4
Hasorow La Woal Laeng
1 Wol miril mele ngo isa kalloh isala wiri sew hatam le sa sugeg loh mo woal leang.
Iwe ngo isa rongrong lliyalol sew formel le ye wochog yalol rappa we isa moal rongrong yalol yal maliliy ngalyey le ye sor bo, “Bidah iga, ibe kewar ngalug mekla ye tugul le yebe weldoh mo wol miril mele.” 2 Irel yodla chog ngo Espritu Santus sa bidiy uwoy. Ye mel sew chiya kowe liliyer tamol woal laeng, le ye mel semal yarmat le ye maroro uwol.4:2–3; Ez 1:26–28; 10:1 3 Wol mala metal ila ye ddoldol le ye wochog feas kowe ye cchow paliyel, tappel jasper mo carnelian. Iwe ngo sew loluyor ye tebalili chiya we liliyer tamol le ye ddoldol le ye wochog sew emerald. 4 Ngo riyeg mo faw chiya kowe liliyer tamol le ye wol tabalili molwe liliyer tamol, le ye maroro riyeg mo famal mal kowe re tagiyet iyang. Re mengag irel mengag kowe ye bbech ngo re yaya cholfach kowe hoal we yar tamol. 5 Iwe ngo ye fiffis ngo ye ngung ngung parr mo irel chiya we liliyer tamol. Ngo imol chiya we ila ye mel fisyey dul le ye bulbul iyang, le ikla espritu kowe fismol we re ye yengang ngal Deus.Ex 19:16; Rev 8:5; 11:19; 16:18; Ez 1:13; Rev 1:4; Zec 4:2 6 Iwe ngo imol chiya we liliyer tamol ila ye chalgos loh ngo ye ffod le ye wochog sedep pipiy.
Iwe ngo ye wol mel famal angelus le re tebalili chiya we liliyer tamol le pangal lobos mo uwor ngo meter.Ez 1:224:6–7; Ez 1:5–10; 10:14 7 Ila metamo ila ye wochog semal raywong; ila harumalel ila ye wochog semal karbow; ila hasolmolol ila ye wululul wol metael semal yarmat; iwe ngo mala hafamalel ila ye wululul semal raguy kowe ye yeyal. 8 Iwe ngo be semal ir angelus kowe famal ngo wolre paol le igegel paol mael yeyal kowe, ngo pangal loh wol mokwe payur mo fael mekla payur ngo yor meter iyang. Ngo lerrael mo llubong ngo re tema ppoloh mo irel yewawal ton le rema sor bo:
“Santus, santus, santus, Samol Deus le pangal ngo ma yoh irel,
ngo ye faesul mel igla, ngo ye mel igawe, ngo yebe chil budoh.”Ez 1:18; 10:12; Is 6:2–3
9 Ir angelus kowe famal ila re totonel hapingping mo hasorow ngo re wol kangalu yal hachigchig yeramtawe ye maroro wol chiya we ye tagiyet, yeramtawe ye molow le tor siyal. Iwe ngo yodla rebe foru mele, 10 ngo mal kowe riyeg mo famal rema ppung hasubgudiy imol yeramtawe semal we ye marro wol chiya we ye tagiyet, ngo resa hasrowu bo iy mele molow la tor siyal. Iwe ngo rema ppedadiy chol fechal tamol kowe yar imol chiya we liliyal ngo resa sor bo,
11 “Yamem Samol ngo yamem Deus! Gel mele ye fel igegam
le habe hapingpingah ngo ha hasrowug irel mala kelem.
Bo gel mele ho foru pangal formel.
Ngo gel mele yam luluwal le rebe sub ngo re molow.”