ଯୋହନଙ୍କ ଲିଖିତ ଦ୍ୱିତୀୟ ପତ୍ର
ଯୋହାନ୍ ଅଲାକାଦ୍ ଏଟାଃ ଚିଟାଉ
ପାରିଚାଏ
ଯୋହାନ୍ ଅଲାକାଦ୍ ଏଟାଃ ଚିଟାଉ ୟୀଶୁ ଖ୍ରୀଷ୍ଟ୍ଆଃ ଜାନାମ୍ରେୟାଃ ୫୦-୧୦୦ କରେ ପ୍ରେରିତ୍ ଯୋହାନ୍ ହରାତେ ଅଲାକାନ୍ ତାଇକେନା । ଯୋହାନ୍ ଆପାନ୍କେ ଅନଲ୍ନିଃ ଲେକା ପାରିଚାଏ କାଏ ଏମାଃ, ଏନାରେୟାଃ ବାଦ୍ଲାରେ ଇନିଃ ଆପାନ୍କେ ପ୍ରାଚିନ୍ ମେନ୍ତେ ପାରିଚାଏ ଏମାଃଏ । ଯୋହାନ୍ଆଃ ଏଟାଃ ଚିଟାଉରେୟାଃ ଅନଲ୍ ବିଷାଏକ ଯୋହାନ୍ ଅଲାକାଦ୍ ସୁକୁକାଜିଲଃ ମିଦ୍ସାମାନ୍ଗିଆ । ନେଆଁ ବିଶେଷ୍କେଦ୍ତେ ୟୀଶୁକେ ଅକଲେକା, ଇନିଃ ମିହୁଡ଼୍ ଆଡଃମିହୁଡ଼୍କେ ଦୁଲାଡ଼୍ ବିଷାଏରେ ୟୀଶୁଆଃ ଆନାଚୁକେ ଲାଗାତିଙ୍ଗ୍ ତାନାଃ ମେନ୍ତେ କାଜିୟାଃ, ଏନ୍ ଲେକାଗି ୟୀଶୁଆଃ ଆନାଚୁ ମାନାତିଙ୍ଗ୍ତେୟାଃ ହବାଃଅ ତାନାଃ, ଆଇଃକ୍କେ ଦୁଲାଡ଼୍ତେୟାଃ ୨ ଯୋହାନ୍ ୧:୫-୬; ଯୋହାନ୍ ୧୫:୯-୧୦ । ନେଆଁ ବିଶ୍ୱାସଃ ତାନା ଯେ, ଯୋହାନ୍ ଏଫିସୁସ୍ରେ ତାଇନ୍ତାନ୍ ଇମ୍ତା, ଯୋହାନ୍ ସୁକୁକାଜିଲଃ ଯୋହାନ୍ଆଃ ଆପିୟା ଚିଟାଉ ହଗି ଅଲାକାନ୍ ତାଇକେନା, ଏନା ହବାଅଃତାନା, ୧ ଯୋହାନ୍, ୨ ଯୋହାନ୍, ୩ ଯୋହାନ୍ ।
ଯୋହାନ୍ ନେ ଚିଟାଉରେ ସାଲାକାନ୍ କୁଡ଼ି ଆଡଃ ଆୟାଃ ହନ୍କ ବିଷାଏରେ ପାରିଚାଏ ଏମାକାଦାଏ, ଇନିଃ ଏନା କାଲିସିୟାକେ କାଜିକାଦା । ଯୋହାନ୍ଆଃ ନେ ଚିଟାଉ ଅନଲ୍ରେୟାଃ ଉଦ୍ଦେଶ୍ ତାନାଃ, ବିଶ୍ୱାସୀକକେ ଜୀଉରେ ରାସ୍କା ଏମ୍ ଆଡଃ ହସଡ଼ ଇତୁକତାଃଏତେ ଚିର୍ଗାଲ୍କେଦ୍ତେ ତାଇନଃତେୟାଃ ତାନାଃ ।
ପୁଥି ଭିତାର୍ରେ ଅଲାକାନ୍ କାଜି
୧. ଯୋହାନ୍ ନେ ଚିଟାଉରେ ଅକଏୟାଃ ନାଗେନ୍ତେ ଅଲେତାନା, ନେଆଁ କାଜିକେଦ୍ତେ ଆୟାଃ ତେଲାଦାରମ୍କକେ ଜହାର୍ କାଜିୟାଏ । ୧:୧-୩
୨. ଯୋହାନ୍ କାଲିସିୟାକେ ଜୀଉରେ ରାସ୍କା ଏମ୍କେଦ୍ତେ ମାରାଙ୍ଗ୍ ଆନ୍ଚୁ ବିଷାଏରେ ପାହାମ୍ଇଚିକ ତାନା । ୧:୪-୬
୩. ଯୋହାନ୍ ହସଡ଼ ଇତୁକଆଃ ବିଷାଏରେ ଚେତାଅକତାନା । ୧:୭-୧୧
୪. ଯୋହାନ୍ ଅକ୍ତାଃରେ ତାଇନଃତାନା ଏନ୍ତାଃରେନ୍ ବିଶ୍ୱାସୀକକେ ଜହାର୍ କାଜିକେଦ୍ତେ ଅନଲ୍ ଅଲ୍ ଚାବାଏତାନାଏ । ୧:୧୨-୧୩
୧
୧ ପ୍ରାଚିନ୍ ଯୋହାନ୍ ଆଇଙ୍ଗ୍ ତାନିଙ୍ଗ୍, ମିଆଁଦ୍ ସାଲାକାନ୍ ଆଣ୍ଦି କୁଡ଼ି ଆଡଃ ଆୟାଃ ହନ୍କ*ଆଣ୍ଦି କୁଡ଼ି ଆଡଃ ଆୟାଃ ହନ୍କ, ମେନ୍ତେ କାଜିଲେରେ ହବାସାକାଅଆଃ କାଲିସିୟା ଆଡଃ କାଲିସିୟାରେନ୍ ହଡ଼କକେ କାଜିୟାକାନାତାଃତେ ନେ ଚିଟାଉ ଅଲେତାନାଇଙ୍ଗ୍ । ଇନ୍କୁକେ ଆଇଙ୍ଗ୍ ସାର୍ତିଗିଙ୍ଗ୍ ଦୁଲାଡ଼୍କ ତାନା, ଆଡଃ ଆଇଙ୍ଗ୍ ଏସ୍କାର୍ କା, ମେନ୍ଦ ସାର୍ତି ସାରିକାଦ୍ ସବେନ୍କହଁ ଦୁଲାଡ଼ାଃକ । ୨ ଚିୟାଃଚି ଏନ୍ ସାର୍ତି ଆବୁରେ ତାଇନଃତାନା ଆଡଃ ଜାନାଅ ଜାକେଦ୍ ଆବୁଲଃ ତାଇନାଃ ।
୩ ଆପୁ ପାର୍ମେଶ୍ୱାର୍ ଆଡଃ ଏନ୍ ଆପୁଆଃ ହନ୍ ୟୀଶୁ ଖ୍ରୀଷ୍ଟ୍ତାଃଏତେ ସାୟାଦ୍, ଲିବୁଇ ଆଡଃ ଜୀଉସୁକୁ ଆବୁଲଃ ସାର୍ତି ଆଡଃ ଦୁଲାଡ଼୍ରେ ତାଇନ୍କା ।
ସାନାର୍ତି ଆଡଃ ଦୁଲାଡ଼୍
୪ ଆପୁ ପାର୍ମେଶ୍ୱାର୍ଆଃ ଆନାଚୁ ଲେକା ଆମାଃ ଚିମିନ୍ ହନ୍କ ସାନାର୍ତିରେ ସେସେନ୍ତାନ୍ ନେଲ୍କେଦ୍ତେ ଆଇଙ୍ଗ୍ ପୁରାଃଗିଇଙ୍ଗ୍ ସୁକୁୟାନା । ୫ ✡ଯୋହାନ୍ ୧୩:୩୪; ୧୫:୧୨,୧୭.ହେ ଦୁଲାଡ଼୍ ମାଈ, ନାହାଁଃ ଆଇଙ୍ଗ୍ ନାୱା ଆନ୍ଚୁ ଅଲେତାନ୍ ଲେକାଦ କାହା ମେନ୍ଦ ମୁନୁଏତେ ଆବୁତାଃରେ ତାଇକେନ୍ ଆନ୍ଚୁକେଗି ଅଲ୍ତାନ୍ଲଃ ବିନ୍ତିପେତାନାଇଙ୍ଗ୍ ଯେ, ଆବୁ ସବେନ୍କ ଦୁପୁଲାଡ଼୍ରେଗିବୁ ତାଇନ୍କା । ୬ ଆଡଃ ଆବୁ ପାର୍ମେଶ୍ୱାର୍ଆଃ ଆନ୍ଚୁଲେକାବୁ ସେସେନ୍ତାନା, ନେଆଁଁଗି ସାର୍ତି ଦୁଲାଡ଼୍ ତାନାଃ । ଆଡଃ ଆପେ ମୁନୁଏତେ ଆୟୁମାକାଦ୍ ଲେକାଗି ସେସେନ୍ପେ, ନେଆଁଁଗି ଏନ୍ ଆନାଚୁ ତାନାଃ ।
୭ ଆଇଙ୍ଗ୍ ନେଆଁ କାଜିତାନାଇଙ୍ଗ୍ ଚିଆଃଚି ପୁରାଃ ବେଦାହଡ଼କ ଅତେଦିଶୁମ୍ରେକ ଅଡଙ୍ଗ୍କାନା । ଜେତାଏ ୟୀଶୁ ଖ୍ରୀଷ୍ଟ୍କେ ମାନୱା ହଡ଼୍ମରେ ହିଜୁଃୟାନା ମେନ୍ତେ କା ମାନାତିଙ୍ଗ୍ନିଃଗି ବେଦାହଡ଼ ଆଡଃ ୟୀଶୁ ଖ୍ରୀଷ୍ଟ୍ଆଃ ବାଇରି ତାନିଃ । ୮ ଆଲେ ଆପେ ନାଗେନ୍ତେ କାମିକାଦ୍ତେୟାଃ ଆଲକାପେ ଆଦେ ଆଡଃ ପୁରା ନାଲା ନାମେ ନାଗେନ୍ତେ ଚିର୍ଗାଲାକାନ୍ପେ ।
୯ ଜେତାଏ ୟୀଶୁ ଖ୍ରୀଷ୍ଟ୍ଆଃ ଇନିତୁରେ କାଏ ତାଇନ୍ତାନା, ଏନ୍ ହଡ଼ତାଃରେ ପାର୍ମେଶ୍ୱାର୍ ବାଙ୍ଗାଇୟା । ଆଡଃ ଜେତାଏ ୟୀଶୁ ଖ୍ରୀଷ୍ଟ୍ଆଃ ଇନିତୁରେ ତାଇନ୍ତାନା, ଏନ୍ ହଡ଼ତାଃରେ ପାର୍ମେଶ୍ୱାର୍ ଆଡଃ ଆୟାଃ ହନ୍, ନେ ବାରାନ୍କିନ୍ ମେନାକିନା । ୧୦ ଜେତାଏ ଆପେତାଃତେ ହିଜୁଃକେଦ୍ତେ ନେ ଇନିତୁ କାଏ ଇତୁପେରେଦ, ଇନିଃକେ ଆପେୟାଃ ଅଡ଼ାଃତେ ଆଲ୍ପେ ଦାରମ୍ମିୟା ଆଡଃ “ଆମାଃ ଜୀଉସୁକୁ ହବାଅଃକା” ମେନ୍ତେ ଆଲ୍ପେ କାଜିୟା । ୧୧ ଜେତାଏ ଇନିଃକେ ଜହାରିନିଃ, ଇନିୟାଃ ଏତ୍କାନ୍ କାମିକରାଃ ହାନାଟିଙ୍ଗ୍ ନାମେୟାଏ ।
ଟୁଣ୍ଡୁ କାଜି
୧୨ ଆପେତାଃତେ ପୁରାଃ ଅଲ୍ ନାଗେନ୍ତେ ମେନାଃ, ମେନ୍ଦ କାଗାଜ୍ ଆଡଃ ସିହାଇତେ ଅଲ୍ ନାଙ୍ଗ୍ କାଇଙ୍ଗ୍ ସାନାଙ୍ଗ୍ତାନା । ଆପେତାଃତେ ହିଜୁଃକେଦ୍ତେ ନେପେଲ୍ରେଇଙ୍ଗ୍ ଜାଗାରେୟା ମେନ୍ତେଇଙ୍ଗ୍ ଆସ୍ରାଏ ତାନା, ଜେ'ଲେକାଚି ଆବୁଆଃ ସୁକୁରାସ୍କା ପୁରାଅଃଆ ।
୧୩ ପାର୍ମେଶ୍ୱାର୍ଆଃ ସାଲାକାନ୍ ଆମାଃ ମିଶି†ନେତାଃରେ ମିଶି, ମେନ୍ଲେରେ ହବାସାକାଅଆଃ କାଲିସିୟାକେ କାଜିୟାକାନାକଆଃ ହନ୍କ ଆମ୍କେ ଜହାର୍ କାଜିକୁଲ୍କାଦାକ ।