25
بِلددؔ
1 تَب بِلددؔ شوحی نے جَواب دیا:
2 ”خُدا سلطنت اَور دبدبہ کے مالک ہیں؛
وہ آسمان کی بُلندیوں میں اَمن قائِم رکھتے ہیں۔
3 کیا اُن کے لشکروں*لشکروں یا فرشتوں کی تعداد گنی جا سکتی ہے؟
وہ کون ہے جِس پر اُن کا سُورج نہیں چمکتا؟
4 پھر اِنسان کیسے خُدا کے حُضُور راست ٹھہر سَکتا ہے؟
جو عورت سے پیدا ہُوا ہو وہ کیسے پاک ہو سَکتا ہے؟
5 جَب چاند بھی رَوشن نہیں
اَور سِتارے اُن کی نظر میں پاک نہیں،
6 پھر بھلا اِنسان کا کیا ذِکر جو محض کیڑا ہے،
ایک آدمؔ زاد چیونٹی سے زِیادہ حیثیت نہیں رکھتا!“