7
1 Gimbbiyaa oosoi wurin, penggetuunikka sanqqai geliis. Qassi penggiyaa naagiyaageeti, mazamuriyaa yexxiyaageetinne Leewati bantta oosuwan oosuwan gelidosona. 2 Hegaappe guyyiyan, Yerusalaame katamaa aissiyo maataa ta ishaa Hanaanassinne qatuwaa gadaawaa Hanaaniyaassi immaas. Hanaanee hara ubbaappe aadhdhida tumanchchanne Xoossaassi yayyiya asa. 3 Taani eta hagaadan yaagada azazaas; “Maallado awai kiyidi ho77ana gakkanaashin, Yerusalaame gimbbiyaa penggeta dooyoppite. Qassi omarssi naagiyaageeti bantta oosuwaa wurssidi baanaappe kasetidi, penggeta mintti gorddanaadan oottite. Hegaa bollikka Yerusalaamen de7iya asaappe dooridi, issoi issoi kayan kayan naaganaadaaninne qassi harati bantta heeran de7iiddi, bantta keettaa ginaa ginaa naaganaadan oottite” yaagaas.
Omooduwaappe Simmida Asaa Sunttaa
4 He wode Yerusalaame katamai keehi aahonne gita; shin a giddon de7iya asaa qoodai keehi guutta. Qassi daro keettikka biron keexettibeenna. 5 Hegaappe guyyiyan, asaa kaalettiyaageeta, halaqatanne asa ubbaa shiishshada eta yeletaa maaran maaran mazggafana mala, Xoossai tana qofissiis. Omooduwaappe kasetidi simmida asaa yeletaa maaraa maxaafaakka demmaas; he maxaafan xaafettidaagee hagaa.
6 Baabiloone Kawoi Naabukadanaxoori omooddidi, ba biitti efiido asaappe guyye bantta katamaa katamaa Yerusalaamenne Yihudaa simmida asati hagaappe kaalliyaageeta. 7 Eta halaqati Zarubaabeela, Yaasa, Nahimiyaa, Azaariyaa, Ra7aamiyaa, Nahamaana, Marddikiyoosa, Bilishaana, Misppereeta, Bigiwaaya, Nahuumanne Ba7aana.
Omooduwaappe simmida Israa7eela asaa qoodai hagaa.
8 Par77oosha yarati 2,172.
9 SHafaaxiyaa yarati 372.
10 Araaha yarati 652.
11 Yaasunne Yoo7aaba naata gidiya Paahati-Moo7aaba yarati 2,818.
12 Elaama yarati 1,254.
13 Zattu yarati 845.
14 Zakkaaya yarati 760.
15 Biinuya yarati 648.
16 Bebaaya yarati 628.
17 Azggaada yarati 2,322.
18 Adooniqaama yarati 667.
19 Bigiwaaya yarati 2,067.
20 Adiina yarati 655.
21 Hizqqiyaasa yara gidiya Axeera yarati 98.
22 Hashuuma yarati 328.
23 Bexaaya yarati 324.
24 Hariifa yarati 112.
25 Gabaa7oona yarati 95.
26 Beetaliheemenne Naxoofa katamatu asai 188.
27 Anatoota katamaa asai 128.
28 Beeti-Azimaaweeta katamaa asai oitamanne naa77a.
29 Qiriyaati-Yi7aariima, Kafiiranne Ba7eroota katamatu asai 743.
30 Raamanne Gebaa7a katamatu asai 621.
31 Mikimaasa katamaa asai 122.
32 Beeteelenne Aaya katamatu asai 123.
33 Naa77antto Nabo giyo katamaa asai 52.
34 Naa77antto Elaama yarati 1,254.
35 Hariima katamaa asai 320.
36 Yarkko katamaa asai 345.
37 Looda, Hadiidanne Oono katamatu asai 721.
38 Sanaa7a katamaa asai 3,930.
39 Hageeti omooduwaappe simmida qeeseta:
Yaasu yara gidiya Yadaaya yarati 973;
40 Imeera yarati 1,052;
41 Paashihuura yarati 1,247;
42 Hariima yarati 1,017.
43 Hageeti omooduwaappe simmida Leewata:
Hodaawiyaa yara gidiya Yaasunne Qaadimi7eela yarati 74;
44 Asaafa yara gidiya mazamuriyaa yexxiyaageeti 148;
45 Beeta Maqidasiyaa penggiyaa naagiya
SHaaluuma, Axeera, Xalmmoona, Aqquuba, Haxiixanne SHobaaya yarati 138.
46 Hageeti omooduwaappe simmidi,
Beeta Maqidasiyan oottiya ashkkaratu yarata:
Xiiha yarata, Hasuufa yarata, Xabba7oota yarata, 47 Qeeroosa yarata, Sii7a yarata, Padoona yarata, 48 Labaana yarata, Hagaaba yarata, SHalmmaaya yarata, 49 Hanaana yarata, Giddeela yarata, Gahaara yarata, 50 Ra7aaya yarata, Raaxiina yarata, Naqoda yarata, 51 Gazzaama yarata, Uzza yarata, Paaseeha yarata, 52 Besaaya yarata, Me7uniima yarata, Nafushesiima yarata, 53 Baaqibuuqa yarata, Haquufa yarata, Harihuura yarata, 54 Baaxiliita yarata, Mahiida yarata, Harshsha yarata, 55 Barqqoosa yarata, Sisaara yarata, Temaaha yarata, 56 Naxiiha yaratanne Haxiifa yarata.
57 Hageeti omooduwaappe simmida Solomona ashkkaratu yarata:
Soxaaya yarata, Sofereeta yarata, Pariida yarata, 58 Yaa7ila yarata, Darqqoona yarata, Giddeela yarata, 59 SHafaaxiyaa yarata, Haxxiila yarata, Pokereti-Haxxabaima yaratanne Amoona yarata.
60 Omooduwaappe simmidi, Beeta Maqidasiyan oottiya ashkkaratu yaratunne Solomona ashkkaratu yaratu qoodai muleera 392.
61 Haratikka qassi, Telmmelaaha, Teliharshsha, Karuuba, Adoonanne Imeera giyo katamatuppe Yerusalaame simmidosona. SHin eti woikko eta aawati Israa7eela sheeshsha gidiyoogaa erissanau danddayibookkona. 62 Hegeeti Dalaaya, Xoobbiyaanne Naqoda yarata; eta qoodaikka muleera 642.
63 Qeesetuppe qassi Hobaaya yarati, Haqqooxa yaratinne Barzzillaaya yarati Yerusalaame simmidosona. Hagee Barzzillaaya giyoogee Gala7aade biitta asa gidiya Barzzillaaya na7iyo machchidi, ba bolluwaa sunttaa ekkiis. 64 Hageeti bantta yeletaa xaphuwaa eranau yeletaa maxaafan koyidosona, shin demmibookkona. Hegaa gishshau, eti tunadan qoodettidi, qeesetettan oottennaadan digettidosona. 65 Qassi Uriimiyaaninne Tumiimiyan shaakkidi pirddiya qeesee denddana gakkanaashin, eti geeshsha qumaappe maanau danddayennaagaa Aihudata haariyaagee etau yootiis.
66 Omooduwaappe Yihudaa biittaa simmida asaa qoodai muleera 42,360. 67 Hegaa bollikka qassi 7,337 attuma ashkkaratinne macca ashkkarati mazamuriyaa yexxiya 245 attumanne macca asati simmidosona. 68 Omooduwaappe muleera simmida asaa paratu qoodai 736; baquloti 245; 69 gaameelati 435; hareti qassi 6,720.
70 Yaratu halaqatuppe amaridaageeti oosuwaassi imotaa immidosona. Biittaa haariyaagee hosppun kilo giraame worqqaa, 50 disttetanne 530 qeesetu maayota immiis. 71 Yaratu halaqati 168 kilo giraame worqqaanne 1,250 kilo giraame biraa immidosona. 72 Attida asai muleera 168 kilo giraame worqqaa, 1,100 kilo giraame biraanne 67 qeesetu maayota immidosona.
73 Hegaappe guyyiyan qeeseti, Leewati, penggiyaa naagiyaageeti, mazamuriyaa yexxiyaageeti, asaappe darotinne Beeta Maqidasiyaa ashkkarati, muleera Israa7eela ubbai bantta kataman kataman uttidosona.