-45 kilogramni kɵrsitixi mumkin.

□3:16 «Sǝn ⱨazir kim?» - Naomining bu soali bilǝn Rutning ⱨazirⱪi salaⱨiyitini soraydu: u: «Ⱨazir sǝn Boazning ayali boldungmu-yoⱪ?» degǝn mǝnini bildüridu.

© 2010 Mukeddes Kalam - Uyghur Bible Translation Committee