22
Visime Yami Fakwafakwa Fasinei
16 Visime Nuvinavinana 22:28,29Yota Yave yana sifufu i nusaviya i bwaduwa, “Taki avi namoḡa tutubonona nekaḡaba muka tamo kana sawagifoteina ina banuwiiya, nao ina nogonogoova keta ina vikawaniya. 17 Eatu taki gumayogu amana namoḡanama ina dibutoyoiya, nao namoḡanama gabana nenei ina nogonogoova gumayogu amana ina veniya uḡuna gumayogu naki i banuwiiya.
18 Visime Nuvinavinana 18:10,11Taki avi gumayogu ina viviyafuneya, nao kwana nuvimatiya.
19 Visime Tafu 18:23, 20:15,16, Visime Nuvinavinana 27:21Taki avi namoḡa tamo yomuyomu ina vimomoniya, na gwadinama kwana nuvimatiya.
20 Visime Nuvinavinana 17:2-7Taki tamo aitevana muka Iyauḡa Yave nenekuwai ina vibwanaose atu tamo mani guyau nenei ina vibwanaoseya, na gwadinama kwana nuvimatiya.
21 Yauna 23:9, Visime Tafu 19:33,34, Visime Nuvinavinana 24:17,18, 27:19Mukamokena tamo teneyauyauna kwana vitoagoyogoyowei o kwana viibakaokaoḡowei, uḡuna kwana tukuya kwami yota Itifita nenei kwa viyauyauna.
22 Mukamokena vivinekwafukwafuna keta natuḡaeda kwana vitoagoyogoyoweisi. 23 Taki kwana vitoagoyogoyowisiya be sina bwedi-kikinomana nenekuwai ovivita fasinei, Iyau Yave o venemokena ana vinowanisiya eketa ana ovivitisiya, 24 yota taki yaku kayokuḡa ina kikinomanamoka, nao fetowai ana nuvimatimiya. Nokomai kakawami sina kwafuna yota natunatumi sina vinatuḡaeda.
25 Visime Tafu 25:35-38, Visime Nuvinavinana 15:7-11, 23:19,20Taki yaku namonamoḡa goyogoyo nenesiyai gabana kuna tuniya, muka gabana tokavenena maise kuna fufuna be ina giviyewai na kana tunani. 26 Visime Nuvinavinana 24:10-13Taki unafafaniu gabana kuna veniya nao kana kwame ina veniwa. Kwamenama o yana bwadudabadaba neneweu vitana gabananama yawane ina fatasavaviniya. Eatu taki gabana muka ina venufatai nao kana kwamenama kuna viyewiya muniyai yo vanavana ina sonuwa. 27 Na naki kana gananavama nonowana i vivisoḡowiiya. Aviyavana tamo ita banuwiyei nuwabuna? Taki muka kuna viyewai be ina bwedi-kikinomana nenekuwai ovivita fasinei, nao ana vinowaniya uḡuna Iyau tosineganigani.”
22:16 Visime Nuvinavinana 22:28,29
22:18 Visime Nuvinavinana 18:10,11
22:19 Visime Tafu 18:23, 20:15,16, Visime Nuvinavinana 27:21
22:20 Visime Nuvinavinana 17:2-7
22:21 Yauna 23:9, Visime Tafu 19:33,34, Visime Nuvinavinana 24:17,18, 27:19
22:25 Visime Tafu 25:35-38, Visime Nuvinavinana 15:7-11, 23:19,20
22:26 Visime Nuvinavinana 24:10-13